Dielulula 1:43 - MUKANDA WA MYIDI MUKULU

⁴³ Meme kunuambila bionsu abi. Kadi nuenu kubenga, ditambisha kunuenza. Nuenu kutombokela Maweja-Nangila, kuya anu ku mikuna ayi.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Nakanuambila nunku, kanuakangunvuila; kadi nuakadi ne budisu, nuakahidia dî dia Yehowa, nuakadiyila ku mikuna.

Dielulula 1:43 교차 참조

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Dibadika 14:40

Butshia dinda, kuyabu ku mukuna, bambilangane ne: — Tudi bamane kuenza bibi! Kadi mpindiewu tudi basue kuya muaba uvua Maweja-Nangila mutuleje.

Dibadika 14:44

Kadi, bena Izrayele bavua basue kuya ku mukuna ku bukole. Moshe kushala ku mitanda, pamue ne mushete wa ndondu wa Maweja-Nangila.

Dibadika 15:30

“Kadi muena Izrayele nansha muenyi, udi wenza bualu bubi ku bukole, udi upenda Maweja-Nangila. Nebamumushe munkatshi mua bena Izrayele.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Dielulula 1:26

Kadi nuenu nuvua babenga diyi dia Maweja-Nangila Mvidi Mukulu wenu bua kuya mu ditunga adi.

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.