Dielulula 1:37 - MUKANDA WA MYIDI MUKULU

³⁷ Bua bubi buenu ebu, Maweja-Nangila mmumfikile kabidi ne meme munda, unkandika ne: “Nansha wewe mene Moshe kuena ufika mu ditunga dia Kenaane to.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Yehowa wakadi nʼanyi tshiji bualu buenu, wakamba ne, Wewe kuena ubuelamu:

Dielulula 1:37 교차 참조

Dibadika 20:12

Maweja-Nangila kuambila Moshe ne Arone ne: — Kanuena bitabe mumvua munuambile. Kanuvua basue bua ndeje bena Izrayele tshijila tshianyi. Nanku kanuakufikisha bena Izrayele mu ditunga dingabapesha to.

Dibadika 27:18

Maweja-Nangila kuandamuna Moshe ne: — Yoshuwa, muana wa Nune, mmukumbane, bualu udi ne Mueyelu wanyi munda muende. Umubikidishe, umutenteke bianza.

Dielulula 3:27

Banda ku lusongu lua mukuna wa Pisga, ukenzakane nseke yonsu: ku mutu kua ditunga, kuinshi kuadi, luseke ludi diba dipatukila, ne ludidi dibuelela. Kadi ujadike, umanye ne: kuena usabuka musulu wa Yardene to.

Dielulula 3:28

Ulongeshe Yoshuwa malu onsu. Umukoleshe ku muoyi, ashindike muoyi wa munda. Bualu yeye nealombole bena Izrayele, bua kusabukabu musulu wa Yardene, too ne muafikabu mu ditunga diudi umona edi.”

Dielulula 31:2

— Mpindiewu mbakumbaji bidimu lukama ne makumi abidi. Tshiena ne bukole bua kunulombola kabidi to. Maweja-Nangila mmumane kungambila ne: tshiakufika dishiya dia Yardene to.

Dielulula 32:52

Nanku, ditunga dia Kenaane dindi mpesha bena Izrayele, wewe Moshe neudimuene anu pa bule. Kadi kuena ubuelamu to.

Dielulula 34:4

Ke Maweja-Nangila kuambila Moshe ne: — Tangila ditunga dimvua mulaye Abrahame, Izake ne Yakobe, mubambile ne: “Nempeshe ndelanganyi yenu ditunga edi.” Ndi nkulejiladi anu pa bule, kadi kuena ufikamu to.

Dielulula 4:21

Kadi Maweja-Nangila mmumfikile meme Moshe munda bualu buenu, muditshipe wamba ne: “Kuena mua kusabuka musulu wa Yardene, kufika mu ditunga edi dimpe, dindi mupeshe bena Izrayele to.”

Dielulula 4:22

Nanku meme nemfuile mu ditunga ditudi edi. Tshiakusabuka musulu wa Yardene to. Anu nuenu nenusabuke musulu ewu, bua kukuata ditunga dimpe, didi dishiya dia musulu ewu.