Dielulula 11:10 - MUKANDA WA MYIDI MUKULU

¹⁰ Ditunga dinudi nukuata mpindiewu, kadiena bu ditunga dia Ejipitu dinudi bumuke to. Bualu mu Ejipitu, panuvua nukuna ntete, nuvua numbula mikidi bua kufikishisha mayi mu budimi amu, bu mudibu benza mu lupangu lua biseki.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua buloba bunuyaya kuhiana kabuena bu buloba bua Ejipitu munuakumuka, bunuakakuna ntete yenu, nuakayimiamina mai nuendakana ku makasa, bu tshibanda tshia midioko;

Dielulula 11:10 교차 참조

Yeshaya 19:10

Bakumi ba bilamba bonsu nebatekete mu maboku. Bantu badi benza mudimu wa difutu, kabena bamona tshia kuenza.

Yeshaya 37:25

Meme ndi mumbule biina bia mayi, ndi munue mayi mu matunga a bende. Nengumishe misapa ya Nile, amu pandi ndiata makasa mu ditunga dia Ejipitu.’

Yirmeya 2:7

Meme Maweja-Nangila mvua munufikishe mu ditunga didi ne biakudia bia bungi, bua nuenu kupeta biakudia bisheme bia mishindu yonsu bidi muaba awu. Ditunga edi divua dianyi meme Maweja-Nangila. Nuenu kubuelamu, kadi nuenu kunyanga ditunga edi ne mikiya. Muaba awu uvua wanyi meme. Nuenu kuunyanga, kushalawu muaba mubi mutambe.

Zekâya 14:18

Pikala bena Ejipitu babenga kuya ku Yerushalayime, bua kuenzaku tshibilu tshia tuzubu tua Bisasa, tshipupu netshibakuate, muvuatshi tshikuate bisamba bikuabu, bivua bibenga kuya kuenza tshibilu etshi.

Dielulula 11:11

Kadi ditunga dinudi nukuata mpindiewu didi ne bibandabanda ne mikuna. Buloba budi bupeta tshitalela ku mayi a mvula.

Dielulula 11:9

Nanku nenulale matuku a bungi mu ditunga adi, didi ne biakudia bia bungi, divua Maweja-Nangila mumane kuditshipa bua kupesha bankambua benu, ne ndelanganyi yabu yonsu.

Dielulula 8:7

Maweja-Nangila Mvidi Mukulu wenu, neanufikishe mu ditunga dimpe, didi ne tshitalela tshia mayi a misulu ne a mpokolu mivule, adi apatuka mu tshibandabanda, nansha mu mukuna.