Didimanyisha 2:3 - MUKANDA WA MYIDI MUKULU

³ Udi ne lutuulu. Uvua mumvue makenga bualu buanyi, kuyi utekesha mu maboku.

Mukanda wa Nzambi Dihungila Dikulukulu ne Dihungila Dihia-dihia 2003

³ Ne udi ne ditantamana, ne wakatuala majitu bua dina dianyi, ne kuakuhungila.

Didimanyisha 2:3 교차 참조

Misambu 37:7

Shala talalaa kumpala kua Maweja-Nangila, indila ne lutulu tshiavuaye kuenza. Kubabi badi bapeta diakalenga, badi bakumbaja meji abu mabi.

Misambu 69:7

Maweja-Nangila, Mvidi Mukulu wa bukole buonsu, kufuishi bantu badi batekemena kuudi bundu. Mvidi Mukulu wa Izrayele, kuyi ungambuluisha, bantu bonsu aba nebakuangate bibi.

Mika 7:9

Maweja-Nangila mmutunyoke ne tshiiji, bualu tuvua bamuenzele bibi. Kadi diba nedifike didiye utulumbuluisha, utubingisha. Yeye neatupingaje mu butoke, neatuenzele malu mimpe mavule.

Marke 15:21

Muntu mukuabu uvua upita mu njila, utumina ku budimi, diende Simone muena mu Sirene, uvua tatuende wa Aleksandre ne Rufuse. Basolayi kumuenzeja bua kuambulaye mutshi mutshiamakane wa Yezu.

Luke 14:27

Muntu udi kayi wambula mutshi wende mutshiamakane, kayi musue kundonda, kena mua kuikala mulongi wanyi to.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 21:19

Nenupande amu panuikala nunanukila.

Luke 5:5

Simone kumuandamuna ne: — Mukalenga, tudi balobe butuku bujima. Katuena bakuate kantu to. Kadi bu muudi ungambila bua meme kuenza, nengele makondu.

Luke 8:15

Kadi bantu bakuabu, bidi bibenzekela bu mudi ntete idi imata mu buloba buimpe. Badi bateleja muaku wa Mvidi Mukulu, bawakidila ne muoyi muimpe, baukumbaja. Bu mudibu bananukila nanku, badi bakuama bimuma.

Yowanane 15:21

Kadi nebanuelele bionsu abi amu bualu buanyi. Bualu kabena bamanye utua muntume.

Rome 12:12

Ikalayi ne disanka bua ditekemena dinudi nadi. Ikalayi ne lutuulu panudi mu dikenga. Tendelelayi Mvidi Mukulu ne munanunanu.

Rome 16:12

Elayi Trifene ne Trifose, badi bakuatshila Mfumu mudimu, muoyi; kabidi ne Persida wanyi musuibue, uvua mukuatshile pende Mfumu mudimu bikole.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Rome 8:25

Kadi patudi tutekemena tshitudi katuyi bamone, tudi tutshindila ne lutuulu.

1 Korente 13:7

Udi unanga, kena wela muntu nyima. Udi amu witaba muntu yonsu, umutendakena, umuakidila ne lutulu luvule.

1 Korente 16:16

nutumikile bantu ba nenku, nutumikile bonsu badibu bakuate nabu mudimu.

2 Korente 10:15

Nanku katuena tusambuka mikalu. Katuena tuditemba bua midimu ivua bakuabu bakuate. Kadi tudi batekemene ne: ditaba dienu nedikole, bua tumone mua kukuata mudimu mupite bunene munkatshi muenu, katuyi tupita mikalu ivua Mvidi Mukulu mutufundile.

2 Korente 11:23

Badi bakuatshila Kristu mudimu anyi? Nanku, — ndi ngakula bu muntu mujimije lungenyi — meme kabidi ndi mukuatshile Kristu mudimu, mubapite bonsu! Bayua bankengesha bipite muyuabu babakengesha bobu. Bayua bangela mu lukanu misangu ya bungi. Bayua bantuuta bipite. Meme kubuela mu njiwu ya lufu misangu ne misangu.

2 Korente 4:1

Mvidi Mukulu mmutufuile luse, mutupeshe mudimu ewu. Ke patudi katuyi mua kuteketa mu maboku.

2 Korente 4:16

Ke patudi katuyi tuteketa mu maboku. Nansha bukole bua mubidi buenda buteketa ku kakese ku kakese, muoyi utudi tupeta kudi Mvidi Mukulu udi wenda ukola ku dituku ku dituku.

