Didimanyisha 8:10 - MUKANDA WA MYIDI MUKULU

¹⁰ Ke mutumibue muisatu kuela mpungi. Mutotu munene, uvua utema bu tshimunyi tshia kapia, kukuluka mu diulu. Kuponenawu pa tshia bisatu tshimue tshia misulu ne pa mpokolu ya mayi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Muanjelo muisatu wakela mpungi ne mu diulu muakahona mutoto munene mutema bu tshimunyi, wakahona ha tshituha tshisatu tshia misulu, ne ha mishimi ya mai;

Didimanyisha 8:10 교차 참조

2 Kulondolola 32:3

kufilaye meji kudi balombodi ba bena mvita bende bavua bamulame, bua bajibikile mpokolu ya mayi yonsu, ivua ku mpenga kua tshimenga. Kuitababu bionsu bivuaye muambe.

Yeshaya 12:3

Nenusune mayi a disanka, ku mpokolu ya lupandu.

Yeshaya 14:12

Ebi mbienzeke munyi? Wewe uvua bu mutotu udi ukenka mu dinda! Mudibu bakukulula kulu mmunyi? Wewe uvua utshimuna bukua matunga, mudibu bakuimansha panshi mbishi?

Zekâya 13:8

Maweja-Nangila udi wamba kabidi ne: “Bia bisatu bibidi bia bena ditunga edi nebifue, amu tshia bisatu tshiabu tshimue ke tshiashala ne muoyi.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Matayi 25:1

— Nenku Bukalenga bua mu diulu nebufuanangane ne mishikankunde dikumi, ivua miangate miendu yayi, bua kuya kuakidila muntu uvua mubuele mu dibaka dituku adi.

Luke 10:18

Yezu kubandamuna ne: — Mvua mumone diabolu ukuluka mu diulu bu muele wa mvula.

Yuda 1:13

Badi baleja malu abu mabi, bu mudi mavuala a mayi manene atutuka ntutu. Badi bu mitotu ya milanjilanji idi ituka mulu: Mvidi Mukulu mmubalongoluele muaba mu miidima mikole, bua bashalemu kashidi.

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

Didimanyisha 12:4

Kukombaye tshia bisatu tshia mitotu ya mu diulu ne mukila wende, uyimansha pa buloba. Uvua muimane kumpala kua mukaji ukavua pa kulela, bua kuminaye muana diakamue diba diapatukaye munda.

Didimanyisha 14:7

Uvua wamba ne diyi dikole ne: “Tshinayi Mvidi Mukulu, mutumbishayi! Bualu diba didiye ulumbuluisha bantu ndimane kukumbana. Kukuilayi Mufuki wa diulu, wa buloba, wa mayi manene, ne wa mpokolu ya mayi.”

Didimanyisha 16:4

Mutumibue muisatu kuitshikija dikopu diende mu misulu ne mu mpokolu ya mayi. Kuandamukabi mashi.

Didimanyisha 6:13

Mitotu kukuluka panshi, bu mutu bimuma bia mfiku bitshidi bibishi bipona, padi tshipepele tshikole tshinyukisha mutshi.

Didimanyisha 8:7

Mutumibue wa kumpala kuela mpungi. Mvula wa mabue ne kapia, bisambakana ne mashi, kulokabi pa buloba. Tshia bisatu tshimue tshia buloba, tshia mitshi, ne bisosa bibishi bionsu kupiabi.

Didimanyisha 9:1

Pashishe mutumibue muitanu kuela mpungi. Meme kumona mutotu uvua mutuuke mu diulu, mukuluke panshi. Kuupeshabu nsapi wa ku kandondu.

Didimanyisha 9:15

Kusululabu batumibue banayi abu. Bavua babalongolola amu bua diba adi, dituku adi, ngondu awu, ne tshidimu atshi, bua kubutulabu tshia bisatu tshia bantu bonsu.

Didimanyisha 9:18

Bipupu bisatu kubutula tshia bisatu tshimue tshia bantu: ke kapia, muinshi, ne mvuanda, bivua bipatuka mukana mua tubalu.

Balombodi 15:11

Ke bantu balume ba bena Yuda binunu bisatu, kuya mu lubuebue lua Etame. Kuambilabu Shimeshone ne: — Udi mumanye ne: tuetu tudi ku bumfumu bua bena Peleshete. Kuena mumone ne: udi utuenzela bibi anyi? Shimeshone kuandamuna ne: — Ndi mubenzele bu mudibu bangenzele.