Dielulula 10:8 - MUKANDA WA MYIDI MUKULU

⁸ Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ku tshikondo atshi Yehowa wakajidila tshisamba tshia Lewi, bua kutualabo mushete wa tshihungidi tshia mei a Nzambi, ne bua kuimana ku mpala kua Yehowa bua kamuenzela mudimu, ne bua kuvudishila bantu disanka mu dina diandi, bu mudibo benza lelu.

Dielulula 10:8 교차 참조

1 Bakalenga 8:6

Pashishe batuangaji kubueja mushete muaba uvuabu balongolola, mu tshibambalu tshivuabu babikila ne: muaba wa tshijila menemene, muinshi mua mapuapua a bakerubine.

1 Kulondolola 15:2

Nenku kuambaye ne: — Amu bena Levi nkayabu ke badi mua kuambula mushete wa tshijila. Mvidi Mukulu uvua mubasungule amu bobu bua bikale bambudi ne bakubi ba mushete awu kashidi.

1 Kulondolola 15:26

Mvidi Mukulu uvua mulame bimpe bena Levi bavua bambula mushete. Nenku kulambulabu Mvidi Mukulu mulambu, wa ngombe milume muanda mutekete ne bimpanga muanda mutekete.

1 Kulondolola 23:13

Bana ba Amrame badi: Arone ne Moshe. Arone ne ndelanganyi yende, bavua babajidila bua bikale benza mudimu kashidi muaba wa tshijila menemene. Bavua ne bua kulambula milambu ya manananshi, kuenzela Mvidi Mukulu midimu, kuela bantu lupemba mu dina dia Maweja-Nangila.

1 Kulondolola 23:26

Nenku bena Levi kabena ne bua kuambula kabidi ntenta wa kusambakena ne bintu bionsu bia mudimu wa kutendelela to.”

2 Kulondolola 29:11

Nuenu balunda banyi, kanuena mua kulengulula bualu ebu to. Bualu nuenu ke badi Maweja-Nangila musungule, bua nuimane kumpala kuenda, numutendelela, nuosha musenga wa kamonya mu dina diende.

2 Kulondolola 30:27

Ku ndekelu batuangaji ba bena Levi kuimana kulu, kulomba Mvidi Mukulu bua ele bantu lupemba. Dilomba diabu kufika mu diulu, muaba wa tshijila wa Mvidi Mukulu. Ke Mvidi Mukulu kudikumbaja.

Misambu 134:1

Musambu wa bena ngendu. Elayi Maweja-Nangila tuasakidila, nuenu bonsu badi bamuenzela mudimu, bimana mu nzubu muende butuku.

Misambu 134:2

Ololayi bianza bienu ku muaba wa tshijila, nuele Maweja-Nangila tuasakidila.

Misambu 135:2

bimana mu nzubu wa tshijila wa Maweja-Nangila, mu lubanza lua nzubu wa Mvidi Mukulu wetu.

Yirmeya 15:19

Kadi Maweja-Nangila kungandamuna ne: Wewe mupingane kundi, nenkuakidile, ushale muena mudimu wanyi. Pawikala kuyi wamba kabidi malu a tshianana, kadi umanyishe bantu malu adi ne bualu, newikale tshiakabidi muambi wanyi. Meme nengikale mukana muebe. Bena Yuda badi ne bua kukulonda, kadi wewe kuena ne bua kubalonda bobu!

Yezekiyele 44:11

Badi mua kungenzela mudimu amu wa kulama biibi bia muaba wa tshijila, ne midimu mikuabu mishilangane ya mu nzubu wanyi. Badi mua kukosa mitu ya nyama ya milambu ya kuosha, ne ya nyama ya milambu mikuabu. Nebambuluishe bantu.

Yezekiyele 44:15

“Batuangaji ba bena Levi ba ku ndelanganyi ya Sadoke, batua balame bimpe mikenji ya muaba wanyi wa tshijila, diba mene ditua bena Izrayele bakuabu bambenge meme Maweja-Nangila. Nanku amu bobu badi mua kungenzela mudimu, kundambula mafuta ne mashi a nyama ya milambu. Meme Maweja-Nangila Mvidi Mukulu ndi ngamba nanku.

Lewitiki 8:9

Kumuasaye tshifulu ku mutu. Kumpala kua tshifulu, kuvua kulamika tshitata tshia tshiamu tshia mpawungi, tshifuane tshilongu, bilondeshile mikenji ya Maweja-Nangila.

Lewitiki 9:22

Arone ujikija kulambula milambu ya kukobolola bantu, milambu ya kuosha, milambu ya bobumue, kuelaye bianza mulu, wela bena Izrayele lupemba. Pashishe kumukaye ku tshilambuilu.

Dibadika 3:31

Bena tshisamba etshi bavua ne mudimu wa kulama bimpe mushete wa ndondu, mesa a tshijila, tshitekelu tshia miendu, bilambuilu, malongu adibu benza nawu mudimu muaba wa tshijila, kabidi ne tshilamba tshidibu balembeleja munda mua nzubu wa tshijila.

Dibadika 3:6

— Bikila tshisamba tshia bena Levi. Ubateke ku bumfumu bua mutuangaji Arone, bamuambuluishe.

Dibadika 4:15

Diba dia luendu, anu Arone ne bana bende ba balume bamane kubuikila bintu bia tshijila, ke bena Kekate kushisha kuambula bintu bia tshijila abi bua kuya nabi. Nanku, bena Kekate kabena ne bua kulenga bintu bia tshijila abi ne bianza to, bualu badi mua kufua. Nanku mudimu wa bena Kekate mu ntenta wa kusambakena ngwa kuambula bintu bia tshijila.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Bienzedi 13:2

Dituku dikuabu, bobu bamane kujila biakudia amue matuku, pavuabu batendelela Mfumu, Mueyelu wa Tshijila kubambila ne: — Kanupeshi Barnabase ne Shawule mudimu mukuabu to. Baye amu kuenza mudimu undi mubabikidile.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

Rome 12:7

Pikala mukuabu ne dipa dia kuambuluisha bantu, abambuluishe. Udi ne dipa dia kulongesha, udi ne bua kulongesha.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Ngalate 1:15

Kadi bu mudi Mvidi Mukulu munnange, ukavua mudianze kunsungula, kabayi banji kundela, bua meme kumukuatshila mudimu.

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

Dielulula 18:5

Bualu Maweja-Nangila Mvidi Mukulu mmusungule bena Levi kashidi munkatshi mua bisamba bikuabu bionsu, bua bamuenzele mudimu wa butuangaji.

Dielulula 21:3

bua kujadika tshimenga tshidi pabuipi ne tshitalu tshia muntu awu. Bakulu ba mu tshimenga atshi, nebangate muana mukaji wa ngombe, udi kayi muanji kuambula bujitu.

Dielulula 21:5

Pashishe bena Levi, badi Maweja-Nangila Mvidi Mukulu wenu musungule bua kumuenzela mudimu, ne bua kuela bantu lupemba mu dina dia Maweja-Nangila, nebasemene pabuipi. Bualu bobu ke badi mua kujikija bilumbu bionsu: bia matandu, bia mvita, nansha bia bantu batapangane.

Dielulula 31:9

Moshe kufunda mikenji ya Mvidi Mukulu, kuyipesha batuangaji, ndelanganyi ya bena Levi, bavua ne mudimu wa kuambula mushete uvua ne mikenji ya ndondu. Kuyipeshaye kabidi bakulu ba bena Izrayele.