2 Korente 5:9

Kadi tshitudi tujinga menemene ke kumusankisha diba dionsu, nansha tuetu basombe mu mubidi ewu, nansha tuetu baye mu nzubu muende.

2 Korente 6:5

Bayua batutuute, batuele mu nkanu. Bayua batukebele bimvundu. Tuvua bakuate midimu mikole, balale tshitabela, bapange ne tshiakudia.

Ngalate 6:2

Ambuluishanganayi bua kuambuishangana majitu. Ke munudi nutumikila mikenji ya Kristu nanku.

Ngalate 6:9

Tuenze amu malu mimpe, katuyi tupungila, katuyi tuteketa mu maboku. Nanku pakumbana tshikondu, netunowe.

Filipe 2:16

diba dinudi nubalongesha muaku udi utupetesha muoyi. Nuenu benze nanku, nemmone mua kuditemba bualu buenu, dituku diafika Kristu. Bualu dituku adi nebimueneke ne: mudimu wanyi, ne lutatu luanyi, kabivua tshianana to.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

Kolose 1:11

Tudi tulomba kudi Mvidi Mukulu bua anukankamike ne bukole bua butumbi buende, bua numone mua kumvua malu onsu ne lutuulu.

1 Tesalonike 1:3

Bualu kumpala kua Mvidi Mukulu ne Tatu wetu, tudi tuvuluka munudi nukumbaja malu adi ditaba dienu dinulomba, mudi dinanga dienu dinukuatshisha midimu mikole, kabidi munudi nutekemena kudi Mfumu wetu Yezu Kristu ne muoyi umue.

1 Tesalonike 2:9

Bana hetu, nudi bavuluke mutuvua bakuate mudimu, bapungile bikole. Patuvua banumanyishe Lumu lua Disanka lua kudi Mvidi Mukulu, tuvua bakuate mudimu munya ne butuku, bua muntu nansha umue wa kunudi kambudi bujitu buetu.

1 Tesalonike 5:12

Bana hetu, tudi Umulomba ne: nunemeke badi bakuata mudimu munkatshi muenu, bavua Mvidi Mukulu musungule bua kunulombola ne kunulongesha.

2 Tesalonike 3:13

Bana hetu, nuenu kabidi kanupungidi bua kuenza malu mimpe.

2 Tesalonike 3:5

Mfumu unzulule mioyi yenu, bua nuakidile Mvidi Mukulu udi ununanga, nuakidile kabidi Yezu udi ufila lutulu.

2 Tesalonike 3:8

Muntu kavua mutupe biakudia tshianana. Kadi tuvua bakuate mudimu, bapungile bikole. Tuvua benze mudimu munya ne butuku, bua muntu nansha umue wa kunudi kambudi bujitu buetu.

1 Timote 4:10

Ke patudi tukuata mudimu, tudibamba, bualu tudi batekemene kudi Mvidi Mukulu udi ne muoyi, udi Musungidi wa bantu bonsu, nangananga wa bena ditaba.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.

Ebrewu 10:36

Nuikale ne munanunanu bua nukumbaje tshidi Mvidi Mukulu musue, nupete bidiye munulaye.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

Ebrewu 13:13

Nenku tuyayi kudiye ku mpenga kua mitanda, batupepeje muvuabu bamupepeje yeye.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Ebrewu 6:12

Katuena basue bua nuikale bena lulengu, kadi nulonde tshilejilu tshia badi bitaba, bananukila ne lutulu, bapeta tshivua Mvidi Mukulu mulaye.

Ebrewu 6:15

Abrahame kuindila ne lutulu. Ke muvuaye mupete tshivua Mvidi Mukulu mumulaye atshi.

2 Petro 1:6

ku dimanya didikolela, ku didikolela dinanukila, ku dinanukila dinemeka Mvidi Mukulu,

Didimanyisha 1:9

Meme muanenu Yowanane, ndi mudisange ne Mfumu bu nuenu. Ke padibu bankengesha kabidi bu nuenu. Ke pandi nnanukila nenu ne lutuulu luonsu mu Bukalenga bua Mvidi Mukulu. Bavua bantume mu tshidila tshia Patmose, bualu mvua mulongeshe muaku wa Mvidi Mukulu, mujadike malu malelela avua Yezu mutumanyishe.

Didimanyisha 3:10

Bualu uvua mukumbaje diyi, dimvua mukutumine ne: una-nukile. Nanku meme panyi nenkulame tshikondu tshia dikenga tshikadi pa kufika pa buloba bujima, tshiatetabu bantu badi basapu.