Didimanyisha 4:8 - MUKANDA WA MYIDI MUKULU

⁸ Tshia muoyi tshionsu tshivua ne mapuapua asambombu, kabidi ne mesu nseke yonsu, munda ne panyima. Bionsu binayi bidi amu bimba munya ne butuku, biamba ne: “Maweja-Nangila, Mvidi Mukulu wa bukole buonsu, udi wa tshijila, wa tshijila, wa tshijila. Uvuaku, udiku, kabidi udi ufika.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ne bifukibue binai bidi ne muoyo, ku tshintu ne ku tshintu, bidi ne mahuahua asambombo, bidi biûle tente ne mesu mabinyunguluka bam bidi ne munda; kabiena ne dikisha munya ne butuku, biamba ne, Wa Tshijila, Wa Tshijila, Wa Tshijila udi Mukelenge Nzambi wa Bukole Buonso, wakadiku ne udiku ne udi ulua.

Didimanyisha 4:8 교차 참조

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Misambu 91:1

Muntu udi usokomena kudi Mvidi Mukulu Muena kulu, ubutamine kudi Wa kukole buonsu.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Ekesode 3:14

Mvidi Mukulu kumuambila ne: — “Meme ndi Mundi.” Ubambile ne: “Ndi Mundi mmuntume kunudi.”

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Yeshaya 62:1

Bu mundi nkunanga, Yerushalayime, tshiakupuwa to. Bu mundi nkunanga Siyone, tshiakushala amu patupu, tshiyi ngenza bualu to. Nensengelele Mvidi Mukulu too ne ku diba didi lupandu luebe lumueneka, mudi butoke bukenka mu munya, ne tshimunyi tshia kapia butuku.

Yezekiyele 1:18

Butumbuke buayi buvua bukuatshisha bowa, mesu avua ku nseke yonsu ya nkata.

Yezekiyele 1:5

Munkatshi mua kapia aka, meme kumona bu nyama inayi, kadi mifuanangane ne bantu.

Yezekiyele 1:6

Nyama yonsu itua ne mpala inayi, kabidi ne mapuapua anayi.

Yezekiyele 10:12

Mubidi, nyima, bianza ne mapuapua bia bakerubine bivua biuwule ne mesu engelela, nansha nkata inayi mene ivua nawu.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Bienzedi 20:31

Nanku nuikale batabale. Nuvuluke ne: bidimu bisatu butuku ne munya, mvua mbela yonsu wa kunudi, nansha ne binsonji ku mesu.

2 Korente 6:18

Meme nengikale Tatu wenu, nuenu nenuikale bana banyi ba balume ne ba bakaji. Ke mundi ngamba Meme Maweja-Nangila wa bukole buonsu.”

1 Tesalonike 2:9

Bana hetu, nudi bavuluke mutuvua bakuate mudimu, bapungile bikole. Patuvua banumanyishe Lumu lua Disanka lua kudi Mvidi Mukulu, tuvua bakuate mudimu munya ne butuku, bua muntu nansha umue wa kunudi kambudi bujitu buetu.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

Ebrewu 13:8

Yezu Kristu udi momumue makelela, lelu ne tshiendelele.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,

Didimanyisha 1:8

Maweja-Nangila, Mvidi Mukulu wa bukole buonsu, udiku, uvuaku, wafikaku, udi wamba ne: “Meme ndi Alfa ne Omega.”

Didimanyisha 11:17

bamba ne: “Maweja-Nangila, Mvidi Mukulu wa bukole buonsu, Wewe udiku, uvuaku, tudi tukuela tuasakidila, bualu udi muleje bukole buebe bunene; kabidi bualu udi mubange bukalenga buebe.

Didimanyisha 14:11

Muinshi wa kapia kadi kabakengesha udi ubanda mu diulu kashidi. Bonsu bavua bakukuile nyama ne tshimfuanyi tshiende, bavuabu batue tshitampi tshia dina diende, nansha butuku nansha mu munya kabena bapeta dikisha to.”

Didimanyisha 14:3

Bantu aba binunu ne binunu bavua bimane kumpala kua nkuasa wa butumbi, kua Bia muoyi binayi, ne kua bakulu, bimba musambu mupiamupia. Muntu nansha umue kavua mua kulonga musambu awu, amu bantu abu binunu lukama makumi anayi ne binayi bavuabu bapikule, bumushe pa buloba.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Didimanyisha 15:7

Tshimue tshia ku Bia muoyi binayi kupeshatshi batumibue muanda mutekete makopu muanda mutekete menza ne mpawungi, avua tente ne tshiji tshia Mvidi Mukulu, udi ne muoyi kashidi ne kashidi.

