Didimanyisha 1:9 - MUKANDA WA MYIDI MUKULU

⁹ Meme muanenu Yowanane, ndi mudisange ne Mfumu bu nuenu. Ke padibu bankengesha kabidi bu nuenu. Ke pandi nnanukila nenu ne lutuulu luonsu mu Bukalenga bua Mvidi Mukulu. Bavua bantume mu tshidila tshia Patmose, bualu mvua mulongeshe muaku wa Mvidi Mukulu, mujadike malu malelela avua Yezu mutumanyishe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Meme, Yone, muanʼenu wa ma Kilisto, ne muabanyanganyi nʼenu wa mu dikenga ne bukelenge ne ditantamana bidi mu Yesu, nakadi mu tshisanga tshidibo babikila ne Patemo, bualu bua dî dia Nzambi ne bua dimanyisha dia Yesu.

Didimanyisha 1:9 교차 참조

Matayi 20:23

Ke Yezu kubambila ne: — Bushuwa, nenunue dikopu dianyi. Kadi meme tshiena mua kujadika udi mua kusomba ku dianyi dia balume, nansha ku dianyi dia bakaji. Nebasombemu kudi bantu badi Tatu mulongoluele miaba eyi.

Marke 10:39

Bobu kumuandamuna ne: — Tudi mua kuenza. Yezu kubambila ne: — Mmomu. Bua dikopu dindi ne bua kunua nudi mua kunuinamu, kabidi badi mua kunutua mu mayi bu mudibu bantua.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Rome 8:17

Patudi bana bende, netupiane bilenga bivua Mvidi Mukulu mulaye bantu bende. Netubipiane pamue ne Kristu. Bualu patudi tukenga badisange ne Kristu, netusanke nende pamue mu butumbi bua momumue.

Rome 8:25

Kadi patudi tutekemena tshitudi katuyi bamone, tudi tutshindila ne lutuulu.

2 Korente 1:7

Ke mutudi katuyi dipampakana bualu buenu nansha kakese. Bualu tudi bamanye ne: munudi nukenga pamue netu, nebanusambe kabidi pamue netu.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Filipe 4:14

Kadi panuvua bangambuluishe mu dikenga dianyi, nuvua benze kabidi amu bimpe.

2 Tesalonike 3:5

Mfumu unzulule mioyi yenu, bua nuakidile Mvidi Mukulu udi ununanga, nuakidile kabidi Yezu udi ufila lutulu.

2 Timote 1:8

Nanku kuikadi ne bundu bua kujadikila bantu malu a Mfumu wetu, nansha bua kuntela meme, udi mu lukanu bualu buende. Kadi anyisha, ukenge nanyi bua Lumu lua Disanka, bilondeshile bukole budi Mvidi Mukulu nkupesha.

Ebrewu 10:36

Nuikale ne munanunanu bua nukumbaje tshidi Mvidi Mukulu musue, nupete bidiye munulaye.

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Didimanyisha 1:2

Yowanane uvua mujadike bionsu bivuaye mumone. Mu mukanda ewu udi umanyisha muaku uvuaye mupete kudi Mvidi Mukulu, ne malu malelela avua Yezu mumuleje.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Didimanyisha 11:7

Pikala bajadiki bamane kumanyisha bionsu bivua Mvidi Mukulu mubambile, nyama udi upatuka mu kandondu neabaluishe. Neabatshimune, abashipe.

Didimanyisha 12:11

Bana betu mbamutshimune ku bukole bua mashi a Muana wa mukoku, ne ku bukole bua malu malelela avuabu bambe, bajadike. Bavua bajinga kufila muoyi wabu; nansha bua kufua bavua amu bitabe.

Didimanyisha 12:17

Nyoka kufikila mukaji munda bikole. Kuyaye kuluisha ndelanganyi ya mukaji ivua mishale. Ke bantu bonsu badi batumikila mikenji ya Mvidi Mukulu, bitabe malu malelela avua Yezu mumanyishe.

Didimanyisha 13:10

Muntu udibu bafundile lukanu, nebaye nende mu lukanu. Muntu udibu bafundile kufua ku muele wa mvita, neafue ku muele wa mvua. Ke padi bantu ba Mvidi Mukulu ne bua kunanukila mu dikenga, kuleja ditaba diabu.”

Didimanyisha 14:12

Ke padi bantu ba Mvidi Mukulu, badi bakumbaja mikenji yende, kabidi bitaba Yezu, ne bua kunanukila, kulama lutuulu.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.

Didimanyisha 3:10

Bualu uvua mukumbaje diyi, dimvua mukutumine ne: una-nukile. Nanku meme panyi nenkulame tshikondu tshia dikenga tshikadi pa kufika pa buloba bujima, tshiatetabu bantu badi basapu.

Didimanyisha 6:9

Pashishe Muana wa mukoku kulamuna tshitampi tshitanu. Ke meme kumona muinshi mua tshilambuilu mioyi ya bantu bavuabu bashipe, bualu bavua balongesha muaku wa Mvidi Mukulu, baujadika muabu muonsu.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.