Dielulula 13:1 - MUKANDA WA MYIDI MUKULU

¹ Nukumbaje mikenji yonsu indi munuambile eyi. Kanusakididi bualu, kanumbushi bualu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Biabika muprofete anyi mulotshi wa bilota munkatshi muenu, udi unulesha tshimanyinu anyi bualu bua kukema;

Dielulula 13:1 교차 참조

1 Bakalenga 13:18

Kadi, muambi mukulumpe kusuminyina bikole, wamba ne: — Meme kabidi ndi muambi bu wewe. Mutumibue wa Mvidi Mukulu uvua muakule nanyi mu dina dia Maweja-Nangila. Uvua muntume bua tupingane nebe ku nzubu kuanyi bua wewe kudia ne kunua. Bulelela, uvua ushima bionsu ebi.

1 Bakalenga 13:19

Nanku, muambi uvua mufume ku ditunga dia bena Yuda, kupingana ku nzubu kuende bua kudia ne kunua.

Nsumuinu 30:6

Kusakididi muaku nansha umue ku miaku yende. Tshianana neakutandishe, neakuleje muudi muena dishima.”

Yeshaya 9:15

Balombodi ba bantu aba badi babapambula. Pa mutu pa kubaludika, badi babatangalaja.

Yirmeya 23:11

Bambi ne batuangaji bonsu badi benza buenzavi. Meme kubasangana benza bibi ne mu nzubu wanyi. Meme Maweja-Nangila ndi ngamba nanku.

Yirmeya 23:32

Ndi nduisha bambi badi bamba malu avuabu bamone mu ndota, bapambuisha bantu banyi, babadinga. Meme tshiena mubapeshe mudimu nansha umue, tshiena mubelele mukenji nansha umue. Kabena bambuluisha bantu banyi. Meme Maweja-Nangila ndi ngamba nanku.

Yirmeya 27:9

Nanku, nuenu kanuteleji bambi benu to. Kanuteleji batshidi banuambila malu adi kumpala, banudinga ne: ke atuvua bamone mu ndota, mu mbuku, ne mu majimbu. Bualu bonsu badi banuambila ne: Kanuitabi ku diyi dia mukalenga wa Babilone.

Yirmeya 29:24

Maweja-Nangila wa bukole buonsu Mvidi Mukulu wa Izrayele, kutuma muambi Yirmeya bua kuambila bantu malu adi atangila Shemaya wa mu Nekelame. Bualu Shemaya uvua mutumine mutuangaji Sefanya, muana wa Masheya, kabidi ne batuangaji bakuabu, kabidi ne bantu bakuabu bavua mu Yerushalayime mukanda. Shemaya uvua mufundile Sefanya ne:

Yirmeya 29:26

“Bu mudi Maweja-Nangila mukuteke bua kupingana Yoyada, utangile ne disu dikole bantu badi babuele mu nzubu wa Mvidi Mukulu! Nanku bantu batshimbakane badi badiamba ne: tudi bambi, ubele mu tshikunyi, ne nkanu mu nshingu.

Yirmeya 29:8

“Maweja-Nangila wa bukole buonsu, Mvidi Mukulu wa Izrayele, udi wamba kabidi ne: Kanuitabi malu a dishima adi bambi ba munkatshi muenu bamba, nansha malu adibu banuambila kudi bantu bua matuku atshidi kumpala. Kanuitabi badi banumvuija ndota yenu.

Yirmeya 6:13

Bualu bantu aba bonsu, bana ne bantu bakole, badi amu ne lukuka lua bintu, bakeba biuma ne buivi. Bambi ne batuangaji mene badi amu badinga bantu.

Yezekiyele 13:23

Nanku, kuenu kuajiki. Malu enu anudi nudinga nawu bantu, ne malongesha enu a dishima ajiki. Ndi ngumusha bantu banyi ku bumfumu buenu. Nanku nenumanye ne: meme ndi Maweja-Nangila.”

Zekâya 10:2

Mvidie inudi nukonka malu, idi inuambila malu a dishima. Batempi ba mbuku badi banudinga, bilota bidibu bawilangana bidi bia patupu. Badi basamba bantu ne miaku ya patupu. Ke pavua bantu balalakana, bu mikoku idi ikenga, kayiyi ne mulami.

Zekâya 13:4

Dituku adi, bambi nebumvue bundu, batshina kuamba malu mu dina dia Mvidi Mukulu, nansha kulonda malu adi Mvidi Mukulu ubaleja. Kabakudinga kabidi bantu, bavuala tshinkutu tshia bambi tshienza ne buoya.

Matayi 24:11

Bambi ba dishima ba bungi nebamueneke. Nebadinge bantu bavule.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

Marke 13:22

Bualu ba Meshiya ba dishima ne bambi ba dishima nebafike, nebenze bimanyinu ne bishima bua kupeta mushindu wa kushima bantu badi Mvidi Mukulu mumane kusungula.

Luke 6:26

“Padi bantu bonsu banutumbisha, nudi bena diakabi, bualu ke muvua bankambua babu benzela bambi ba dishima nanku!”

Dielulula 18:20

Kadi pikala muambi wakula ne dikamakama mu dina dianyi meme Maweja-Nangila, wamba malu andi tshiyi mumuambile, nansha pikalaye wamba malu mu dina dia mvidie mikuabu, muambi awu neafue.”

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:2

Kanusakididi bualu bukuabu ku mikenji ya Maweja-Nangila Mvidi Mukulu wenu, indi munulongeshe. Kanumushi bualu nansha bumue. Nuyikumbaje yonsu, bungi buayi.

2 Tesalonike 2:9

Muena bubi neafike ne bukole bua diabolu. Neenze bishima bia mishindu yonsu, ne malu a kukema, bua kudinga nabi bantu.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.