Didimanyisha 1:10 - MUKANDA WA MYIDI MUKULU

¹⁰ Dituku di Mfumu, Mueyelu wa Tshijila kumvulula. Meme kumvua panyima panyi diyi dikole, bu muadi wa mpungi,

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nakadi mu Nyuma dituku dia Mukelenge, ne nakunvua dî dikole ku nyima kuanyi, bu dia mpungi,

Didimanyisha 1:10 교차 참조

Dibadika 24:2

Ukenzakana, kumonaye bena Izrayele basomba mu mitanda yabu, ku tshisamba ku tshisamba. Mueyelu wa Mvidi Mukulu kumutulukila.

Matayi 22:43

Yezu kubebeja ne: — Kadi mmunyi muvua Davide, uvuabu balombola kudi Mueyelu wa tshijila, umubikila ne: “Mfumu?” Bualu Davide uvua wamba ne:

Yowanane 20:19

Dilolu mene dia dituku dia lumingu adi, balongi bavua badisangishe mu nzubu, binjile biibi bakanga ne nsapi, bualu bavua batshina bamfumu ba bena Yuda. Ke Yezu kufika, kuimana munkatshi muabu ubela muoyi ne: — Bupole buikale nenu!

Yowanane 20:26

Lumingu kupita, balongi ba Yezu bavua badisangishe mu nzubu tshiakabidi. Tomase uvua nabu. Biibi bivua bikanga ne nsapi. Kadi Yezu kufika, kuimana munkatshi muabu, ubela muoyi ne: — Bupole buikale nenu!

Bienzedi 20:7

Disambombu dilolu, tuvua basangile bua Didia dia Mfumu Polu uvua uyukila ne bantu bavua basangile netu. Kutungunukaye ne dilongesha too ne mundankulu mua butuku, bualu uvua ne bua kubashiya patshiabu.

1 Korente 12:3

Ke pandi musue bua nujingulule bimpe ne: padi Mueyelu wa Tshijila ulombola muntu, kena mua kuamba ne: “Yezu ikale mutshipa!” Nansha muntu kena mua kujadika ne: “Yezu udi Mfumu,” padi Mueyelu wa Tshijila kauyi umulombola.

1 Korente 16:2

Dia lumingu dionsu, yonsu wa kunudi ateke ku luseke tshitupa tshia makuta ende, bilondeshile bungi buvuaye mupete. Atshilame mu nzubu, bua diba dindi mfika, kaditatshishi bua kukeba makuta.

Didimanyisha 17:3

Mueyelu wa Mvidi Mukulu kumvulula, kuya nanyi mu tshipela. Meme kumonamu mukaji musombe pa nyama mukunze kunzuu. Bavua bafunde pambidi ponsu pa nyama mena a kupenda nawu Mvidi Mukulu. Nyama awu uvua ne mitu muanda mutekete, ne nsengu dikumi.

Didimanyisha 21:10

Mueyelu wa Mvidi Mukulu kumvulula. Mutumibue wa Mvidi Mukulu kungambula, kumfikisha ku lusongu lua mukuna mupite bule. Kundejaye Yerushalayime, tshimenga tshia tshijila, tshivua Mvidi Mukulu mutulule mu diulu.