Dielulula 13:13 - MUKANDA WA MYIDI MUKULU

¹³ Dituku dikuabu, nudi mua kumvua ne: mu tshimue tshia ku bimenga, bidi Maweja-Nangila Mvidi Mukulu wenu munupe bua kusomba,

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bantu bakuabo ba tshikamakama, bakumuka munkatshi muenu, bakasesuisha bena musoko wabo ne, Tuye tuenzele nzambi mikuabo mudimu, inudi kanuyi bamanye;

Dielulula 13:13 교차 참조

2 Samuele 16:7

Shimeyi uvua upenda mukalenga Davide ne: — Umuka, umuka, muntu mutshimbakane, mushipianganyi!

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 23:6

Kadi bonsu badi bapepeja Mvidi Mukulu, badi bu matamba a mitshi ya meba adibu bimansha, kabayi mua kuambula mu tshianza patupu.

1 Bakalenga 21:10

Muaba udi Nabote muimanyine awu, nushikikepu bantu babidi bena dikamakama, bikale balulamangane ne Nabote. Bantu abu, nebamushiminyine ne: Nabote udi usendeka Mvidi Mukulu, usendeka ne mukalenga Akabe. Pashishe, nupatuke nende mu tshimenga, numuase mabue, numushipe.”

1 Bakalenga 21:13

Bantu babidi kusomba, balulamangane ne Nabote. Bantu abu, kumushiminyina malu kumpala kua bantu bonsu, bamba ne: — Nabote udi usendeka Mvidi Mukulu, usendeka ne mukalenga Akabe kabidi! Diakamue, kupatukabu ne Nabote mu tshimenga, kumuasa mabue, kumushipa.

2 Bakalenga 17:21

Pavua Maweja-Nangila mumushe buloba bua Izrayele ku bukalenga bua Davide, bena Izrayele bavua badisunguile Yerobowame, muana wa Nebate, bua kuikalaye mukalenga wabu. Yerobowame ke uvua mubafikishe ku dibenga kutumikila Maweja-Nangila, mubafikishe ku dienza bibi bitambe.

2 Kulondolola 13:7

Bantu batshimbakane kutua ku luseke lua Yerobowame, kubenga Robowame. Kadi Robowame, muana wa Shelomu, utshivua nsongalume, kayi mupite kujingulula malu a mvi-ta. Kavua ne mushindu wa kukandamana. Ke muvuabu bamupite bukole.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

2 Korente 6:15

Kristu ne diabolu badi mua kumyuangana anyi? Muena ditaba ne udi kayi muena ditaba, badi mua kuenza tshintu tshimue anyi?

Dielulula 13:12

Nanku pikala bena Izrayele bonsu bumvua bualu ebu, nebatshine. Kabakuenza kabidi malu mabi a nanku to.

Dielulula 13:14

mudi bantu babi badi bambila bena Izrayele bua kutendelela mvidie inudi kanuyi bamanye mpindiewu.

Dielulula 13:2

Dituku dikuabu, pikala muambi nansha muntu udi Mvidi Mukulu uleja malu munumuenekela, nnumanyisha tshishima,

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Dielulula 17:4

Panuikala bumvue ne: muena Izrayele udi utendelela mvidie nanku, nukebulule bua kujadika ne: mmuenze nanku bulelela anyi? Pikala bualu ebu bubi, budi kabuyi buengelela Maweja-Nangila, buenzeke munkatshi muenu bulelela,

Dielulula 4:19

Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

1 Yone 3:10

Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.

Yuda 1:19

Bantu abu nebapandulule bantu. Nebalonde bia panu, kabayi bitaba Mueyelu wa Mvidi Mukulu.

Balombodi 19:22

Kadi pavua benyi abu badia, basanka mu nzubu, bena buenzayi ba mu Ngibeya kunyungulula nzubu awu, kukokola ku tshiibi. Kuambilabu mukulumpe muena nzubu ne: — Patula muntu mulume uudi muakidile kuebe eku. Tudi basue ikale mukajetu.

Balombodi 20:13

Nanku mpindiewu, nutupe bena tshibawu abu, bena buenzayi ba bena Ngibeya abu. Netubashipe bua kujikija bubi ebu munkatshi mua tshisamba tshia bena Izrayele. Kadi bena Binyamine kabavua basue kuteleja bana babu bena Izrayele to.

1 Samuele 10:27

Kadi kuvua kabidi bantu bena buenzayi, bavua bamba ne: “Muntu ewu udi mua kutusungidila mushindu kaayi?” Nanku bantu abu bavua bapepeja Shawule. Kabawa balambula milambu. Kadi Shawule kulengulula bionsu abi.

1 Samuele 2:12

Bana ba balume ba mutuangaji Eli bavua bantu babi. Kabavua batshina Maweja-Nangila to.

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.

1 Samuele 25:25

Kunangidi malu a Nabale to, bualu mmuntu mutshimbakane. Nabale mmumue ne: muntu mutshimbakane. Nanku, dina edi ndimukumbanyine, bualu kena ne lungenyi to. Kadi, mukalenga wanyi Davide, meme Abiyayile tshivua mumone bantu bebe bauvua mututumine to.