Dielulula 12:5 - MUKANDA WA MYIDI MUKULU

⁵ Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi muaba udi Yehowa, Nzambi wenu, musungule munkatshi mua bisamba bienu bionso, bua kujadikamu dina diandi: nenukebe muaba kudiye mushikame, nenudisangisheku;

Dielulula 12:5 교차 참조

1 Bakalenga 12:27

Bualu padibu baya mu Yerushalayime bua kulambula milambu mu nzubu wa Maweja-Nangila, mioyi yabu idi mua kupingana kudi mukalenga wabu wa kale Robowame, wa bena Yuda. Nanku nebanshipe, bua bashale ku bumfumu bua Robowame.”

1 Bakalenga 14:21

Robowame, muana uvua Shelomu mulele ne mukaji Naama wa bena Amone, uvua mubuele mu bukalenga bua bena Yuda, muikala ne bidimu makumi anayi ne tshimue. Kushalaye mu bukalenga mu Yerushalayime bidimu dikumi ne muanda mutekete. Tshimenga atshi, ke tshivua Maweja-Nangila musungule mu buloba bujima bua kudilejamu kudi bantu bende.

1 Bakalenga 8:16

“Biangatshile dituku dimvua mupatule bantu banyi bena Izrayele mu Ejipitu, katshia tshivua musungule tshimenga nansha tshimue munkatshi mua bimenga bia bena Izrayele bua kungibakilamu nzubu undi mua kusomba to. Kadi ndi mukusungule wewe Davide, bua wikale mukalenga wa bantu banyi bena Izrayele.”

1 Bakalenga 8:20

Nanku, Maweja-Nangila ke udi mukumbaje bionsu bivuaye mulaye. Meme ndi mupingane tatu wanyi Davide mu bukalenga. Ndi musombe mu nkuasa wa bukalenga wa bena Izrayele, bu muvua Maweja-Nangila muambe. Ndi muibake nzubu ewu wa tshijila wa Maweja-Nangila Mvidi Mukulu wa bena Izrayele.

1 Bakalenga 8:27

“Kadi Maweja-Nangila udi mua kusomba pa buloba anyi? Diulu, nansha diodi dialabale, kadiena mua kumukumbana to! Mudiye mua kusomba mu kazubu kandi muibake aka mbishi?

1 Bakalenga 8:29

Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

2 Bakalenga 18:22

“Bulelela nenungandamune ne: tudi batekemena kudi Maweja-Nangila Mvidi Mukulu wetu. Kadi, wewe Izkiya ke uvua munyangakaje miaba yonsu ya kumutendelela, ne bilambuilu biende bionsu bivuapu. Uvua mukandike bena Yerushalayime ne bena Yuda bua kabatendeledi muaba mukuabu to, anu kumpala kua tshilambuilu tshidi mu Yerushalayime.

1 Kulondolola 22:1

Ke pavua Davide wamba ne: “Nzubu wa Maweja-Nangila Mvidi Mukulu udi apa. Monayi tshilambuilu tshidi bena Izrayele ne bua kulambuila milambu yabu.”

2 Kulondolola 7:12

Maweja-Nangila kumumuenekela munkatshi mua butuku, umuambila ne: — Ndi mumvue dilomba diebe. Ndi muanyishe nzubu ewu bua bikale bandambuilamu milambu.

Ezela 3:2

Mutuangaji Yeshuwa, muana wa Yoshadake, pamue ne batuangaji bakuabu, bana babu, kabidi ne Zerubabele, muana wa Sheyaltiyele, ne bana babu, kutuadijabu kuibakulula tshilambuilu tshia Mvidi Mukulu wa bena Izrayele, bua bamone mua kulambuilapu milambu ya kuosha, bu mudibu balombe mu mikenji ya Moshe, muntu wa Mvidi Mukulu.

Ezela 6:12

Mvidi Mukulu udi musombe mu Yerushalayime, bua bantu bamutendelelemu, anyoke mukalenga yonsu nansha tshisamba tshionsu tshidi tshikeba mua kunyanga nzubu wa Mvidi Mukulu, tshibenga meyi anyi aa. Meme Daryaveshe ke udi utuma diyi awu. Batumikile diyi edi, anu mundi muambe amu!”

Ezela 7:17

Mu Yerushalayime, makuta audi upeta, usumbe nawu nyama ya ngombe milume, mbuji ya bimpanga, bana ba mikoku, ne bintu bionsu biudi ukengela bua kulambula milambu ya bintu bia mu madimi ne milambu ya maluvu a mvinyo. Bintu bionsu abi, ubilambuile pa tshilambuilu tshidi mu nzubu wa Mvidi Mukulu webe wa mu Yerushalayime.

Nehemya 1:9

Kadi, nuenu bapingane kundi, bakumbaje mikenji yanyi, nansha nuenu mu bupika ku ndekelu kua buloba, meme nennukebe, nnupingaje muaba umvua mumane kusungula bua meme kusomba.’

Misambu 78:68

kadi kusungulaye tshisamba tshia Yuda, ke mukuna wa Siyone uvuaye munange.

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Ekesode 25:22

Netumonangane nebe anu pa tshibuikidiji tshia mushete awu. Pankatshi pa Bakerubine abu, ke pandi nkupela mikenji idi itangila bena Izrayele.

Yirmeya 26:2

— Meme Maweja-Nangila ndi nkupa mukenji ewu. Uye kuimana mu lupangu lua nzubu wa Mvidi Mukulu. Uyukile ne bantu bonsu badi bafume mu bimenga bia Yuda bua kutendelela. Wambuluile bantu bionsu bindi mukutumine diyi bua kubambila. Kushiyi kalu nansha kamue to.

