Didimanyisha 1:16 - MUKANDA WA MYIDI MUKULU

¹⁶ Uvua ne mitotu muanda mutekete mu tshianza tshiende tshia balume. Muele mutue wa nkanza uvua upatuka mukana muende. Mpala wende uvua ukenka bu diba munda munya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Wakadi ne mitoto muanda mutekete mu tshianza tshiandi tshia balume, ne mukana muandi muakahatuka muele wa nvita mutue mutuisha nseke ibidi; ne mpala wandi wakadi bu diba hatemadi ne bukole buadi.

Didimanyisha 1:16 교차 참조

Yobe 38:7

Dituku adi mitotu ya nkesha ivua imba misambu pamue. Batumibue ba Mvidi Mukulu bavua basanka bela tunkunduluila.

Misambu 45:3

Bulenga bua mpala webe mbupite bua bantu bakuabu. Mishiku yebe idi yakula amu miaku ya meji. Mvidi Mukulu mmukuele lupemba kashidi.

Musambu wa Solomo 6:10

“Ewu mmukaji kaayi, udi ukenka bu nkesha, udi mutoke bu ngondu, ubalakana bu diba, ukemesha bu mitotu?”

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yeshaya 24:23

Pashishe ngondu neakunzubile, diba nedibuitshidile ne bundu. Bualu Maweja-Nangila muena bukole buonsu, neadie bumfumu mu Yerushalayime pa mukuna wa Siyone. Bakulu ba ditunga, nebamone butumbi buende.

Yeshaya 49:2

Uvua muteke mukana muanyi muaku, uvua ufuanangana ne muele mutue. Udi undama, umbuikila ne tshianza tshiende. Udi mungenze mukete mutue, udiye usokoka mu tshibubu tshiende.

Danyele 12:3

Bantu ba lungenyi nebakenke bu bintu bia mu diulu. Bantu bavua bambuluisha bakuabu bua batendelele Mvidi Mukulu ne muoyi umue, nebakenke bu mitotu tshiendelele.

Danyele 8:10

Kuluishalu kabidi bia mu diulu. Kuelalu bivule bia kudibi panshi, kabidi ne mitotu ya bungi. Kubidiatakajabu ku makasa.

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Bienzedi 26:13

Mukalenga Agripa, mu njila munda munya, meme kumona butoke bufume mu diulu, bukenke buabu bupite bua diba. Kadi buvua buntokesha amu meme ne batuvua nabu.

Efeze 6:17

Tshienu tshifulu tshinudi nuasa, ke dijadika dia ne: netupande. Muaku wa Mvidi Mukulu, ke muele wa mvita udi Mueyelu wa Tshijila unuteka mu bianza.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

Didimanyisha 10:1

Ke meme kumona mutumibue mukuabu wa bukole utuluka mu diulu. Divuba divua dimubuikile, muanzankongolu mumunyungulukile ku mutu. Mpala wende uvua bu diba, mikolu yende bu makunji a kapia.

Didimanyisha 12:1

Tshintu tshinene kumueneka mu diulu: ke mukaji uvua muvuale diba bu tshilamba, ngondu kuinshi kua makasa ende, kabidi ne tshifulu tshia bukalenga ku mutu, tshileja mitotu dikumi ne ibidi.

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.

Didimanyisha 19:21

Kushipabu biluilu biabu ku muele uvua upatuka mukana mua uvua mubande pa kabalu. Nyunyi yonsu kudiayi minyinyi yabi.

Didimanyisha 2:1

— Fundila mutumibue wa Tshisumbu tshia bena ditaba ba mu Efeze ne: “Udi mukuate mitotu muanda mutekete mu tshianza tshiende tshia balume, wenda munkatshi mua bitekelu muanda mutekete bia miendu bienza ne mpawungi, udi wamba ne:

Didimanyisha 2:12

— Fundila mutumibue wa tshisumbu tshia bena ditaba ba mu Pergame ne: “Udi ne muele mutue wa nkanza mu tshianza, udi wamba ne:

Didimanyisha 2:16

Nanku, udilengeje. Tshianana, nemfike kuudi amu mpindiewu. Nenduishe bantu aba ne muele udi upatuka mukana muanyi.

Didimanyisha 3:1

— Fundila mutumibue wa Tshisumbu tshia bena ditaba ba mu Sardeze ne: “Udi ne mieyelu muanda mutekete ya Mvidi Mukulu, ne mitotu muanda mutekete, udi wamba ne: Ndi mumanye bionsu biudi wenza. Ndi mumanye mudi bantu bela meji ne: udi ne muoyi, eku wewe mufue.

Balombodi 3:16

Kadi Ekude kuenzeja muele wa mvita wa nkanza, wa bule bua santimetre makumi atanu. Kuusokokaye muinshi mua bilamba biende, ku tshibelu tshiende tshia lua balume.

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.