Dielulula 12:16 - MUKANDA WA MYIDI MUKULU

¹⁶ Kadi kanuena mua kudia mashi a nyama to. Nualekele, apueke panshi bu mayi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kanudi mashi, kadi nuahongolole ha buloba bu mai.

Dielulula 12:16 교차 참조

Genese 9:4

Kadi kanuena mua kudia munyinyi wa nyama muikale ne mashi. Bualu muoyi wa tshintu udi mu mash atshi.

Yezekiyele 24:7

Mashi avuabu bela panshi atshidi mu tshimenga. Bavua baela pa mabue, kabayi nansha baajibikila ne buloba. Buloba ki mbuanji kunua mashi aa to.

Yezekiyele 33:25

Ubambile tshindi meme Maweja-Nangila Mvidi Mukulu mujadike ne: “Nudi nudia munyinyi, nudia ne mashi. Nudi nukukuila mvidie mikuabu. Nudi nushipangana. Kadi munudi mua kuamba ne: nempete ditunga mbishi?

Lewitiki 19:26

“Kanudidi munyinyi wa nyama pa muaba muine unuvua bamushipe, bamupatuile mashi to. Kanuenji majimbu, kanubuki to.

Lewitiki 3:17

Nanku nuenu ne ndelanganyi yenu, miaba yonsu inudi nusomba, kashidi ne kashidi kanudi mashi nansha mafuta to. Nulame mukenji ewu kashidi.”

Bienzedi 15:20

Kadi tubafundile mukanda, tubambile ne: kanudi minyinyi ya nyama ivuabu balambule nwidie, bualu idi ne mikiya; nulekele buendenda; kanudi minyinyi ya nyama mishipa kayiyi mipatule mashi, nansha mashi mene.

Bienzedi 15:29

kanudi minyinyi ya nyama ivuabu balambule nwidie. Kanudi mashi, nansha minyinyi ya nyama mishipa, kayiyi mipatule mashi. Nulekele buendenda. Nuenu bakumbaje mikenji eyi, nudi nuenza biakane. Kolayi!”

Dielulula 15:22

Munyinyi awu, nudi mua kuudila ku nzubu yenu pamue ne bantu bonsu, badi ne mikiya nansha badi kabayi nayi, anu bu munudi nudia munyinyi wa kabuluku nansha wa ngulungu.

Dielulula 15:23

Kadi misangu yonsu, kanudi mashi a tshimuna to. Nualekele, apueke panshi bu mayi.

1 Timote 4:4

Bionsu bidi Mvidi Mukulu mufuke, bidi bimpe. Kakuena tshintu tshibi nansha tshimue. Nanku udi mua kudia bionsu, wela Mvidi Mukulu tuasakidila.

1 Samuele 14:32

Nanku kufuilakanabu bintu bivuabu bapawule: mikoku, ngombe ne bana ba ngombe. Kushipelabu nyama ayi anu muaba awu. Kudiabu munyinyi awu, mutshikale ne mashi.

1 Samuele 14:33

Kuambilabu Shawule ne: bena Izrayele mbenzele Maweja-Nangila bibi, bualu mbadie munyinyi, mutshikale ne mashi. Shawule kuela mbila ne: — Mbenze bualu bubi butambe! Bungulujayi lukasa dibue dinene, nufike nadi muaba undi ewu.