Didimanyisha 19:4 - MUKANDA WA MYIDI MUKULU

⁴ Ke bakulu makumi abidi ne banayi, ne Bia muoyi binayi, kudiela panshi, bikukuila Mvidi Mukulu, udi musombe mu nkuasa wa butumbi, bimba ne: “Amene! Aleluya! Tumbishayi Mvidi Mukulu!”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Ne bakulu makumi abidi ne banai ne bifukibue binai bidi ne muoyo bakahona hanshi, bakatendelela Nzambi udi ushikama mu nkuasa wa butumbi, bamba ne, Amen; Aleluya.

Didimanyisha 19:4 교차 참조

1 Kulondolola 16:36

Elayi Maweja-Nangila Mvidi Mukulu wa Izrayele, tuasakidila, numuelayi tuasakidila lelu ne kashidi. Bantu bonsu kupunguluja ne: “Amene! Tumbishayi Maweja-Nangila!”

Nehemya 5:13

Pashishe meme kunyukula luzemba lua tshilamba tshianyi, ngamba ne: — Ke mudi Mvidi Mukulu mua kunyukula bonsu badi kabayi bakumbaja malaya abu. Mvidi Mukulu abipate mu nzubu yabu, abanyenge bintu biabu, bashale bianza bitupu. Bantu bonsu bavua bamba ne: — Amene! Bikale amu nanku. Bantu bonsu bavua batumbisha Maweja-Nangila. Matuku onsu bavua bakumbaja biwabu balaye.

Nehemya 8:6

Ezra kuela Maweja-Nangila, Mvidi Mukulu munene, tuasakidila. Bantu bonsu kuela bianza mulu, kuitaba ne: “Amene! Amene!” Pashishe kuinyikabu mitu panshi bua kukukuila Maweja-Nangila.

Misambu 104:35

Benji ba malu mabi bajimine pa buloba, bantu babi kabikadiku nansha! Maweja-Nangila, ndi musue kukuela tuasakidila. Bakutumbishe Maweja-Nangila, Aleluya!

Misambu 106:48

Maweja-Nangila Mvidi Mukulu wa bena Izrayele, tuasakidila! Nuele Maweja-Nangila tuasakidila misangu yonsu. Bantu bonsu bambe ne: “Amene, eyo, bikale nanku! Tutumbishayi Mvidi Mukulu, Aleluya!”

Misambu 41:13

Bu mundi tshiyi ne bualu, neutue ku tshianyi, newanyishe bua meme kushala pabuipi nebe kashidi.

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Misambu 89:52

Maweja-Nangila, baluishi bebe badi bapenda, badi bapenda mukalenga uudi mujidile, bulelela badi bamupenda padiye upita.

Yirmeya 28:6

— Eyowa, ndi njinga bua Maweja-Nangila enze bu muudi wamba amu, akumbaje biuvua muambe, apingaje bintu bia tshijila bia mu nzubu wa Mvidi Mukulu bidi mu Babilone, ne bantu bonsu badi mu bupika.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

1 Korente 14:16

Paudi wela Mvidi Mukulu tuasakidila mu Mueyelu nkayawu, muntu mukuabu udi ubuela mu tshisangilu awu, udi mua kudisanga nenu mu ditendelela bishi? Bu mudiye kayi umvua binudi nuamba, kena mua kuitaba amene nansha.

Didimanyisha 15:7

Tshimue tshia ku Bia muoyi binayi kupeshatshi batumibue muanda mutekete makopu muanda mutekete menza ne mpawungi, avua tente ne tshiji tshia Mvidi Mukulu, udi ne muoyi kashidi ne kashidi.

Didimanyisha 19:1

Malu aa mamane kupita, meme kumvua mu diulu meyi makole bu a bantu ba bungi, bamba ne: “Aleluya! Tumbishayi Maweja-Nangila! Lupandu, butumbi ne bukole bidi kudi Mvidi Mukulu wetu!

Didimanyisha 19:3

Kuambabu kabidi ne: “Aleluya! Tumbishayi Maweja-Nangila! Muinshi wa kapia kadi kosha tshimenga tshinene udi uya mulu kashidi.

Didimanyisha 19:6

Pashishe meme kumvua meyi a bantu bavule, akungula bu bibila binene bia mayi, bu makubakuba makole. Meme kumvua bamba ne: “Aleluya! Tumbishayi Mvidi Mukulu! Bualu Maweja-Nangila, Mvidi Mukulu wetu muena bukole buonsu, mmuangate bukalenga buende!

Didimanyisha 5:14

Bia muoyi binayi bivua bitshija ne: “Amene!” Ke bakulu kudiela panshi kukukuila.