Dielulula 12:20 - MUKANDA WA MYIDI MUKULU

²⁰ Pikala Maweja-Nangila wenu mudiundishe ditunga dienu bu muvuaye mulaye, nenuikale nudia munyinyi munudi basue.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hadiundisha Yehowa, Nzambi wenu, matshika enu muakanulayeye, ne nuenu nenuambe ne, Netudie munyinyi, bualu bua mitshima yenu idi misue kudia munyinyi; nudi mua kudia munyinyi udi mitshima yenu misue.

Dielulula 12:20 교차 참조

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Genese 31:30

Nanku uvua musue kupingana kuenu bua kumonangana ne baledi bebe. Mbimpe! Kadi udi muibe mpingu ya mvidie indi ntendelela bua tshinyi?

2 Samuele 13:39

Kanyinganyinga kavua mukalenga Davide naku, bua lufu lua Amnone kamane kujika, tshiji tshivuaye mutekele Absalome kujika patshi.

2 Samuele 23:15

Ke Davide kumvuaye nyota, kulomba ne: — Udi mua kumpesha mayi a kunua adi mu tshiina tshia mayi tshidi ku tshiibi tshia mu Betleyeme nnganyi?

1 Kulondolola 4:10

Yabese uvua utendelela Mvidi Mukulu wamba ne: “Mvidi Mukulu wa bena Izrayele, ungele lupemba, umvudijile bindi nabi, undame. Kadi ungumbushile diakabi ne makenga!” Mvidi Mukulu kumupesha tshivuaye umulomba.

Misambu 107:9

Bualu udi mupeshe bavua ne nyota mayi a kunua, mubumbuile bavua ne nzala bivuabu bakengela.

Misambu 119:174

Maweja-Nangila, dijinga dinene ndia wewe kumpandisha, mikenji yebe ke idi insankisha.

Misambu 119:20

Muoyi wanyi mmusue kulonda mapangadika, audi muangate mu malu onsu.

Misambu 119:40

Dijinga dianyi ndia kulonda mikenji yebe, umpe muoyi bualu udi muakane.

Misambu 63:1

Musambu wa mu mukanda wa misambu ya Davide. Mmuusake pavuaye musokome mu tshipela tshia Yuda.

Misambu 84:2

Maweja-Nangila wa bukole buonsu, ndi munange nzubu webe bikole!

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Ekesode 34:24

Pangipata bisamba bikuabu bionsu binudi nabi pabuipi, nendiundishe mikalu ya ditunga dienu, bua panudi numuka bua kumonanganna nanyi misangu eyi isatu, bantu bakuabu kabena mua kuikala ne lukuka lua ditunga dienu to.

Dibadika 11:20

Nenuudie ngondu mujima. Neunutonde, unupatukila mu diulu. Ke muanunyokabu, bualu nuvua nudiabakena, nujinga Ejipitu, nulengulula Maweja-Nangila udi munkatshi muenu.”

Dibadika 11:34

Kuinyikabu muaba awu ne: Kibrote-Taawa, mmumue ne: nkita ya bena lukuka. Bualu ke muaba uvuabu bajiike bena Izrayele bavua ne lukuka lua munyinyi.

Dibadika 11:4

Dituku dikuabu bantu benyi ba mishindu yonsu bavua basombe munkatshi mua bena Izrayele kukuatshika lukuka lua munyinyi. Bena Izrayele mene kutuadija kudiabakena, bebejangana ne: “Udi mua kutupesha munyinyi wa tuetu kudia nnganyi?

2 Korente 9:14

Nebanulombele kudi Mvidi Mukulu. Nebanunange bikole, padibu bamona mudi Mvidi Mukulu mupite kunuenzela bimpe.

Dielulula 11:24

Ditunga dijima ndienu. Mikalu yadi idi mushindu ewu: kutuadija ku tshipela tshidi kuinshi mu ditunga, too ne ku mikuna ya Lebanone, idi ku mutu mu ditunga; ku musulu munene wa Perate luseke lua kudi diba dipatukila, too ne ku Mayi manene a pankatshi pa matunga, luseke lua kudi diba dibuelela.

Dielulula 12:15

Bimuna bionsu bikale Maweja-Nangila munupe mu ditunga dinuasomba, muntu yonsu udi ne mikiya nansha udi kayi nayi, udi mua kubishipa, kudia munyinyi wabi bu mudiye musue, ne muaba udiye musue, anu bu munutu nudia munyinyi wa kabuluku, nansha wa ngulungu.

Dielulula 12:21

Panuikala kanuyi pabuipi ne muaba wikale Maweja-Nangila Mvidi Mukulu wenu musungule bua yeye kusomba, nudi mua kushipa bimuna bidiye munupe: ngombe, mikoku, mbuji, kudia munyinyi miaba yonsu inudi basombe. Kadi mwuluke anu mikenji indi mumane kunuambila.

Dielulula 19:8

Panuikala banange Maweja-Nangila Mvidi Mukulu wenu, panuenza anu mudiye musue, panuakumbaja mikenji yonsu indi nnuambila eyi, yeye neadiundishe ditunga dienu. Neanupe ditunga dijima divuaye mulaye bankambua benu.

Filipe 1:8

Mvidi Mukulu mmujadike bulelela bua bindi ngamba ebi se: ndi mununange bonsu ne dinanga dinene didi Yezu ununanga nadi.

Filipe 2:26

mMunusamine bonsu muoyi, mulubakane kabidi, bualu nuvua bumvue ne: udi usama.