Didimanyisha 9:5 - MUKANDA WA MYIDI MUKULU

⁵ Kayivua ne bukenji bua kushipa bantu abu to; kadi amu bua kubakengesha ngondu itanu. Ivua isuma muntu, usama bu musuma kudi kaminyiminyi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Ne bukole buakuihebua kembua kubashiha, kadi bua bobo bakengeshibue ngondo itanu, ne dikenga diabo dikole diakadi bu dikenga didi kaminyiminyi kakengesha nʼadi muntu hamusumaku.

Didimanyisha 9:5 교차 참조

2 Kulondolola 10:11

Tatu wanyi uvua munuambuishe bujitu bupite. Meme nemvudije bujitu buenu bikole bipite. Tatu wanyi uvua ununyoka ne mikaba. Kadi meme nennunyoke ne mikaba idi ne biamu ku nsongu.”

2 Kulondolola 10:14

bilondeshile lungenyi luvuaye mupete kudi bansongalume, bena mulongu nende. Robowame kuambila bena Izrayele ne: — Nennuambuishe bujitu bunene bupite, nensakidile amu kusakidila bujitu pa bujitu. Tatu wanyi uvua unukumisha mikaba, kadi meme nennukumishe mikaba idi ne biamu ku nsongu.

Yobe 2:6

Maweja-Nangila kuambila mufundianganyi ne: — Mbimpe umuenzele tshiudi musue. Kadi kumushipi to.

Yezekiyele 2:6

Wewe Yezekiyele, kubatshinyi, kutshinyi nansha bidibu bamba to. Nebakukandike bua kuakula. Neusombe munkatshi mua meba a mingonga, ne mua tuminyiminyi. Kadi, kutshinyi miaku ya bantu aba, nansha bidibu benza, bualu mbantu ba tshitunu.

Danyele 7:6

Pashishe meme kumona nyama mukuabu, uvua mufuanangane ne nkashama. Uwa ne mapuapua anayi bu a nyunyi panyima pende, kabidi ne mitu inayi. Kupetaye bumfumu.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Didimanyisha 11:7

Pikala bajadiki bamane kumanyisha bionsu bivua Mvidi Mukulu mubambile, nyama udi upatuka mu kandondu neabaluishe. Neabatshimune, abashipe.

Didimanyisha 13:5

Bavua banyishe bua nyama akule miaku ya kapeja, asendeke Mvidi Mukulu. Uvua mupete bumfumu bua kuenza malu ende ngondu makumi anayi ne ibidi.

Didimanyisha 13:7

Bavua banyishe bua nyama aluishe bena tshisamba tshia Mvidi Mukulu, abatshimune. Uvua mupete bumfumu bua kulombola bantu bonsu, ba bisamba bionsu, ba miakulu yonsu, ne ba mu matunga onsu.

Didimanyisha 9:10

Idi ne mikila ne mianga bu bia tuminyiminyi. Mu mikila amu mudi bukole budi bukengesha bantu ngondu itanu.

Didimanyisha 9:3

Mpasu kupatuka mu muinshi awu, kutangalaka pa buloba. Mpasu ayi kupeta bukole bu bua tuminyiminyi.