Dielulula 12:21 - MUKANDA WA MYIDI MUKULU

²¹ Panuikala kanuyi pabuipi ne muaba wikale Maweja-Nangila Mvidi Mukulu wenu musungule bua yeye kusomba, nudi mua kushipa bimuna bidiye munupe: ngombe, mikoku, mbuji, kudia munyinyi miaba yonsu inudi basombe. Kadi mwuluke anu mikenji indi mumane kunuambila.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bikala muaba udi Yehowa, Nzambi wenu, Usungula bua kujadihamu dina diandi, udi kule, hashishe nenushale ngombe wa mu ngombe yenu ne mukoko wa mu mikoko biakanuha Yehowa, bu munakanuambila; nudi mua kudia ku mbelu kuenu bintu bionso bidi mitshima yenu misue.

Dielulula 12:21 교차 참조

1 Bakalenga 14:21

Robowame, muana uvua Shelomu mulele ne mukaji Naama wa bena Amone, uvua mubuele mu bukalenga bua bena Yuda, muikala ne bidimu makumi anayi ne tshimue. Kushalaye mu bukalenga mu Yerushalayime bidimu dikumi ne muanda mutekete. Tshimenga atshi, ke tshivua Maweja-Nangila musungule mu buloba bujima bua kudilejamu kudi bantu bende.

2 Kulondolola 12:13

Mamuende wa mukalenga Robowame uvua Naama wa bena Amone. Robowame kushala mukalenga mu Yerushalayime, kushindika bukalenga buende. Uvua ne bidimu makumi anayi ne tshimue, pavuaye mubuele mu bukalenga bua bena Yuda. Uvua mushale mu bukalenga mu Yerushalayime bidimu dikumi ne muanda mutekete. Bualu ke tshimenga tshivua Maweja-Nangila musungule mu buloba bua bena Izrayele bua kusomba munkatshi mua bantu bende.

Ezela 6:12

Mvidi Mukulu udi musombe mu Yerushalayime, bua bantu bamutendelelemu, anyoke mukalenga yonsu nansha tshisamba tshionsu tshidi tshikeba mua kunyanga nzubu wa Mvidi Mukulu, tshibenga meyi anyi aa. Meme Daryaveshe ke udi utuma diyi awu. Batumikile diyi edi, anu mundi muambe amu!”

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Dielulula 12:15

Bimuna bionsu bikale Maweja-Nangila munupe mu ditunga dinuasomba, muntu yonsu udi ne mikiya nansha udi kayi nayi, udi mua kubishipa, kudia munyinyi wabi bu mudiye musue, ne muaba udiye musue, anu bu munutu nudia munyinyi wa kabuluku, nansha wa ngulungu.

Dielulula 12:20

Pikala Maweja-Nangila wenu mudiundishe ditunga dienu bu muvuaye mulaye, nenuikale nudia munyinyi munudi basue.

Dielulula 12:22

Nanku muntu yonsu udi ne mikiya, nansha udi kayi nayi, udi mua kudia munyinyi awu, mudiye musue, bu munudi nudia munyinyi wa kabuluku, nansha wa ngulungu.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Dielulula 16:6

Kadi nudi mua kulambula milambu eyi, anu mu tshimenga tshikala Maweja-Nangila musungule bua nuenu kumonangana nende. Nuyilambule dilolu diba dimane kubuela, bualu ke diba dinuvua bapatuke mu Ejipitu.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.