Didimanyisha 10:1 - MUKANDA WA MYIDI MUKULU

¹ Ke meme kumona mutumibue mukuabu wa bukole utuluka mu diulu. Divuba divua dimubuikile, muanzankongolu mumunyungulukile ku mutu. Mpala wende uvua bu diba, mikolu yende bu makunji a kapia.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nakatangila muanjelo mukuabo mukole uhueka mu diulu, muluatshisha ne ditutu; ne muanzankongolo wakadi ha mutu handi, ne mpala wandi wakadi bu diba, ne makasa andi akadi bu ndimi ya kahia;

Didimanyisha 10:1 교차 참조

Misambu 104:3

Udi muase nzubu webe wa mulu pa mayi, udi ubanda pa mavuba bu pa ditempu diebe, udi uya ne lupepele bu mapuapua.

Misambu 97:2

Dituku ne miidima bidi bimunyungulukila. Buakane ne dikosa dia nsambu, ke bidi bishindika bukalenga buende.

Ekesode 16:10

Patshivua Arone wambila bena Izrayele malu awu, bena Izrayele batangila ku tshipela, kumonabu butumbi bua Maweja-Nangila mu divuba.

Musambu wa Solomo 5:15

Mikolu yende idi bu makunji a mabue matoke masonga, mashindika bikole pa bitaku bia tshiamu tshia mpawungi. Udi mufuane mikuna ya mu Lebanone. Udi ne bukole bu bua mutshi wa sedre.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yeshaya 54:9

Nengenze lelu, bimvua muenze mu matuku a Nowa. Mvua muditshipe ne: mayi a mvula kaena mua kubuikila kabidi buloba to. Ndi nditshipa kabidi nanku lelu ne: tshiena nkufikila munda, tshiena nkutandisha kabidi to.

Muadi 3:44

Wewe kuya kule, kusokoma kunyima kua divuba. Nanku kutendelela kuetu kakuvua mua kufika kuudi.

Yezekiyele 1:28

Bukenke buvua bunyungulule kapia buvua bu muanzankongolu udi ukenka dituku dia mvula. Ke muvua butumbi bua Maweja-Nangila bumueneke. Musangu umvua mubumone, meme kudiela mpala panshi. Pashishe meme kumvua diyi dingambila malu.

Danyele 10:6

Mubidi wende uvua mufuanangane ne dibue dia mushinga mukole. Mpala wende uvua ukenka bu mupenya wa mvula. Mesu ende awa mafuanangane ne bimunyi bia kapia. Maboku ende ne mikolu yende bivua bibalakana bu tshiamu tshikunze tshinoona. Pavuaye wakula, diyi divua ne tshiona bu tshia mutoyi wa bantu bavule.

Danyele 7:13

“Mvua ntangila amu kutangila malu avua Mvidi Mukulu undeja butuku: Meme kumona tshintu tshifuanangane ne muntu, ufumina mu mavuba a mu diulu. Kusemenaye mutangile kuvua mununu, kuvuabu bamufila.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Luke 21:27

Diba adi bantu nebamone Muana wa muntu ufika mu divuba, uleja bukole buende ne butumbi.

Bienzedi 26:13

Mukalenga Agripa, mu njila munda munya, meme kumona butoke bufume mu diulu, bukenke buabu bupite bua diba. Kadi buvua buntokesha amu meme ne batuvua nabu.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.

Didimanyisha 18:1

Malu aa mamane kupita, meme kumona mutumibue mukuabu utuluka mu diulu. Uvua ne bumfumu bunene. Butumbi buende buvua bukenkesha buloba bujima.

Didimanyisha 18:21

Nenku mutumibue wa dikanda kuambula dibue dia bujitu, bu didibu bapela nadi. Kudielaye mu mayi manene, wamba ne: “Ke muelabu tshimenga tshinene tshia Babilone panshi ne bukole buonsu. Kabakutshimona kabidi kashidi kashidi.

Didimanyisha 20:1

Pashishe meme kumona mutumibue upatuka mu diulu, mukuate mu tshianza nsapi ya ku kandondu, kabidi ne lukanu lukole.

Didimanyisha 4:3

Uvua ukenka mpala bu mabue a mushinga mukole a yaspise ne sarduwane. Muanzankongolu uvua wenza tshijengu kulu kua nkuasa, wengelela bu dibue dia emerode.

Didimanyisha 5:2

Meme kumona mutumibue wa bukole, wela diyi dikole ne: — Udi muakanyine kulamuna bitampi, kubulula mukanda nnganyi?

Didimanyisha 8:13

Meme kumona kabidi nyunyi wa tshiminyi ubuuka mulu mule. Meme kumvua nyunyi awu udila bikole ne: “Eyi dikenga! Dikenga dinene! Dikenga nedikuate bantu ba pa buloba, pelabu mpungi kudi batumibue bakuabu basatu!”