Dielulula 1:27 - MUKANDA WA MYIDI MUKULU

²⁷ Nuvua basombe mu ntenta yenu, numutombokela, nuamba ne: “Maweja-Nangila mmutupatule mu Ejipitu bua lukinu. Mmusue kutufila kudi bena Amore bua batushipe!

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nuakatontolola mu ntenta yenu, nuakamba ne, Bualu bua Yehowa wakadi nʼetu tshiji, yeye wakatuhatula mu buloba bua Ejipitu, bua kutufila mu bianza bia Bena Amole, bua bobo batushihe.

Dielulula 1:27 교차 참조

Misambu 106:25

Kununganabu mu ntenta yabu, kubengabu kuteleja tshivua Mvidi Mukulu wamba.

Ekesode 16:3

bamba ne: — Maweja-Nangila uvua mua kutubutuila nansha mu Ejipitu, mutuvua tudia minyinyi ngesu tente ne mampa tuukuta, basombele panshi. Kadi nudi batufikisha mu tshipela emu bua kutubutula ne nzala!

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Dibadika 14:3

Maweja-Nangila mmusue kutubueja mu ditunga dia Kenaane bua kutubutula mu mvita anyi? Bakaji betu ne bana nebashale bapika. Mbimpe tupingane mu Ejipitu!

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

Matayi 25:24

Ku ndekelu muena mudimu uvua mupete nkanu lukama, kusemena kabidi, wamba ne: “Mfumu, mvua mukumanye muudi muntu wa malu makole. Udi unowa, paudi kuyi mukune; waka, paudi kuyi mumiamine ntete.

Luke 19:21

Mvua nkutshina, bualu udi muena tshikisu. Udi wangatabintu bidi kabiyi biebe, unowa biudi kuyi mukune.”

Dielulula 9:28

Bualu bena Ejipitu badi mua kuamba ne: ‘Maweja-Nangila wapangi mua kufikisha bantu bende mu ditunga divuaye mubalaye. Kena mubanange. Uvua mubapatule mu Ejipitu anu bua bafuile mu tshipela!’