Dielulula 1:29 - MUKANDA WA MYIDI MUKULU

²⁹ Ke meme kunuambila ne: “Koleshayi muoyi, kanubatshinyi, kanupampakanyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Hashishe nakanuambila ne, Kanuikadi ne buowa, kanubatshinyi.

Dielulula 1:29 교차 참조

2 Kulondolola 20:15

Yaziyele kuela diyi ne: — Telejayi bimpe, nuenu bonsu badi basombe mu Yerushalayime, kabidi nuenu bena Yuda, ne nangananga wewe Yosafate. Maweja-Nangila udi unuambila ne: “Kanutshinyi, kanupampakanyi, bua bungi bua bena mvita aba. Mvita eyi ki nyenu to, kadi idi yanyi meme Maweja-Nangila.

Nehemya 4:14

Kadi muaba onsu unudi nuenza mudimu, panudi numvua mpungi, nudisangishe bonsu, nufike muaba undi. Nanku, Mvidi Mukulu wetu atuluile mvita!

Nehemya 4:8

Meme mumane kumona muaba uvua bena mvita betu basokome, meme kuambila bakulu ba ditunga, balombodi, ne bantu bonsu bavua muaba awu, ne: — Kanutshinyi baluishi betu to! Nudi bamanye bukole bua Maweja-Nangila utudi tutshina. Nuluangane bua kupandisha bena tshisamba tshienu, bana benu ba balume, bana benu ba bakaji, bakaji benu, ne nzubu yenu.

Dibadika 14:9

Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Dielulula 1:30

Maweja-Nangila Mvidi Mukulu wenu udi wenda kumpala kuenu. Neanutshimuine mvita eyi. Nudi bamanye nuwuaye muenze mu Ejipitu,

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Dielulula 31:6

Koleshayi muoyi, kankamanayi, kanutshinyi bena ditunga adi to. Bualu Maweja-Nangila Mvidi Mukulu wenu udi munkatshi muenu. Kakunulekela to.

Dielulula 7:18

Kanubitshinyi! Nuvuluke muvua Maweja-Nangila Mvidi Mukulu wenu muenze ne mukalenga wa bena Ejipitu, ne bantu bende bonsu.