Didimanyisha 3:4 - MUKANDA WA MYIDI MUKULU

⁴ Kadi mu Sardeze amu, bamue ba kunudi ki mbanyange bilamba biabu to. Ke mudibu bakanyina kuvuala bilamba bitoke, kuenda nanyi diba dionsu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi udi ne mena manya-manya mu Sâdi a bakadi kabai banyanga bilulu biabo; nebende nʼanyi mu bilulu bitoke; bualu bua badi bakanangane bua kuenza nunku.

Didimanyisha 3:4 교차 참조

1 Bakalenga 19:18

Kadi munkatshi mua bena Izrayele, nenshiye bantu bakuabu binunu muanda mutekete ne muoyi, mmumue ne: bonsu badikabayi banji kukukuila mvidie Baale, kabayi banji kutua mpingu ayi mishiku.

Estere 8:15

Mordekayi kupatuka mu nzubu wa mukalenga muvuale tshilamba tshia bukalenga tshifikuluke, tshitoke, mutentakaje tshinkutu tshia buanda bukunze. Uvua muase kabidi tshifulu tshinene tshia mpawungi. Bena mu tshimenga tshia Shushane bavua bela tunkunduluila ne bibingu bia disanka.

Misambu 68:14

Mapuapua a nyunyi ya nkudimba avua akenka bu malamika tshiamu tshitoke tshia mushinga mukole, masala ayi akenka bu malamika mpawungi muimpe! — Kadi nudi nushala nuenu mu lupangu bua tshinyi? —

Muambi 9:8

Matuku onsu uleje amu disanka, vuala bilamba bimpe, laba manananshi pa mpala.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Yeshaya 52:1

Wewe Yerushalayime, jukaku, kankamana, fululuka lukasa. Wewe Siyone, tshimenga tshia tshijila, vuala bilamba biebe bilengele. Bualu benyi ne bantu babi, kabena babuela kabidi muebe to.

Yeshaya 59:6

muntu kena mua kubuvuala, muntu kena mua kudibuikilabu. Buntande budi amu bupetesha bantu dikenga. Ke mudi bianza bienu bienza mudimu, amu bua kukengesha bantu.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Lewitiki 13:48

nansha ku bilamba bia pambidi bienza ne miosa ya nyama, nansha ne ndanda, nansha ku bilamba bia biseba, nansha ku bintu bienza ne biseba,

Matayi 10:11

Panuafika mu tshimenga, nansha mu musoku, nukebe muntu wa disanka udi mua kunuakidila bimpe. Nushale kua muntu awu, too ne panudi numuka.

Marke 16:5

Kubuelabu mu lukita, kumonabu nsongalume musombe ku dia balume, muvuale nkanzu mutoke. Buowa kubakuata.

Luke 20:35

Kadi balume ne bakaji badi bakanyine kubiika ku lufu, kupeta muoyi mupiamupia, kabena baselangana kabidi to.

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

2 Tesalonike 1:5

Ebi bionsu bidi bileja mudi Mvidi Mukulu ukosa nsambu pa yoyi, bualu makenga onsu aa neanuakaje, bua numone mua kubuela mu Bukalenga buende budibu banukengesha.

Yuda 1:23

Nubasungidile, nubapatule mu kapia. Bakuabu kabidi nubafuile luse, kadi nubadimukile. Nubenge kashidi ne bilamba biabu mene, bidibu banyange ne bubi buabu.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Didimanyisha 11:13

Diba adi, tshikumina tshikole kuenzeka. Tshia dikumi tshia tshimenga kupuka. Bantu binunu muanda mutekete kufua ku tshikumina atshi. Bavua bashale ne muoyi kutshina bikole. Kutumbishabu Mvidi Mukulu wa mu diulu.

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

Didimanyisha 19:14

Biluilu bia mu diulu bivua bimulonda pa tubalu tutoke, bivuale bilamba bienza ne buanda buimpe bua ndanda mutoke, kabiyi katoba.

Didimanyisha 19:8

Bavua banyishe bua mukajende avuale bilamba bimpe, bienza ne buanda bua ndanda, biengelela kabiyi katoba.” (Bilamba bimpe bienza ne buanda bua ndanda, bidi bileja malu mimpe avua bantu ba Mvidi Mukulu benze.)

Didimanyisha 3:18

Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.

Didimanyisha 4:4

Nkuasa ya butumbi mikuabu makumi abidi ne inayi ivua miele nkuasa wa butumbi awu munkatshi. Bakulu makumi abidi ne banayi bavua basombe mu nkuasa ayi, bavuale bilamba bitoke, basa ne bilulu bia bukalenga bienza ne mpawungi.

Didimanyisha 6:11

Kupeshabu yonsu wa kudibu muntumpu mutoke, babambila ne: indilayi kabidi katupa. Banji kushipa bana benu bakuabu, banutua benzele nabu Mvidi Mukulu mudimu, buonsu buabu, bu muyuabu banushipe nuenu.

Didimanyisha 7:9

Malu aa mamane kupita, meme kutangila kabidi, kumona bantu bapite bungi, kabayi kubala. Bavua ba mu matunga onsu, ba meku onsu, ba bisamba bionsu, ne ba miakulu yonsu. Bavua bimane kumpala kua nkuasa wa butumbi, ne kumpala kua Muana wa mukoku, bavuale mintumpu mitoke, bakuate malala mu tshianza.