Dielulula 11:25 - MUKANDA WA MYIDI MUKULU

²⁵ Muntu nansha umue kakukandamana to. Bantu bonsu nebanutshine, bakuatshike bowa miaba yonsu inudi nupitshila, bu muvua Maweja-Nangila munulaye.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kakuena muntu udi mua kuimana ku mpala kuenu: Yehowa, Nzambi wenu, neateke buowa ne dishina kudi bena buloba buonso bunudi nudiata ku makasa, bu muakanuambileye.

Dielulula 11:25 교차 참조

1 Kulondolola 14:17

Bituadije ku tshikondu atshi, lumu lua Davide kutangalaka matunga onsu. Maweja-Nangila kukolesha Davide bua bukua matunga bumutshine.

Ekesode 23:27

“Kadi bonsu badi basue kunuluisha, meme nembakuatshishe bowa, banutshine, bapange mua kunuluisha, banunyeme.

Dielulula 2:25

Kutuadija lelu, nenkuatshishe bisamba bionsu bia pa buloba bowa. Bobu bumvue lumu luenu, nebazakale, banutshina.”

Dielulula 7:24

Maweja-Nangila neafile bakalenga babu kunudi. Nenubabutule bonsu, kabayi babavuluke kabidi pa buloba. Muntu nansha umue kakunutuila nkanana. Nebabutuke bonsu.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Yoshua 2:9

Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.