Dielulula 1:17 - MUKANDA WA MYIDI MUKULU

¹⁷ Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kanuikadi ne kansungusungu hanualumbulula bilumbu; nunvue dî dia muntu mukese ne dia muntu munene muomumue; kanutshinyi mpala wa muntu; bualu bua kulumbulula kua bilumbu kudi kua Nzambi: tshilumbu tshidi tshihita bukole, nulue nʼatshi kundi, meme nentshiunvue.

Dielulula 1:17 교차 참조

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

2 Kulondolola 19:5

Kutekaye bandumbulula mu bimenga bionsu bia bena Yuda, bivuaye mukoleshe ne bimana.

2 Kulondolola 19:6

Kuambilaye bandumbulula abu ne: — Nuenze mudimu wenu bimpe. Kanuena nulumbuluisha mu dina dia bantu to, kadi mu dina dia Maweja-Nangila. Yeye mene neikale nenu panudi nukosa nsambu.

Yobe 31:34

Tshivua ne bowa bua kudileja patoke mu bantu nansha. Tshivua mutshine kapeja kabu. Tshivua mushale mupuwa ne bowa nansha.

Misambu 82:2

“Nenulumbuluishe bantu ne kansungansunga, bua kubingisha badi bapila too ne ku diba kaayi?

Ekesode 18:18

Wewe ne bantu bonsu badi bimane aba nenupungile. Bualu mudimu ewu udi mupite bukole. Kuena mua kuwenza amu nkayebe to.

Ekesode 18:22

Bakulu abu, nebalumbuluishe bantu matuku onsu bua kukuambuluisha. Nebakutuadile wewe anu bilumbu binene. Kadi bobu nebajikije tulumbu tukese. Nanku, mudimu webe neukepele.

Ekesode 18:26

Bakulu abu, bavua balumbuluisha bilumbu bikese matuku onsu. Kadi bilumbu binene bavua baye nabi kudi Moshe.

Nsumuinu 18:5

Kubingishi muena tshibawu, kupishi muntu muakane.

Nsumuinu 24:23

Bena meji badi bamba kabidi ne: Tshibawu mpolonto mpolonto, wasa kudi tshibawu kuashi kudi muanenu.

Nsumuinu 28:21

Mbimpe kukosa nsambu pa yoyi. Kadi bakuabu badi bakosa nsambu bibi bua kupeta tshiakudia.

Nsumuinu 29:25

Udi utshina bantu udi uditeya nkayende. Kadi muntu udi uditeka mu bianza bia Maweja-Nangila udi usomba talalaa.

Yirmeya 1:17

Wewe Yirmeya, kolesha muoyi. Umuka! Uye kubambila bionsu bindi nkuambila bua wewe kubamanyisha. Kabatshinyi to. Wewe mubatshine, meme nenkukuatshishe bowa kumpala kuabu.

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Malaki 2:9

Nanku, meme nensake bena Izrayele bonsu bua banupepeje, banufuishe bundu, bualu kanuena nuenza mundi musue. Nudi nuenzela bantu malu ne kansungansunga.”

Matayi 22:16

Kutumabu balongi babu bakuabu, ne bamue ba bena Erode, bua kuambila Yezu ne: — Mulongeshi, tudi bamanye ne: wewe udi wamba malu malelela. Udi ulongesha amu patoke tshidi Mvidi Mukulu musue bua muntu enze. Kuena utshina bidi bantu bela meji, bualu kuena ukakala muntu. Kuena utshina buneme bua muntu.

Marke 12:14

Kufikabu, bamuambila ne: — Mulongeshi, tudi bamanye ne: udi wamba bulelela. Kuena utshina bidi bantu bela meji. Bualu kuena utangila bua mpala wa muntu, kadi udi ulongesha bulelela mudi Mvidi Mukulu musue bua muntu enza. Tuambilaku: mikenji yetu mmianyishe bua kufuta mukalenga wa bakalenga wa bena Rome tshitadi anyi? Tudi mua kumufuta anyi katuena mua kumufuta?

Luke 20:21

Nanku kukonkabu Yezu ne: — Mulongeshi, tudi bamanye ne: biudi wamba ne biudi ulongesha bidi amu pa biobi. Kuena utangila muanzu wa muntu. Kadi udi ulongesha anu patoke tshidi Mvidi Mukulu musue ne: bantu benze.

Rome 2:11

Bualu Mvidi Mukulu kena ne kansungasunga kudi bantu.

Efeze 6:9

Kadi nuenu bamfumu ba bapika, nunemeke bapika benu amu mushindu wa momumue. Kanubakanyinyi nansha. Nuvuluke ne: nuenu ne bapika benu, nudi amu ne Mfumu umue mu diulu, udi kayi ne kansungasunga.

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

Dielulula 24:17

Kanunyangi tshilumbu tshia muenyi nansha tshia muana nshiya, kanumukengeshi. Tshilamba tshia mukaji mukamba kanutshikuatshi lukole to.

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Kolose 3:25

Kadi muntu udi wenza malu mabi, neapete difutu dia malu mabi avuaye muenze, bualu Mvidi Mukulu udi ulumbuluisha bantu kayi ne kansungasunga.

1 Tesalonike 2:4

Kadi tuvua bakule diba dionsu muvua Mvidi Mukulu musue. Bualu Yeye uvua muanyishe bituvua benze, mutufundile kabidi mudimu wa kumanyisha Lumu lua Disanka. Nanku katuena bakebe kusankisha bantu, kadi amu Mvidi Mukulu udi ujingulula meji adi munda muetu.

Yakobe 2:9

Kadi panuikala nusungululangana, nudi nuenza bibi. Mikenji idi inupisha, bualu kanuena nuyitumikila.

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.