Didimanyisha 11:3 - MUKANDA WA MYIDI MUKULU

³ Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.

Mukanda wa Nzambi Dihungila Dikulukulu ne Dihungila Dihia-dihia 2003

³ Nempe bamanyishi banyi babidi bukole, ne nebambe dî dia Nzambi matuku tshinunu ne nkama ibidi ne makumi asambombo, baluatshisha bilulu bia miosa.

Didimanyisha 11:3 교차 참조

Genese 37:34

Yakobe kudipanda bilamba, kuvuala bilamba bikayabale, kuenza madilu a muanende matuku mavule.

2 Samuele 3:31

Davide kutumina Yowabe ne bantu bende bonsu diyi ne: — Pandayi bilamba bienu, vualayi bilamba bikayabala, nuikale ne madilu a Abnere. Bantu bonsu bavua balonda tshitalu tshia Abnere, ne mukalenga Davide kabidi.

1 Bakalenga 21:27

Mukalenga Akabe umvua malu onsu avua Maweja-Nangila mumuambile mukana mua muambi, kunyingalalaye bikole. Kupandaye bilamba biende. Kuvualaye anu tshilamba tshikayabale nkayatshi pambidi. Kujilaye biakudia. Uvua anu ne tshilamba atshi tshikayabale too ne pa kulala. Uvua wenda anu bitekete.

2 Bakalenga 19:1

Mukalenga Izkiya umvua bionsu bivuabu bambe, kupanda bilamba biende, kuvuala bilamba bia madilu. Kuyaye mu nzubu wa Maweja-Nangila.

1 Kulondolola 21:16

Davide uvua umona mutumibue, uvua ubutula bantu, muimane pankatshi pa diulu ne buloba, mutume muele wende luseke lua Yerushalayime. Davide ne bakulu ba ditunga bavua bavuale bilamba bia madilu, batue mpala panshi.

Nehemya 9:1

Bena Izrayele kudisangisha mu matuku makumi abidi ne anayi a ngondu awu bua kujila biakudia. Bavua bavuale bilamba bikayapale, badilaba malaba mu mitu.

Yobe 16:15

Tshilamba tshia lufuila tshidi pambidi panyi diba dionsu. Ndi nsomba mu lupuishi, tshiyi kabidi ne bukole.

Misambu 69:11

Mvua nnyingalala, njila biakudia bobu kunseka!

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yirmeya 1:10

Tangila, lelu ndi nkupa mudimu wa kuenza munkatshi mua bisamba ne makalenga, wa kujuula ne miji, ne wa kushimbula, wa kubutula, ne wa kunyangakaja, kadi kabidi wa kuasulula ne kukuna.

Muadi 2:10

Bafidi ba ngenyi ba mu Siyone badi basomba panshi, bapuwa. Badi badiela buloba mu mitu, baluate bilamba bia madilu. Nsongakaji ya mu Yerushalayime idi yenda miname panshi.

Yezekiyele 4:6

Ku ndekelu kua tshikondu atshi, ukudimuke ku lubadi lua dia balume. Bubi buonsu bua bukalenga bua bena Yuda, ubutuale pambidi pebe matuku makumi anayi. Ndi nteka bujitu ebu pambidi pebe, matuku bungi bumue ne bidimu bivua bena mu bukalenga bua Yuda benze bibi.

Danyele 12:7

Muntu uvua muvuale bilamba bia buanda bua ndanda kuela bianza bibidi mulu. Meme kumvua wamba ne: ‘Ndi nditshipa mu dina dia Mvidi Mukulu udi ne muoyi wa tshiendelele ne: malu aa neajike papita bidimu bisatu ne tshitupa. Neajike patekeshabu bukole buonsu bua tshisamba tshia Mvidi Mukulu.’

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Danyele 8:14

Mutumibue wa Mvidi Mukulu wa kumpala kuandamuna muibidi ne: ‘Matuku 1.150, mu dinda ne mu dilolu, kamuakuikala milambu. Pashishe nebajidile tshiakabidi muaba wa tshijila.’

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yona 3:5

Nanku, bantu ba mu tshimenga atshi, kuitababu dilongesha dia Mvidi Mukulu, kujilabu biakudia, kuluatabu bonsu, bapele ne babanji, bilamba bikayapale.

Yona 3:8

Bantu ne bimuna, nudi ne bua kuvuala bilamba bikayapale. Bonsu nutendelele Mvidi Mukulu ne muoyi mujima. Muntu yonsu umuke mu njila wa malu mabi, alekele buenzayi buvuaye nabu.

