Didimanyisha 13:3 - MUKANDA WA MYIDI MUKULU

³ Umue wa ku mitu yende uvua umueka bu mutapa mputa wa lufu. Kadi mputa awu ukavua mumane kuuma. Buloba bujima buvua bukatshila, bulonda nyama munyima.

Mukanda wa Nzambi Dihungila Dikulukulu ne Dihungila Dihia-dihia 2003

³ Nakatangila umue wa mitu yandi bu mudiu mutaha mputa wa lufu; ne mputa wandi wa lufu wakuma; ne ba ha buloba buonso bakakema ku nyima kua nyama, wa luonji;

Didimanyisha 13:3 교차 참조

Yezekiyele 30:24

Nemvudije Bukole bua mukalenga wa mu Babilone. Nemmupeshe muele wanyi mu bianza. Mukalenga wa bena Ejipitu undi mutshibule diboku, neatue mikemu, padiye ufua muluishi wende mutangile.

Luke 2:1

Tshikondu atshi, mukalenga wa bakalenga Auguste uvua mutume diyi bua babadike bantu bonsu ba mu bukalenga bua bena Rome.

Yowanane 12:19

Ke Baparushe kuambilangana ne: — Nudi numona ne: kanuakupeta tshipeta tshimpe to. Bantu bonsu bakadi bamulonda!

Bienzedi 8:13

Simone kabidi kuitaba. Kumutuabu mu mayi. Kushalaye pabuipi ne Filipe. Uvua ukema bua bishima binene ne malu a dikema bivua bienzeka, yeye mumone.

Didimanyisha 13:12

Uvua utuma diyi ne bumfumu buonsu buvua nyama wa kumpala nabu. Uvua ubambidika buloba ne bantu bonsu, bua bikukuile nyama wa kumpala, uvua ne mputa wa lufu mumane kuuma.

Didimanyisha 13:14

Uvua upambuisha bantu ba pa buloba ku malu a dikema avuaye ne bukenji bua kuenza mu dina dia nyama wa kumpala. Kuambilaye bantu ba pa buloba, bua benze tshimfuanyi, banemekele natshi nyama uvuabu batape muele wa mvita, kadi mutshikale amu ne muoyi.

Didimanyisha 17:10

Batanu ba kudibu bakadi bapona panshi. Umue udi mu bukalenga lelu, mukuabu kena muanji kufika. Pafikaye, neashale amu matuku makese.

Didimanyisha 17:11

Nyama uvua ne muoyi kale, kadi katshiyi nawu, ke udi mukalenga wa muanda mukulu. Kadi udi kabidi wa ku bakalenga ba kumpala muanda mutekete abu. Neabutuke ne yeye kabidi.

Didimanyisha 17:13

Bonsu dikumi badi bipatshila amu bualu bumue: kupesha nyama bukole buabu ne bumfumu buabu.

Didimanyisha 17:17

Bualu Mvidi Mukulu mmubapeshe meji a kukumbaja bidiye musue. Nebumvuangane, bapeshe nyama bukalenga buabu, too ne pakumbana miaku ivua Mvidi Mukulu muambe.

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.

Didimanyisha 17:8

Nyama uuvua mumone uvua ne muoyi kale, kadi kena kabidi nawu to. Udi ne bua kupatuka mu kandondu, kadi amu bua aye kubutuka. Bantu ba pa buloba badi kabayi ne dina difunda mu mukanda wa muoyi, katshia bafuka bantu, nebakeme pamonabu nyama. Bualu kale nyama awu uvua ne muoyi, kadi katshiena kabidi nawu. Dikuabu dituku neamueneke tshiakabidi.