Didimanyisha 16:14

Ke mikishi ya diabolu idi yenza malu a dikema. Mikishi isatu ayi ivua iya kumonangana ne bakalenga ba pa buloba bujima, ikeba kubasangisha bua mvita ya dituku dinene dia Mvidi Mukulu wa bukole buonsu.

Didimanyisha 16:7

Pashishe meme kumvua diyi difumina ku tshilambuilu, diamba ne: “Eyowa, Maweja-Nangila, Mvidi Mukulu wa bukole buonsu, udi ukosa nsambu mudiyi, mu bulelela!”

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.

Didimanyisha 19:4

Ke bakulu makumi abidi ne banayi, ne Bia muoyi binayi, kudiela panshi, bikukuila Mvidi Mukulu, udi musombe mu nkuasa wa butumbi, bimba ne: “Amene! Aleluya! Tumbishayi Mvidi Mukulu!”

Didimanyisha 21:22

Tshivua mumone nzubu wa Mvidi Mukulu mu tshimenga etshi to. Bualu Maweja-Nangila wa bukole buonsu, pamue ne Muana wa mukoku, badi nzubu watshi.

Didimanyisha 3:7

— Fundila mutumibue wa Tshisumbu tshia bena ditaba ba mu Filadelfiya ne: “Wa Tshijila ne wa diyi dimue, udi mulame nsapi ya mukalenga Davide, ukangula tshiibi, munga muntu kayi mua kukanga; utshikanga, munga muntu kayi mua kutshikangula, udi wamba ne:

Didimanyisha 4:4

Nkuasa ya butumbi mikuabu makumi abidi ne inayi ivua miele nkuasa wa butumbi awu munkatshi. Bakulu makumi abidi ne banayi bavua basombe mu nkuasa ayi, bavuale bilamba bitoke, basa ne bilulu bia bukalenga bienza ne mpawungi.

Didimanyisha 4:6

Kumpala kua nkuasa kuvua tshintu bu mayi manene, menza bu lumuenu kaluyi katoba, abalakana bu lusoka lua kristale. Bia muoyi binayi, biase mesu kumpala ne kunyima, bivua binyungulukile nkuasa ku nseke yonsu.

Didimanyisha 4:9

Misangu yonsu idi Bia muoyi binayi bimbila udi musombe mu nkuasa, udi ne muoyi kashidi, bimutumbisha, bimukukuila, bimuela tuasakidila,

Didimanyisha 5:6

Ke meme kumona Muana wa mukoku muimane munkatshi kumpala kua nkuasa wa butumbi, bamunyungulukila kudi Bia muoyi binayi ne kudi bakulu. Uvua mumueka bu mushipa. Uvua ne nsengu muanda mutekete, kabidi ne mesu muanda mutekete. Ke mieyelu muanda mutekete ya Mvidi Mukulu ivuabu batume pa buloba bujima.

Didimanyisha 6:1

Pashishe meme kumona Muana wa mukoku ulamuna tshitampi tshia kumpala tshia ku bitampi muanda mutekete. Meme kumvua tshimue tshia ku Bia muoyi binayi tshiela diyi bu dikubakuba ne: “Lua!”

Didimanyisha 6:6

Meme kumvua bu diyi difuma munkatshi mua Bia muoyi binayi, diamba ne: “Kilo umue wa ntete ya kuenza bukula, nansha kilo isatu ya ntete ya orje ikale difutu dia mudimu wa dituku dimue. Kadi kanunyangi mafuta ne maluvu to.”

Didimanyisha 7:11

Batumibue bonsu bavua banyungulukile nkuasa wa butumbi, bakulu, ne Bia muoyi binayi. Bavua badiela mpala panshi kumpala kua nkuasa wa butumbi, bakukuila Mvidi Mukulu,

Didimanyisha 7:15

Ke padibu bimane kumpala kua nkuasa wa butumbi wa Mvidi Mukulu, bamukuatshila mudimu butuku ne munya mu nzubu muende. Udi musombe mu nkuasa wa butumbi neikale nabu bua kubalama.