Dibadika 11:26

Ku bantu makumi muanda mutekete abu, bantu babidi, Eldade ne Medade, bavua bashale ku mitanda. Kabavua baye ku ntenta wa kusambakena to. Kadi kupetabu pabu Mueyelu wa Mvidi Mukulu. Kubangabu kuakula bu bambi munkatshi mua mitanda.

Matayi 11:21

— Wewe, Korazine, udi muena diakabi! Wewe, Betsayida, udi muena diakabi! Bualu bishima bidibu benzele muenu, bu biobi bienzekela mu Tire, ne mu Sidone, bena bimenga ebi kuonsu eku bakavua bavuale bilamba bikayapale, badilabe butu, bua kuleja ne: tudi basue kudilengeja.

Matayi 18:16

Kadi pikalaye kayi mukuteleje, nupingane kudiye ne muntu umue nansha babidi, bua “Bualu buonsu babujadike kudi bantu babidi nansha basatu,” mudi Mukanda wa tshijila wamba.

Luke 10:13

Wewe Korazine, udi muena diakabi! Wewe Betsayida, udi muena diakabi! Bualu malu a dikema adibu banuenzela nuenu, bu bobu bawenzele bena Tire ne bena Sidone, bena bimenga ebi bavua mua kusomba panshi musangu umue, kuvuala bilamba bikayapale, kudilaba butu mu mutu, bua kuleja ne: tudi basue kudilengeja.

Luke 24:48

Nuenu nudi ne bua kujadika bionsu ebi.

Yowanane 15:27

Nuenu kabidi nenujadikile bantu malu anyi! Bualu nutua nanyi biangatshile ku tshibangidilu.

Yowanane 3:27

Yowanane kubandamuna ne: — Muntu kena mua kudipetela tshintu padi Mvidi Mukulu kayi mumupeshetshi.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 13:31

Matuku mavule Yezu kumuenekela bavuaye mufume nabu ku Ngalileya, muye nabu ku Yerushalayime. Bobu abu ke badi bajadikila bena Izrayele mpindiewu malu ende.

Bienzedi 2:32

Yezu undi ntela awu, ke udi Mvidi Mukulu mubishe ku bafue. Tuetu bonsu tudi bajadiki ba bualu ebu.

Bienzedi 3:15

Nanku nuenu kushipesha mfumu wa muoyi. Kadi Mvidi Mukulu mmumubishe ku lufu. Tuetu tudi bajadiki ba bualu ebu.

1 Korente 12:28

Nanku mu Tshisumbu tshia bena ditaba, Mvidi Mukulu mmuteke bonsu pa muaba wabu: bangabanga bapostolu, pashishe bambi, balonda kudi balongeshi; kunyima kudi benji ba malu a dikema, kudi badi ne bukole bua kuondapa babedi, nansha badi bambuluisha bakuabu, nansha badi balombola bantu nabu, ne badi bakula miakulu idi bantu kabayi bamanye.

2 Korente 13:1

Nkadi pa kufika kuenu aku musangu muisatu bua kumonangana nenu. Mukanda wa tshijila udi wamba ne: “Badi mua kufunda muntu ku tshilumbu, amu padi bantu babidi nansha basatu batshijadika.”

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

Dielulula 17:6

Kanuena mua kushipa muena tshibawu awu kanuyi banji kujadika tshilumbu kudi bantu babidi nansha basatu. Muntu umue kena mua kujadika bualu to.

Dielulula 19:15

Padi muntu mushipangane, munyangakaje mikenji, nansha muenze buenzayi bukuabu, muntu umue kena mua kujadika tshilumbu atshi to, anu bantu babidi nansha basatu.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.

Didimanyisha 11:6

Bajadiki abu badi ne bumfumu bua kukanga diulu, kukandika mvula bua kaloki matuku adibu bamanyisha bantu muaku wa Mvidi Mukulu. Badi kabidi ne bumfumu bua kuandamuna mayi enza mashi, ne bua kunyanga buloba, misangu yonsu idibu basue, ne bipupu bia mishindu yonsu.

Didimanyisha 12:6

Mukaji kunyemena mu tshipela, muvua Mvidi Mukulu mumulongoluele muaba, bua kumudishilamu matuku tshinunu nkama ibidi ne makumi asambombu.

Didimanyisha 13:5

Bavua banyishe bua nyama akule miaku ya kapeja, asendeke Mvidi Mukulu. Uvua mupete bumfumu bua kuenza malu ende ngondu makumi anayi ne ibidi.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.