Didimanyisha 8:3 - MUKANDA WA MYIDI MUKULU

³ Mutumibue mukuabu kufika, kuimana ku tshilambuilu. Uvua ne mbabula muenza ne mpawungi, wa kuoshila manananshi. Kumupeshabu musenga wa manananshi wa bungi, wa kulambula pamue ne ditendelela dia bantu bonsu ba Mvidi Mukulu, pa tshilambuilu tshia mpawungi tshivua kumpala kua nkuasa wa butumbi.

Mukanda wa Nzambi Dihungila Dikulukulu ne Dihungila Dihia-dihia 2003

³ Ne muanjelo mukuabo wakalua ne wakimana ku tshioshelu, wakadi ne tshikuhilu tshia ngolo tshia kuoshamu mananashi; ne bakamulesha mananashi a bungi bua kuasangisheye ne mitendelelu ya basanto bonso ha tshioshelu tshia ngolo tshiakadi ku mpala kua nkuasa wa butumbi.

Didimanyisha 8:3 교차 참조

1 Bakalenga 7:50

malongu, binta bia kusukula nabi miendu, makopu a kumiamina nawu, makopu makuabu ne mbabula, bia tshiamu tshia mpawungi menemene; biamu bia biibi bia ku tshibambalu tshivuabu babikila ne: muaba wa tshijila menemene, ne bia ku biibi bia tshibambalu tshinene, bia tshiamu tshia mpawungi.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Ekesode 40:26

Kutekaye tshilambuilu tshia tshiamu tshia mpawungi mu ntenta amu. Tshilambuilu atshi tshivua kumpala kua tshilamba tshilembeleja.

Yeshaya 6:6

Kadi umue wa ku baserafine kubuka mutangile kundi. Uvua muambule ne nkala dikala dia kapia divuaye mukuate pa tshilambuilu.

Yezekiyele 41:22

ne tshilambuilu tshienza ne mabaya. Tshi vua ne bule bua metre umue ne tshitupa, butshiama bua metre umue. Tshivua ne matumba, kabidi ne tshitaku tshia mabaya. Ku nseke yonsu inayi, kuvua anu mabaya. Muntu kungambila ne: — Ke mesa adibu bateke kumpala kua Maweja-Nangila.

Amosa 9:1

Meme kumona Maweja-Nangila muimane pa tshilambuilu. Uvua wela mbila ne: “Tuuta ku mitu ya makunji, bua nzubu mujima anyungakane ne ku tshitaku. Tshibula makunji, azaze mitu ya bonsu. Badi bashala ne muoyi, nembashipeshe ku muele wa mvita. Muntu nansha umue kakunyema, kakupanduka ku lufu.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Dibadika 4:11

Ku tshilambuilu tshia tshiamu tshia mpawungi, nebabuikileku tshilamba tshifikuluke. Nebateke tshiseba tshikole tshia nyama wa nkonga pa mutu pa bionsu. Pashishe nebabueje milonda ku tshilambuilu aku bua kutshiambuilaku.

Luke 1:10

Diba divuabu bosha musenga wa kamonya, bantu bonsu bavua batendelela pambelu.

Rome 8:34

Nanku udi mua kubapisha nnganyi? Muntu nansha umue! Bualu Yezu Kristu mmufue, mubike kabidi. Udi ku dia bukole dia Mvidi Mukulu, utuakuila.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Ebrewu 9:4

Muaba awu uvua tshilambuilu tshienza ne tshiamu tshia mpawungi tshivuabu boshela musenga wa manananshi. Muvua kabidi mushete wa ndondu mulamika mpawungi mubidi mujima. Munda mua mushete muvua dibungu dia mpawungi dikale ne mana, dikombu dia Arone disase bilongu, ne mabue avuabu bafundile mikenji ya ndondu.

Didimanyisha 10:1

Ke meme kumona mutumibue mukuabu wa bukole utuluka mu diulu. Divuba divua dimubuikile, muanzankongolu mumunyungulukile ku mutu. Mpala wende uvua bu diba, mikolu yende bu makunji a kapia.

Didimanyisha 14:18

Mutumibue mukuabu kabidi, uvua ne bumfumu bua kusonsola kapia, uvua ufuma ku tshilambuilu. Kuelaye diyi dikole, wambila uvua ne muele mutue ne: “Angata muele webe, unowe tumuma tua mvinyo tudi mu buloba, bualu tukadi tupie.”

Didimanyisha 5:8

Yeye mumane kuangata mukanda, Bia muoyi binayi ne bakulu makumi abidi ne banayi kukukuila Muana wa mukoku. Mukulu yonsu uvua ne lunzenze, kabidi ne makopu menza ne mpawungi muwule ne musenga wa kamonya. Musenga awu ke mitendelelu ya bena tshisamba tshia Mvidi Mukulu.

Didimanyisha 6:9

Pashishe Muana wa mukoku kulamuna tshitampi tshitanu. Ke meme kumona muinshi mua tshilambuilu mioyi ya bantu bavuabu bashipe, bualu bavua balongesha muaku wa Mvidi Mukulu, baujadika muabu muonsu.

Didimanyisha 7:2

Meme kumona mutumibue mukuabu ubuuka, utumina kudi diba dipatukila, ne tshitampi tshia Mvidi Mukulu udi ne muoyi mu bianza. Kuelaye diyi dikole kudi batumibue banayi bavua ne bumfumu bua kunyangakaja buloba ne mayi manene, ubambila ne:

Didimanyisha 8:4

Muinshi wa manananshi, pamue ne ditendelela dia bantu ba Mvidi Mukulu, bivua bibandila mu tshianza tshia mutumibue kumpala kua Mvidi Mukulu.

Didimanyisha 8:5

Pashishe mutumibue kuangata mbabula, kuelamu kapia ka ku tshilambuilu, kuwuja. Pashishe kuitshikijaye kapia pa buloba. Ke makubakuba kuakulawu, mikenya kupenya, tshikumina kuenzeka pa buloba.

Didimanyisha 9:13

Pashishe mutumibue muisambombu kuela mpungi. Meme kumvua diyi dipatukila ku matumba anayi a tshilambuilu tshia mpawungi tshidi kumpala kua Mvidi Mukulu.