Didimanyisha 4:1 - MUKANDA WA MYIDI MUKULU

¹ Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ku nyima kua malu â nakatangila, ne mona, tshibi tshiakadi tshiunzuluke mu diulu, ne dî dia kumudilu dinakunvua diakadi bu dia mpungi diakula neanyi, diamba ne, Ubande biebe kunu, ne nenkuleshe malu adi ne bua kulua ku nyima kua malu â.

Didimanyisha 4:1 교차 참조

Ekesode 1:1

Bana ba balume ba Izrayele bavuaye mufike nabu mu Ejipitu, muana yonsu ne bena diku diende, badi nunku:

Ekesode 19:24

Nanku, Maweja-Nangila kuandamuna ne: — Tuluka, uye kukeba muanenu Arone mu mitanda. Nubande nende. Kadi batuangaji ne bantu bonsu kababandi ku mukuna kundi to. Tshianana ndi mua kubashipa.

Ekesode 24:12

Maweja-Nangila kuambila Moshe ne: — Banda ku mukuna kundi eku usombaku. Nenkupeshe mabue adi ne mikenji indi mufunde bua uyilongeshe bantu.

Nsumuinu 25:7

Mbimpe bakuabu bakuambe ne: “Angata muanzu munene,” pa mutu pa kukuambabu ne: “Shila udi mukupite ku muanzu muaba.”

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Matayi 3:16

Yowanane mumane kutua Yezu mu mayi, Yezu kupatukamu diakamue. Diulu kubululuka. Yezu kumona Mueyelu wa Mvidi Mukulu upueka bu nyunyu wa nkudimba, umuikila.

Marke 1:10

Amu diakamue Yezu upatuka mu mayi, kumonaye diulu dibululuke. Mueyelu wa Tshijila upueka pa mutu pende bu nyunyi wa nkudimba.

Luke 3:21

Yowanane mumane kutua bantu bonsu mu mayi, kushisha kutuaye ne Yezu kabidi. Diba divua Yezu utendelela, diulu kubululuka,

Yowanane 16:13

Padi Mueyelu wa bulelela ufika, neunulombole mu malu malelela onsu. Kawena wamba malu ne bumfumu buawu nkayawu to. Kadi neunuambile bionsu bivuawu mumvue. Neunumanyishe bidi ne bua kuenzeka.

Bienzedi 10:11

Kumonaye diulu diunzuluka, kabidi tshintu bu tshilamba tshinene tshia pa mesa, batshikuata ku nsongu inayi, tshienda tshipueka panshi.

Bienzedi 7:56

Kuambaye ne: — Telejayi: ndi mmona diulu diunzuluke. Ndi mmona Muana wa muntu, muimane ku dia bukole dia Mvidi Mukulu.

Didimanyisha 1:10

Dituku di Mfumu, Mueyelu wa Tshijila kumvulula. Meme kumvua panyima panyi diyi dikole, bu muadi wa mpungi,

Didimanyisha 1:12

Meme kukudimuka, bua mmone uvua ungakuisha. Ke meme kumona bitekelu muanda mutekete bia miendu, bienza ne mpawungi.

Didimanyisha 1:19

Nenku funda biudi umona, bidi bienzeka mpindiewu, ne biavua kuenzeka pashishe.

Didimanyisha 11:12

Pashishe bambi babidi kumvua diyi dikole dia mu diulu, dibabikila ne: “Bandayi kuneku!” Bobu kubuela mu divuba, kubanda munda mua diulu, bena lukuna babu batangile.

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

Didimanyisha 16:17

Mutumibue wa muanda mutekete kuitshikija dikopu diende mu kapepe. Diyi dikole kumvuika mu nzubu wa Mvidi Mukulu difumina ku nkuasa wa butumbi, diamba ne: “Ke ndekelu wa bionsu!”

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

Didimanyisha 22:6

Pashishe mutumibue kungambila ne: — Miaku eyi mmilelela, nudi mua kuyitaba. Kabidi Maweja-Nangila Mvidi Mukulu, udi upa bambi Mueyelu wende, uvua mutume mutumibue wende, bua aleje bantu bende bidi ne bua kuenzeka amu mpindiewu.