Yirmeya 7:12

Nuye ku Shilo, muaba wanyi wa tshijila umvua nsomba kale. Nenumone mundi munyangakaje muaba ewu bua buenzavi bua bantu banyi bena Izrayele.

Yirmeya 7:14

Nanku, nzubu wanyi ewu, nzubu unudi nutekemena, nzubu umvua mupeshe bankambua benu, munupeshe ne nuenu, ndi musue kumunyangakaja bu mumvua munyangakaje Shilo.

Lewitiki 17:4

udi ne bua kufika ne nyama ayi ku mushiku wa ntenta wa kusambakena bua ayilambule Maweja-Nangila kumpala kua nzubu wende wa tshijila. Yeye kayi muenze nanku, mmuena tshibawu. Nenku nebamuipate mu bena Izrayele, bua mashi adiye mumatshishe panshi, kayi mulonde mikenji.

Dibadika 7:89

Pavua Moshe ubuela mu ntenta wa kusambakena bua kuyukila ne Maweja-Nangila, uvua umvua diyi dia Maweja-Nangila, difumina pankatshi pa Bakerubine babidi, bavua pa tshibuikidiji tshia mushete wa ndondu. Diba adi Maweja-Nangila uvua uyukila ne Moshe.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 12:13

Nuenu bena Izrayele, dimukayi: kanuena mua kulambula milambu yenu miaba yonsu ya tshijila inudi numona to.

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 12:4

Panudi nutendelela Maweja-Nangila Mvidi Mukulu wenu, kanulondi bibidilu bia bisamba abi to.

Dielulula 14:23

Pashishe nuye mu nzubu wa Maweja-Nangila Mvidi Mukulu wenu, muaba wikalaye musungule bua nuenu kumonangana nende, ne bua kulambulamu tshia dikumi tshia bintu ebi: ntete ya kuenza bukula, maluvu a mvinyo, mafuta, bamuanabute ba ngombe, ba mikoku ne ba mbuji. Ke munudi mua kulomba, munudi mua kunemeka kashidi Maweja-Nangila Mvidi Mukulu wenu.

Dielulula 14:24

Nanku pikala Maweja-Nangila Mvidi Mukulu wenu munupesha biakudia bia bungi mu madimi enu, misangu mikuabu kanuena mua kuambula tshia dikumi bua kutshinkisha muaba wikalaye musungule bua kusomba, bualu njila neikale mupite bule.

Dielulula 15:20

Ku tshidimu tshionsu, nudie munyinyi wa bimuna ebi ne meku enu, muaba wa tshijila wa Maweja-Nangila Mvidi Mukulu wenu, mu nzubu wikalaye musungule.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Dielulula 16:15

Nuenze tshibilu etshi matuku muanda mutekete, bua kutendelela Maweja-Nangila Mvidi Mukulu wenu. Nutshienzele anu muaba wikalaye musungule. Nusanke bikole, bualu Maweja-Nangila neanuvudijile biakudia bia bungi mu madimi enu. Neanusankishe kabidi mu bionsu binudi nuenza.

Dielulula 16:2

Nanku nyama ya mu bikumbi inudi mua kulambula mu tshibilu etshi nyoyi eyi: ngombe, mikoku ne mbuji. Kadi nuyilambule anu muaba wikalaye musungule bua nuenu kumonangana nende.

Dielulula 16:6

Kadi nudi mua kulambula milambu eyi, anu mu tshimenga tshikala Maweja-Nangila musungule bua nuenu kumonangana nende. Nuyilambule dilolu diba dimane kubuela, bualu ke diba dinuvua bapatuke mu Ejipitu.

Dielulula 16:7

Nulambe munyinyi awu, nuudile muaba wikala Maweja-Nangila musungule. Mu dinda, nupingane ku nzubu yenu.

Dielulula 17:8

Pikala balumbuluishi ba muaba unudi basombe, bapangile tshilumbu tshia bantu, bavua bashipangane, batutangane, batapangane mputa, nansha benze tshilema tshikuabu kampande, nuye ne tshilumbu atshi muaba wikala Maweja-Nangila musungule.

Dielulula 18:6

Pikala muena Levi umuka mu tshimenga tshia bena Izrayele mudiye musombe, bua kuya muaba wikala Maweja-Nangila musungule,

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

Dielulula 31:11

Nusangishe bena Izrayele bonsu muaba umue, balume, bakaji, bana, ne bantu benyi badi munkatshi muenu. Nubabadile mikenji eyi kumpala kua Mvidi Mukulu Maweja-Nangila, muaba wikalaye musungule.

Kolose 2:9

Bualu Mvidi Mukulu udi mujima munda mua Kristu mu bumuntu buende.

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

Yoshua 22:11

Bantu kuya kumanyisha bena Izrayele bakuabu ne: — Telejayi: bena Rubene, bena Ngade, ne bena Menashe badi basombe luseke ludi diba dipatukila lua Yardene, mbase tshilambuilu ku muelelu wa musulu, kadi luseke luetu, mu ditunga dia Kenaane!

Yoshua 9:27

kupesha bena Ngibone mudimu wa kukosa nkunyi, kusunyina bena Izrayele mayi, ne kusuna mayi bua tshilambuilu tshia Maweja-Nangila, muaba wikale Maweja-Nangila usungula. Nanku ndelanganyi ya bena Ngibone itshidi ikuata midimu eyi too ne ku lelu.

Didimanyisha 14:1

Pashishe nkenzakana, meme kumona Muana wa mukoku muimane kulu pa mukuna wa Siyone. Uvua ne bantu binunu lukama ne makumi anayi ne binayi, bavuabu bafunde dina diende, ne dia Tatu wende, pa mpala.