Didimanyisha 1:11 - MUKANDA WA MYIDI MUKULU

¹¹ diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ diamba ne, Bualu bûdi utangila, ubufunde mu mukanda, ûtume kudi ekelesia muanda mutekete: ku Efeso, ne ku Semuna, ne ku Pêgamo, ne ku Tuatila, ne ku Sâdi, ne ku Filadelefia, ne ku Laodikiya.

Didimanyisha 1:11 교차 참조

Yeshaya 30:8

Maweja-Nangila kuambila Yeshaya ne: “Funda mpindiewu miaku eyi pa dibaya. Uyifunde mu mukanda, bena Yerushalayime batangile. Nanku miaku eyi neyishale kashidi, neijadike bubi bua bantu banyi tshiendelele.”

Yirmeya 30:2

Meme Maweja-Nangila Mvidi Mukulu wa Izrayele, mpindiewu ndi nkuambila ne: Ufunde bimpe malu anyi onsu amvua mukumanyishe.

Abakuke 2:2

Maweja-Nangila kungandamuna nanku: Funda bindi nkumanyisha, ubifunde bimpe pa mabaya, bua bonsu babibale, kakuyi lutatu.

Bienzedi 16:14

Umue wa kudibu, dina diende Lidiya, uvua mutumine ku tshimenga tshia Tiyatira. Uvua ngendamushinga wa bilamba bikunze bia mushinga mukole. Uvua mumane kulamata tshisumbu tshia bena ditaba ba bena Yuda. Uvua muteleje ne ntema bituvua tuamba. Mfumu kunzulula muoyi wende, bua umvue bimpe bivua Polu wakula.

Bienzedi 18:24

Muena Yuda mukuabu, mulelela mu Aleksandriya, dina diende Apolose, kufikaye mu Efeze. Uvua ngamba malu, mumanye Mikanda ya tshijila bilenga.

Bienzedi 20:17

Pavua Polu mu Milete, kutumaye bantu mu Efeze bua kubikila bakulu ba Tshisumbu tshia bena ditaba.

1 Korente 15:32

Bu meme muluangane ne “Nyama wa lonji” munu mu Efeze amu bua kupeta bia panu, bimvua mupete mbinganyi? Nanku padi bafhe kabayi babika ku lufu, ndondayi kasumuinu ka ne: “Tudiayi, tunuayi, bualu maloba tudi tufue.”

1 Korente 16:8

Kadi ndi muele meji a kushala munu mu Efeze too ne ku dituku dia Pentekostese.

Efeze 1:1

Meme Polu, uvua Mvidi Mukulu mubikile, bua ngikale mupostolu, ndi mfundila bantu ba Mvidi Mukulu badi mu Efeze, bavua badisange ne Yezu Kristu mu ditaba, mukanda ewu.

Dielulula 31:19

Mpindiewu wewe Moshe, ndi nkulongesha musambu, uufunde, ulongeshe bena Izrayele, baumanye, bua padibu bawimba, bajadike ne: meme Maweja-Nangila Mvidi Mukulu wabu ndi munkatshi muabu. Malu adi mu musambu awu neanusonguele.

Kolose 2:1

Ndi musue bua numanye mvita mikole indi nduangana bualu buenu, kabidi bua bena Lawodikiya, ne bua bantu bonsu badi kabayi banji kummanya.

1 Timote 1:3

Bu mumvua mukulombe, pamvua nya ku Masedoniya, shala mu Efeze. Bualu bantu badimu badi balongesha malu adi kaayi malelela. Ubakandike! Balekele kuenza nanku!

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.

Didimanyisha 1:19

Nenku funda biudi umona, bidi bienzeka mpindiewu, ne biavua kuenzeka pashishe.

Didimanyisha 1:2

Yowanane uvua mujadike bionsu bivuaye mumone. Mu mukanda ewu udi umanyisha muaku uvuaye mupete kudi Mvidi Mukulu, ne malu malelela avua Yezu mumuleje.

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,

Didimanyisha 1:8

Maweja-Nangila, Mvidi Mukulu wa bukole buonsu, udiku, uvuaku, wafikaku, udi wamba ne: “Meme ndi Alfa ne Omega.”

Didimanyisha 10:4

Nkavua musue kufunda diakamue bivua makubakuba amba. Kadi ke meme kumvua diyi difumina mu diulu, dingamba ne: — Kumanyishi muntu malu avua makubakuba muanda mutekete mambe. Kuafundi to.

