Dielulula 12:11 - MUKANDA WA MYIDI MUKULU

¹¹ Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe nenulue ne bintu binakanuambila ku muaba udi Yehowa, Nzambi wenu, Usungula bua kujadikamu dina diandi; milambu yenu ya kuosha ne nyama yenu mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu kunudi nuditshiha nʼaku kudi Yehowa.

Dielulula 12:11 교차 참조

1 Bakalenga 12:27

Bualu padibu baya mu Yerushalayime bua kulambula milambu mu nzubu wa Maweja-Nangila, mioyi yabu idi mua kupingana kudi mukalenga wabu wa kale Robowame, wa bena Yuda. Nanku nebanshipe, bua bashale ku bumfumu bua Robowame.”

1 Bakalenga 8:13

Kadi, ndi mukuibakile nzubu muimpe, muaba uudi mua kusomba kashidi!”

1 Bakalenga 8:16

“Biangatshile dituku dimvua mupatule bantu banyi bena Izrayele mu Ejipitu, katshia tshivua musungule tshimenga nansha tshimue munkatshi mua bimenga bia bena Izrayele bua kungibakilamu nzubu undi mua kusomba to. Kadi ndi mukusungule wewe Davide, bua wikale mukalenga wa bantu banyi bena Izrayele.”

1 Bakalenga 8:29

Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

2 Bakalenga 18:22

“Bulelela nenungandamune ne: tudi batekemena kudi Maweja-Nangila Mvidi Mukulu wetu. Kadi, wewe Izkiya ke uvua munyangakaje miaba yonsu ya kumutendelela, ne bilambuilu biende bionsu bivuapu. Uvua mukandike bena Yerushalayime ne bena Yuda bua kabatendeledi muaba mukuabu to, anu kumpala kua tshilambuilu tshidi mu Yerushalayime.

1 Kulondolola 22:1

Ke pavua Davide wamba ne: “Nzubu wa Maweja-Nangila Mvidi Mukulu udi apa. Monayi tshilambuilu tshidi bena Izrayele ne bua kulambuila milambu yabu.”

2 Kulondolola 6:20

Utabale, ulame nzubu ewu bimpe, butuku ne munya, amu ne muoyi wa kalolu. Bualu uvua mumane kuamba ne: ke muaba undi ndilejila kudi bantu. Teleja mundi nkutendelela mu nzubuemu.

2 Kulondolola 7:12

Maweja-Nangila kumumuenekela munkatshi mua butuku, umuambila ne: — Ndi mumvue dilomba diebe. Ndi muanyishe nzubu ewu bua bikale bandambuilamu milambu.

Ezela 6:12

Mvidi Mukulu udi musombe mu Yerushalayime, bua bantu bamutendelelemu, anyoke mukalenga yonsu nansha tshisamba tshionsu tshidi tshikeba mua kunyanga nzubu wa Mvidi Mukulu, tshibenga meyi anyi aa. Meme Daryaveshe ke udi utuma diyi awu. Batumikile diyi edi, anu mundi muambe amu!”

Misambu 100:2

Numutendelele ne disanka, nuye kumpala kuende ne mbila ya disanka.

Misambu 116:17

Nenkulambule mulambu bua kukuela tuasakidila, kabidi nentumbishe dina diebe.

Misambu 66:13

Ndi mbuela mu nzubu webe mukutuadile milambu ya kuosha, bua kukumbaja malaya amvua mukulaye.

Misambu 78:68

kadi kusungulaye tshisamba tshia Yuda, ke mukuna wa Siyone uvuaye munange.

Ekesode 25:8

Nanku, bena Izrayele bandongoluele muaba wa tshijila, bua ngikale munkatshi muabu.

Ekesode 29:45

Meme nengikale Mvidi Mukulu wa bena Izrayele musombe munkatshi muabu.

Yirmeya 7:12

Nuye ku Shilo, muaba wanyi wa tshijila umvua nsomba kale. Nenumone mundi munyangakaje muaba ewu bua buenzavi bua bantu banyi bena Izrayele.

Lewitiki 17:4

udi ne bua kufika ne nyama ayi ku mushiku wa ntenta wa kusambakena bua ayilambule Maweja-Nangila kumpala kua nzubu wende wa tshijila. Yeye kayi muenze nanku, mmuena tshibawu. Nenku nebamuipate mu bena Izrayele, bua mashi adiye mumatshishe panshi, kayi mulonde mikenji.

Dielulula 12:13

Nuenu bena Izrayele, dimukayi: kanuena mua kulambula milambu yenu miaba yonsu ya tshijila inudi numona to.

Dielulula 12:14

Milambu ayi, nuyilambuile anu muaba wa tshijila wikale Maweja-Nangila musungule mu buloba bua tshisamba tshimue tshia ku bisamba bienu. Muaba awu, ke unudi mua kukumbajila bionsu bindi nnuambila.

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 12:21

Panuikala kanuyi pabuipi ne muaba wikale Maweja-Nangila Mvidi Mukulu wenu musungule bua yeye kusomba, nudi mua kushipa bimuna bidiye munupe: ngombe, mikoku, mbuji, kudia munyinyi miaba yonsu inudi basombe. Kadi mwuluke anu mikenji indi mumane kunuambila.

Dielulula 12:26

Kadi nyama ya tshijila, nansha ya mulambu wa mapiku, nuyilambuile anu muaba wikale Maweja-Nangila musungule.

Dielulula 12:5

Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 14:23

Pashishe nuye mu nzubu wa Maweja-Nangila Mvidi Mukulu wenu, muaba wikalaye musungule bua nuenu kumonangana nende, ne bua kulambulamu tshia dikumi tshia bintu ebi: ntete ya kuenza bukula, maluvu a mvinyo, mafuta, bamuanabute ba ngombe, ba mikoku ne ba mbuji. Ke munudi mua kulomba, munudi mua kunemeka kashidi Maweja-Nangila Mvidi Mukulu wenu.

Dielulula 15:19

Bamuanabute balume bonsu, ba ngombe, mikoku ne mbuji yenu, nubajidile mu dina dia Maweja-Nangila Mvidi Mukulu wenu. Muanabute mulume wa ngombe, kanuena mua kumuenzeja mudimu to. Kabidi kuena mua kukosa miosa ya muanabute wa mukoku.

Dielulula 15:20

Ku tshidimu tshionsu, nudie munyinyi wa bimuna ebi ne meku enu, muaba wa tshijila wa Maweja-Nangila Mvidi Mukulu wenu, mu nzubu wikalaye musungule.

Dielulula 17:8

Pikala balumbuluishi ba muaba unudi basombe, bapangile tshilumbu tshia bantu, bavua bashipangane, batutangane, batapangane mputa, nansha benze tshilema tshikuabu kampande, nuye ne tshilumbu atshi muaba wikala Maweja-Nangila musungule.

Dielulula 18:6

Pikala muena Levi umuka mu tshimenga tshia bena Izrayele mudiye musombe, bua kuya muaba wikala Maweja-Nangila musungule,

Dielulula 23:16

Pikala mupika munyeme mfumuende, musokome mu ditunga dienu, kanumupingaji kua mfumuende to.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

Dielulula 31:11

Nusangishe bena Izrayele bonsu muaba umue, balume, bakaji, bana, ne bantu benyi badi munkatshi muenu. Nubabadile mikenji eyi kumpala kua Mvidi Mukulu Maweja-Nangila, muaba wikalaye musungule.

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

Yoshua 22:11

Bantu kuya kumanyisha bena Izrayele bakuabu ne: — Telejayi: bena Rubene, bena Ngade, ne bena Menashe badi basombe luseke ludi diba dipatukila lua Yardene, mbase tshilambuilu ku muelelu wa musulu, kadi luseke luetu, mu ditunga dia Kenaane!

Yoshua 22:16

mu dina dia bena Izrayele bonsu, babakonka ne: — Nudi benzele Mvidi Mukulu wa bena Izrayele tshilema tshinene nenku bua tshinyi? Mpindiewu, nudi balekele kutumikila Maweja-Nangila bua tshinyi? Panudi base tshilambuilu etshi mu dina dienu, nudi batombokele Maweja-Nangila.

Yoshua 22:23

Patuikala babenge Maweja-Nangila, base tshilambuilu etshi mu dina dietu, bua kulambuilapu milambu ya kuosha, ya bintu bia mu madimi, nansha ya bobumue, anu Maweja-Nangila nkayende atunyoke!

Yoshua 22:27

Tudi tujinga bua tshilambuilu etshi tshikale tshimanyinu tshietu nenu ne ndelanganyi yalonda, tshijadike ne: tuetu tudi mua kutendelela Maweja-Nangila, tudi mua kulambula milambu ya kuosha, ya bobumue, nansha ya mushindu mukuabu. Nanku ndelanganyi yenu kayena mua kujadikila yetu ne: kanuena ne tshinudi mua kuamba kumpala kua Maweja-Nangila.

Yoshua 22:29

Nanku, katuena basue kutombokela Maweja-Nangila, nansha kumubenga. Katuena base tshilambuilu etshi bua kulambuilapu milambu ya kuosha, ya bintu bia mu madimi, nansha milambu mikuabu. Katuena basue kulambula milambu muaba mukuabu, kadi amu pa tshilambuilu tshia Maweja-Nangila Mvidi Mukulu wetu, tshidi kumpala kua muaba wende wa tshijila.

Yoshua 9:27

kupesha bena Ngibone mudimu wa kukosa nkunyi, kusunyina bena Izrayele mayi, ne kusuna mayi bua tshilambuilu tshia Maweja-Nangila, muaba wikale Maweja-Nangila usungula. Nanku ndelanganyi ya bena Ngibone itshidi ikuata midimu eyi too ne ku lelu.

1 Samuele 1:21

Pashishe Elkana kuya kabidi ku Silo ne bena nzubu wende bonsu bua kulambula Maweja-Nangila mulambu wa ku tshidimu, ne mulambu wa mapiku avuaye muela.