Didimanyisha 8:11 - MUKANDA WA MYIDI MUKULU

¹¹ (Dina dia mutotu ewu divua Bululu.) Tshia bisatu tshia mayi kuandamuka mayi a bululu. Bantu ba bungi kufua, bualu bavua banua mayi avua ne lulengu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne dina dia mutoto didi Bululu, ne tshituha tshisatu tshia mai tshiakalua bululu; ne bantu ba bungi bakafua bualu bua mai, bualu bua akavuishibua bululu.

Didimanyisha 8:11 교차 참조

Ekesode 15:23

Kufikabu ku Mara. Kabavua mua kunua mayi avua muaba awu, bualu avua ne bululu. Ke pavuabu babikila muaba awu ne: Mara (mmumue ne: a bululu).

Nsumuinu 5:4

Kadi ku ndekelu kua bionsu, mukaji ewu udi ne bululu bu bua nkonga bululu. Udi utapa mputa minene bu mudi muele wa nkanza.

Yirmeya 23:15

Maweja-Nangila wa bukole buonsu udi wamba bua bambi ne: “Nembadishe bintu bia bululu, nembanuishe mayi a lulengu ku bukole. Bualu bambi ba mu Yerushalayime badi mpokolu wa malu mabi, adi anyanga ditunga dijima.”

Yirmeya 9:15

Nembatangalaje munkatshi mua bisamba bia bantu bavuabu kabayi bamanye nansha bobu nansha bankambua babu. Nembatumine bantu bua kubalondajaka ne mvita too ne pandi mbabutula bonsu.”

Muadi 3:19

Kuvuluka bundu ne dilalakana bianyi kudi kungenza bululu bu lulengu.

Muadi 3:5

Kuntuminaye makenga ne ntatu. Kunnyungulukilabi bu bimana bia nzubu wa lukanu.

Amosa 5:7

Nudi bena diakabi, nuenu badi banyanga bilumbu, bapisha badi babinga, babingisha badi bapila.

Amosa 6:12

Nyama ya tubalu idi mua kunyema lubilu pa mabue anyi? Badi badima mu mbuebue ne bikasu bidi ngombe ikoka anyi? Nudi nuandamuna malu: kulumbuluisha bantu kukadi kubalunga anyi? Kulongolola malu bimpe, kukadi kukengesha bantu bibi!

Zekâya 13:8

Maweja-Nangila udi wamba kabidi ne: “Bia bisatu bibidi bia bena ditunga edi nebifue, amu tshia bisatu tshiabu tshimue ke tshiashala ne muoyi.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Dielulula 29:18

Muntu yonsu wa kunudi udi ubenga bindi nnuambila ebi, wela meji ne: “Nansha meme muenze malu mabi, kakuena tshidi mua kungenze-kela,” wambila kabidi bantu bakuabu bua kutendelela mvidie,

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Didimanyisha 12:4

Kukombaye tshia bisatu tshia mitotu ya mu diulu ne mukila wende, uyimansha pa buloba. Uvua muimane kumpala kua mukaji ukavua pa kulela, bua kuminaye muana diakamue diba diapatukaye munda.

Didimanyisha 8:7

Mutumibue wa kumpala kuela mpungi. Mvula wa mabue ne kapia, bisambakana ne mashi, kulokabi pa buloba. Tshia bisatu tshimue tshia buloba, tshia mitshi, ne bisosa bibishi bionsu kupiabi.

Didimanyisha 9:15

Kusululabu batumibue banayi abu. Bavua babalongolola amu bua diba adi, dituku adi, ngondu awu, ne tshidimu atshi, bua kubutulabu tshia bisatu tshia bantu bonsu.

Didimanyisha 9:18

Bipupu bisatu kubutula tshia bisatu tshimue tshia bantu: ke kapia, muinshi, ne mvuanda, bivua bipatuka mukana mua tubalu.

Rute 1:20

Kadi Nowemi kubandamuna ne: — Kanumbikidi kabidi ne Nowemi (mmuena diakalenga), kadi numbikile ne: Mara (Kabungama), bualu Mvidi Mukulu wa bukole buonsu mmunkengeshe bikole.