Didimanyisha 4:7 - MUKANDA WA MYIDI MUKULU

⁷ Tshia muoyi tshia kumpala tshiena tshifuane nyama wa ntambue. Tshibidi tshivua tshifuane muana mulume wa ngombe. Tshisalu tshivua ne mpala bu wa muntu. Tshinayi tshivua tshifuane nyunyi wa tshiminyi udi upapala mulu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Tshifukibue tshia kumudilu tshiakadi bu nyama wa ntambue, tshifukibue tshibidi tshiakadi bu muana mulume wa ngombe, ne tshifukibue tshisatu tshiakadi ne mpala bu wa muntu, ne tshifukibue tshinai tshiakadi bu nyunyu wa mukanku wakadi uhahala.

Didimanyisha 4:7 교차 참조

Genese 49:9

Yuda, muananyi, udi bu muana wa ntambue. Udi ushipa nyama, upingana muaba uvuaye mulale. Ntambue udi utua tshiadi panshi, ulala. Kakuena udi mua kumujula ku bukole.

2 Samuele 1:23

Matuku abu onsu Shawule ne Yonatane bavua banangangana bikole. Dia lufu luabu, kabena bashiyangana. Bavua banyema lubilu, bapite biminyi. Bukitu buabu buvua bupite bua ntambue.

Nsumuinu 28:2

Padi mu ditunga amu tshimvundu, bantu ba bungi badi bafuilakana bukalenga. Kadi padimu mfumu wa lungenyi ne dimanya, bantu bonsu badi mu ditalala.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yezekiyele 1:10

Nyama yonsu ivua ne mpala ya mushindu ewu: mpala wa muntu, wa nyama wa ntambue ku dia balume, wa nyama wa ngombe ku dia bakaji, ne mpala wa nyunyi wa tshiminyi.

Yezekiyele 1:8

Muinshi mua mapuapua ayi, meme kumona bianza binayi bia bantu, muinshi mua dipuapua dionsu muikale tshianza. Bianza, mpala ne mapuapua bia nyama ayi bivua bitangila ku nseke inayi ya buloba.

Yezekiyele 10:14

Kerubine yonsu uvua ne mpala inayi: mpala wa kumpala uvua bu wa kerubine, mpala muibidi uvua bu wa muntu, mpala muisatu uvua bu wa nyama wa ntambue, mpala muinayi uvua bu wa nyunyi wa tshiminyi.

Yezekiyele 10:21

Nyama yonsu uvua ne mpala inayi, mapuapua anayi, ne bintu bu bianza bia bantu muinshi mua mapuapua.

Danyele 7:4

Nyama wa kumpala uvua mufuanangane ne ntambue, kadi uvua ne mapuapua bu nyunyi wa tshiminyi. Pantshivua mutangile, kutulabu mapuapua ende. Kumuelabu panshi, kumuimanyika pa mikonu ibidi ya nyima bu muntu. Kupetaye lungenyi lua muntu.

Obadya 1:4

Nansha nuenu banangapale mulu bu nyunyi ya tshiminyi, nansha nuenu bibakile disua dienu munkatshi mua mitotu, nennukulule. Meme Maweja-Nangila, ndi ngamba nanku.

Dibadika 23:24

Bena Izrayele badi bu mudi nyama wa ntambue, udi ushipa nyama, udia munyinyi. Udi usunsula nyama, unua mashi ende. Kushishaye kulala, kuikisha.”

Dibadika 24:9

Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.

Didimanyisha 4:6

Kumpala kua nkuasa kuvua tshintu bu mayi manene, menza bu lumuenu kaluyi katoba, abalakana bu lusoka lua kristale. Bia muoyi binayi, biase mesu kumpala ne kunyima, bivua binyungulukile nkuasa ku nseke yonsu.

Didimanyisha 6:3

Pashishe Muana wa mukoku kulamuna tshitampi tshibidi. Meme kumona Tshia muoyi tshibidi tshianza ne: “Lua!”

Didimanyisha 6:5

Pashishe Muana wa mukoku kulamuna tshitampi tshisatu. Meme kumvua Tshia muoyi tshisatu tshianza ne: “Lua!” Nkenzakana, meme kumona kabalu kafiike. Uvua mubandepu uvua ne tshipiminu mu bianza.

Didimanyisha 6:7

Pashishe Muana wa mukoku kulamuna tshitampi tshinayi. Ke meme kumvua Tshia muoyi tshinayi tshianza ne: “Lua!”