Dielulula 12:18 - MUKANDA WA MYIDI MUKULU

¹⁸ Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ kadi nubidie ku mpala kua Yehowa, Nzambi wenu, mu muaba udi Yehowa, Nzambi wenu, musungule, ne wewe ne muana webe mulume ne muana webe mukashi ne muhika webe mulume ne muhika webe mukashi, ne Muena Lewi udi ku mbelu kuenu: nuikale ne disanka ku mpala kua Yehowa, Nzambi wenu, mu malu onso anudi nuenza ne bianza bienu.

Dielulula 12:18 교차 참조

Misambu 32:11

Maweja-Nangila anusankishe nuenu, bantu bende. Nuenu badi bamuitaba, katshilayi, tuayi tshianga.

Misambu 68:3

Udi ubatangalaja, bu mudi muinshi utangalaka, ujimina. Padiye umueneka, baluishi bende badi bateketa mu maboku, bu mudi manyi enguluka ku kapia.

Nsumuinu 3:17

Adi amuendesha mu njila wa diakalenga, mudiye wenda amu mu bupole.

Muambi 3:12

Nanku meme kumvua ne: Diakalenga didi muntu nadi didi amu kusanka, ne kusomba bimpe panu patshidiye ne muoyi.

Muambi 5:18

Misangu mikuabu Mvidi Mukulu udi upesha muntu biuma, umupesha kabidi ne diba dia mua kusanka nabi. Nanku muntu ewu ela amu Mvidi Mukulu tuasakidila bua padiye usanka ne bidiye mupete ku mudimu wende. Bualu bionsu abi ndipa dia kudi Mvidi Mukulu.

Yeshaya 12:3

Nenusune mayi a disanka, ku mpokolu ya lupandu.

Bienzedi 16:34

Mulami kuya ne Polu ne Silase kuende, kubalambishila biakudia. Yeye ne bonsu ba mu nzubu muende bavua ne disanka divule, bualu mpindiewu bavua bitaba Mvidi Mukulu.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Dielulula 12:14

Milambu ayi, nuyilambuile anu muaba wa tshijila wikale Maweja-Nangila musungule mu buloba bua tshisamba tshimue tshia ku bisamba bienu. Muaba awu, ke unudi mua kukumbajila bionsu bindi nnuambila.

Dielulula 12:19

Numanye ne: matuku onsu anudi mu ditunga dienu, kanuena mua kulengulula bena Levi to.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Dielulula 14:23

Pashishe nuye mu nzubu wa Maweja-Nangila Mvidi Mukulu wenu, muaba wikalaye musungule bua nuenu kumonangana nende, ne bua kulambulamu tshia dikumi tshia bintu ebi: ntete ya kuenza bukula, maluvu a mvinyo, mafuta, bamuanabute ba ngombe, ba mikoku ne ba mbuji. Ke munudi mua kulomba, munudi mua kunemeka kashidi Maweja-Nangila Mvidi Mukulu wenu.

Dielulula 15:20

Ku tshidimu tshionsu, nudie munyinyi wa bimuna ebi ne meku enu, muaba wa tshijila wa Maweja-Nangila Mvidi Mukulu wenu, mu nzubu wikalaye musungule.

1 Samuele 1:4

Misangu yonsu ivua Elkana ulambula mulambu wende, uvua upesha mukajende Penina dibulu dia munyinyi dia nyama uvuaye mulambula awu. Uvua upesha kabidi muana yonsu wa Penina dibulu dia munyinyi.