Dielulula 10:20 - MUKANDA WA MYIDI MUKULU

²⁰ Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nutshine Yehowa, Nzambi wenu, numuenzele mudimu, nulamate kudiye, nuditshihe kudi dina diandi.

Dielulula 10:20 교차 참조

2 Bakalenga 18:6

Uvua muitabe anu Maweja-Nangila, kayi umulekela nansha kakese to. Uvua utumikila bimpe mikenji ivua Maweja-Nangila mupeshe Moshe.

Misambu 63:11

Babatape ku muela wa mvita, bitalu biabu babidie kudi mibuabua!

Ekesode 20:7

“Kutedi dina dianyi meme, Maweja-Nangila Mvidi Mukulu webe, tshitelatela, bualu meme nengangate muntu yonsu udi kayi unemeka dina dianyi bu muena tshibawu.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Yeshaya 45:23

Bu mundi Mvidi Mukulu bulelela, ndi nditshipa ne: nenkumbaje malaya anyi. Ndi ndaya ne muoyi umue ne: bantu bonsu nebatue binu kumpala kuanyi. Nebaditshipe bua kundamata kashidi.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Matayi 4:10

Kadi Yezu kumuandamuna ne: — Diabolu, umbuka! Bualu Mukanda wa tshijila udi wamba ne: “Kukuila Maweja-Nangila Mvidi Mukulu webe. Umuenzele amu Yeye nkayende mudimu.”

Luke 4:8

Yezu kumuandamuna ne: — Mukanda wa Mvidi Mukulu udi wamba ne: “Kukuila Maweja-Nangila Mvidi Mukulu webe, umuenzele anu yeye nkayende mudimu.”

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Dielulula 11:22

Eyowa, nukumbaje mikenji yonsu indi nnuambila. Nunange Maweja-Nangila Mvidi Mukulu wenu. Nuitabe bionsu bidiye unuambila, numulamate.

Dielulula 13:4

kanumuitabi to. Bualu Maweja-Nangila Mvidi Mukulu wenu, udi unuteta bua kujadika ne: nudi bamunange ne bukole buenu buonsu, kabidi ne muoyi wenu mujima anyi?

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

Dielulula 4:4

Kadi nuenu bavua balamate Maweja-Nangila Mvidi Mukulu wenu, nutshidi bonsu ne muoyi too ne lelu.

Dielulula 5:11

“Kanutedi dina dianyi meme Maweja-Nangila Mvidi Mukulu wenu tshitelatela, bualu meme nennyoke muntu yonsu udi kayi unemeka dina dianyi.

Dielulula 5:29

Kadi bobu balame kashidi muoyi wa kunnemeka, ne wa kukumbaja mikenji yanyi, nebikale bena diakalenga, pamue ne ndelanganyi yabu.

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Yoshua 23:7

Kanubuelakanyi ne bantu ba bisamba bikuabu, batshidi bashale munkatshi muenu. Kanukebi diambuluisha kudi mvidie yabu. Kanutedi dina dia mvidie ayi, panudi nutshipa. Kanuinami kumpala kuayi bua kuyitendelela.

Yoshua 23:8

Nuitabe amu Maweja-Nangila Mvidi Mukulu wenu, bu munudi numuitaba too ne ku mpindiewu.

1 Samuele 7:3

Nanku Samuwele kubambila ne: — Panuikala basue kupingana kudi Maweja-Nangila ne muoyi wenu mujima, nulekele kutendelela mvidie ya Astarte ne mvidie mikuabu yonsu ya bantu benyi. Nuitabe anu Maweja-Nangila muenu muonsu, numuenzele mudimu amu yeye nkayende. Nanku neanupandishe ku bumfumu bua bena Peleshete.