Dielulula 11:23 - MUKANDA WA MYIDI MUKULU

²³ Nanku panuafika pabuipi ne ditunga adi bua kudikuata, Yeye neanuipatshile baluishi benu, badi banupita ku bungi ne ku bukole.

Mukanda wa Nzambi Dihungila Dikulukulu ne Dihungila Dihia-dihia 2003

²³ hashishe Yehowa neanuihatshile bisamba ebi bionso ku mpala kuenu, nenuhiane buloba bua bisamba bidi binuhita bunene ne bukole.

Dielulula 11:23 교차 참조

Ekesode 34:11

“Wewe Moshe, ukumbaje malu onsu andi mukuambile lelu aa. Meme nenkuipatshile bena Amore, bena Kenaane, bena Iti, bena Perizi, bena Ivi ne bena Yebusa.

Dielulula 4:38

Mpindiewu, Maweja-Nangila neanutshimuine bisamba bionsu binudi nabi mutumba, bidi binupita ku bukole ne ku bungi. Yeye neanufikishe mu ditunga adi bua dishale bumpianyi buenu.

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Dielulula 9:5

Nanku Maweja-Nangila kena unupa ditunga edi bua buakane buenu to. Neipate bantu aba, bualu mbena buenzayi. Udi musue kabidi kukumbaja bionsu bivuaye mulaye bankambua benu, Abrahame, Izake ne Yakobe.

Yoshua 23:9

Maweja-Nangila mmumane kunuipatshila bisamba bivua kumpala kuenu, bisamba binene, bivua kabidi ne bantu ba bukole. Nanku too ne mpindiewu, kakuena muntu nansha umue uvua mua kunupita bukole to.