Didimanyisha 14:13

Pashishe meme kumvua diyi difumina mulu, dingamba ne: — Funda ne: “Badi bafuila mu mudimu wa Mfumu bituadija ku mpindiewu, mbena diakalenga!” Mueyelu wa Mvidi Mukulu udi wamba ne: “Bushuwa, nebikishe bua midimu mikole ivuabu benze, bualu malu mempe avuabu benze adi abalonda, abakuila.”

Didimanyisha 19:9

Mutumibue kungambila ne: — Funda ne: Badibu babikila ku didia dia dibaka dia Muana wa mukoku, mbena diakalenga. Kuambaye kabidi ne: — Miaku ya Mvidi Mukulu eyi kayena ya dishima.

Didimanyisha 2:1

— Fundila mutumibue wa Tshisumbu tshia bena ditaba ba mu Efeze ne: “Udi mukuate mitotu muanda mutekete mu tshianza tshiende tshia balume, wenda munkatshi mua bitekelu muanda mutekete bia miendu bienza ne mpawungi, udi wamba ne:

Didimanyisha 2:12

— Fundila mutumibue wa tshisumbu tshia bena ditaba ba mu Pergame ne: “Udi ne muele mutue wa nkanza mu tshianza, udi wamba ne:

Didimanyisha 2:18

— Fundila mutumibue wa mu Tshisumbu tshia bena ditaba ba mu Tiyatira ne: “Muana wa Mvidi Mukulu udi ne mesu akenka bu kapia katema, makasa abalakana bu tshiamu tshikunze tshivuabu bengulule, bafinunuje, udi wamba ne:

Didimanyisha 2:24

“Kadi nuenu, bena ditaba bakuabu ba mu Tshisumbu tshia mu Tiyatira, kanuvua bitabe dilongesha dibi edi; kanuvua balonge bidi bantu aba bamba ne: ‘mMalu masokome a diabolu’. Ndi nnujadikila ne: tshiena mua kunuomekela bujitu bukuabu to.

Didimanyisha 2:8

— Fundila mutumibue wa Tshisumbu tshia bena ditaba ba mu Smirna ne: “Wa kumpala ne wa ndekelu, uvua mufue, kadi mupete tshiakabidi muoyi, udi wamba ne:

Didimanyisha 21:5

Diba adi uvua musombe mu nkuasa wa butumbi kuambaye ne: “Mpindiewu ndi ngenzulula bionsu, bishale bipiabipia.” Pashishe kungambilaye ne: — Funda miaku yanyi eyi, bualu idi milelela. Udi mua kuyitaba.

Didimanyisha 22:10

Pashishe kungambaye ne: — Kusokoki miaku ya muambi idi mu mukanda ewu, bualu tshikondu tshidi bionsu ebi ne bua kuenzeka tshikadi pabuipi.

Didimanyisha 22:16

“Meme Yezu, mvua mutume mutumibue wanyi bua kunujadikila bionsu ebi mu Bisumbu bienu bia bena ditaba. Ndi wa ku ndelanganyi ya Davide. Ndi mutotu wa nkesha.”

Didimanyisha 3:1

— Fundila mutumibue wa Tshisumbu tshia bena ditaba ba mu Sardeze ne: “Udi ne mieyelu muanda mutekete ya Mvidi Mukulu, ne mitotu muanda mutekete, udi wamba ne: Ndi mumanye bionsu biudi wenza. Ndi mumanye mudi bantu bela meji ne: udi ne muoyi, eku wewe mufue.

Didimanyisha 3:14

— Fundila mutumibue wa Tshisumbu tshia bena ditaba ba mu Lawodikiya ne: “Amene, mujadiki wa malu malelela ne wa diyi dimue, mfuki wa bionsu bivua Mvidi Mukulu mufuke, udi wamba ne:

Didimanyisha 3:4

Kadi mu Sardeze amu, bamue ba kunudi ki mbanyange bilamba biabu to. Ke mudibu bakanyina kuvuala bilamba bitoke, kuenda nanyi diba dionsu.

Didimanyisha 3:7

— Fundila mutumibue wa Tshisumbu tshia bena ditaba ba mu Filadelfiya ne: “Wa Tshijila ne wa diyi dimue, udi mulame nsapi ya mukalenga Davide, ukangula tshiibi, munga muntu kayi mua kukanga; utshikanga, munga muntu kayi mua kutshikangula, udi wamba ne: