Didimanyisha 17:3 - MUKANDA WA MYIDI MUKULU

³ Mueyelu wa Mvidi Mukulu kumvulula, kuya nanyi mu tshipela. Meme kumonamu mukaji musombe pa nyama mukunze kunzuu. Bavua bafunde pambidi ponsu pa nyama mena a kupenda nawu Mvidi Mukulu. Nyama awu uvua ne mitu muanda mutekete, ne nsengu dikumi.

Mukanda wa Nzambi Dihungila Dikulukulu ne Dihungila Dihia-dihia 2003

³ Yeye wakantuala mu nyuma ku tshihela: nakatangila mukashi mushikame ha nyima ha nyama wa luonji mukunzekunzu, mûle tente ne mena a kuhenda nʼau Nzambi, muikale ne mitu muanda mutekete ne nsengu dikumi.

Didimanyisha 17:3 교차 참조

1 Bakalenga 18:12

Kadi, patuikala bashiyangana nebe, Mueyelu wa Maweja-Nangila neuye nebe muaba mukuabu undi tshiyi mumanye. Pangikala mumane kuambila Akabe ne: muambi Eliya wafiki, pikalabu kabayi bakumona, nebanshipe! Meme Obadya ndi ngitaba Maweja-Nangila muanyi muonsu, biangatshile ku buana buanyi.

2 Bakalenga 2:16

bamuambila ne: Tangila, tudi ne bantu makumi atanu badi ne bukitu. Tudi basue kubatuma bua baye kukeba mfumuebe Eliya. Bualu Mueyelu wa Maweja-Nangila uvua muambule Eliya, udi mua kuikala mumuimanshe pa mikuna, nansha mu tshibandabanda. Kadi, Elisha kubakandika bua kabatumi bantu abu to.

Musambu wa Solomo 8:5

Ewu mmukaji kaayi udi utumina mu tshipela, mueyemine munanga wende? Ndi nkujula ku tulu, muinshi mua mutshi wa bimuma, muaba uvua mamuebe mukuimite, muaba uvuaye mukupatule mu bantu.

Yezekiyele 11:24

Meme kumvua Mueyelu wa Mvidi Mukulu ungambula pa buloba, uya kumpingaja ku Babilone mu bantu bavua mu bupika. Nanku, Maweja-Nangila kena mundeje kabidi malu makuabu to.

Yezekiyele 3:12

Nanku, Mueyelu wa Mvidi Mukulu kungambula pa buloba. Meme kumvua panyima panyi tshiona tshikole tshia diyi, diamba ne: “Tutumbishe Maweja-Nangila, muaba udiye uleja butumbi buende!”

Yezekiyele 8:3

Tshintu atshi kuolola tshintu bu tshianza, kunkuata ku nsuki. Nanku, pavua Mvidi Mukulu undeja bionsu ebi, meme kumvua Mueyelu wende ungambula mulu mu kapepe, kuya kuntuluila mu Yerushalayime. Uvua muntuluile munda mua tshimenga, pabuipi ne tshiibi tshia tshimenga tshidi luseke lua ku mutu, muaba uvuabu bateke kabidi lupingu ludi lufikisha Mvidi Mukulu munda.

Danyele 11:36

“Mukalenga neenze mudiye musue. Neaditambishe. Neadimone bu udi ku mutu kua mvidie. Neadiwule Mvidi Mukulu wa mvidie yonsu ne meji mapite bubi. Neakume dikasa dimpe, too ne pamueneka tshiji tshia Mvidi Mukulu. Diba adi, Mvidi Mukulu neakumbaje tshivuaye mupangidi ke.

Danyele 7:20

Mvua musue kumanya bualu bua nsengu dikumi ivua nayi nyama ku mutu; lusengu lukuabu luvua lumena, lutula nsengu mikuabu isatu. Lusengu alu luvua ne mesu, kabidi ne mukana muvua muakule miaku ya ditambisha. Luvua lumueneka bu lupite nsengu mikuabu bunene.

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Danyele 7:8

Pamvua nkenketa nsengu eyi bimpe, lusengu lupialupia lupite bukese, kumenalu munkatshi mua mikuabu. Kutulalu nsengu isatu mikuabu. Lusengu lupialupia luvua ne mesu bu a muntu, luvua ne mukana, luakula malu a ditambisha.

Matayi 27:28

Kuvulabu Yezu bilamba, kumuvuadika tshinkutu tshikunze.

Bienzedi 8:39

Bobu bamane kupatuka mu mayi, Mueyelu wa Tshijila kuambula Filipe. Muena Kushe nanshaye kumumona kabidi to. Kutungunukaye ne luendu, wenda usanka.

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.

Didimanyisha 1:10

Dituku di Mfumu, Mueyelu wa Tshijila kumvulula. Meme kumvua panyima panyi diyi dikole, bu muadi wa mpungi,

Didimanyisha 12:14

Kadi mukaji uvua mupete mapuapua abidi bu a nyunyi wa tshiminyi. Kubuukaye nawu mu tshipela too ne ku muaba wende, uvuabu ne bua kumudishila bidimu bisatu ne tshitupa, muaba uvua nyoka kayi mua kumupeta.

Didimanyisha 12:3

Tshintu tshikuabu kumueneka mu diulu: ke nyoka mukunze munene wa tshidika, muikale ne mitu muanda mutekete, kabidi ne nsengu dikumi. Ku mutu onsu kuvua tshifulu tshia bukalenga.

Didimanyisha 12:6

Mukaji kunyemena mu tshipela, muvua Mvidi Mukulu mumulongoluele muaba, bua kumudishilamu matuku tshinunu nkama ibidi ne makumi asambombu.

Didimanyisha 17:18

Kadi mukaji uuvua mumone, ke tshimenga tshinene, tshidi bakalenga ba pa buloba batumikila.

Didimanyisha 17:4

Mukaji uvua muvuale bilamba bimpe bikunze bia mushinga mukole. Uvua mudilengeje ne bintu bivule bia mpawungi, kabidi ne mabue a mushinga mukole, ne a busanga. Uvua ne dikopu dia mpawungi mu tshianza, diwule tente ne bintu bibi bia bundu bidi bileja buendenda buende.

Didimanyisha 18:12

Kabatshiena basumba mpawungi, tshiamu tshitoke tshia mushinga mukole, mabue a mushinga mukole, ne a busanga; bilamba bimpe bienza ne ndanda, bilamba bia lumu bifikuluke ne bikunze, bikuabu bienza ne buanda bua meshi; bintu bishilangane bienza ne mibanga, ne mabaya a mushinga mukole, ne tshiamu tshikunze, nansha tshifiike, nansha ne mabue a mekala;

Didimanyisha 18:16

bamba ne: “Diakabi kaayi edi! Dikenga kaayi bunene nanku didi dikuata tshimenga! Tshivua tshivuale bilamba bimpe bienza ne ndanda, bilamba bia lumu bifikuluke ne bikunze bia mushinga mukole. Tshivua tshidilengeja ne bintu bia bungi bia mpawungi, kabidi ne mabue a mushinga mukole, ne a busanga.

Didimanyisha 21:10

Mueyelu wa Mvidi Mukulu kumvulula. Mutumibue wa Mvidi Mukulu kungambula, kumfikisha ku lusongu lua mukuna mupite bule. Kundejaye Yerushalayime, tshimenga tshia tshijila, tshivua Mvidi Mukulu mutulule mu diulu.

Didimanyisha 4:2

Diakamue Mueyelu wa Tshijila kumvu-lula. Mu diulu muvua nkuasa wa butumbi. Muntu uvua musombe mu nkuasa awu.