Didimanyisha 1:1 - MUKANDA WA MYIDI MUKULU

¹ Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Buakabuluibua bua Yesu Kilisto buakamuha Nzambi bua kulesheye bahika bandi, malu mene adi ne bua kulua tshituha tshihi. Wakabutuma ne wakabumanyishila muhika wandi Yone kudi muanjelo wandi;

Didimanyisha 1:1 교차 참조

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Danyele 8:16

Meme kumvua diyi dia muntu difumina ku mukidi wa Ulayi, dimuambila ne: ‘Ngabriyele, umvuija muntu ewu bualu buvua Mvidi Mukulu mumuleje.’

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.

Danyele 9:23

Pauvua mutuadije kutendelela Mvidi Mukulu, Mvidi Mukulu mmuambe bualu. Ndi mufike bua kukuambilabu, bualu Mvidi Mukulu udi mukunange. Udibambe bua kumvua ne kujingulula bualu budi Mvidi Mukulu ukuleja.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Yowanane 12:49

Bualu tshiena muakule ku bumfumu buanyi nkayanyi to, kadi Tatu uvua muntume ke uvua mumfundile tshimvua ne bua kuamba, nansha kulongesha.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 3:32

Udi wamba malu avuaye mumone kabidi mumvue. Kadi kakuena muntu nansha umue udi witaba bidiye wamba.

Yowanane 8:26

Ndi ne malu a bungi a kuamba, kabidi a kunudiwula nawu. Kadi uvua muntume udi wamba malu malelela. Meme ndi ngambila bantu amu malu andi mumvue kudiye.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

Ngalate 1:12

Tshivua mulupete kudi muntu. Kabavua bandongeshe lumu elu nansha. Kadi anu Kristu uvua mudileje kundi, ke uvua mulummanyishe.

Efeze 3:3

Malu masokome andi munufundile mu tshikosu kulu eku, amu Mvidi Mukulu nkayende ke uvua muammanyishe.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

Didimanyisha 1:19

Nenku funda biudi umona, bidi bienzeka mpindiewu, ne biavua kuenzeka pashishe.

Didimanyisha 1:9

Meme muanenu Yowanane, ndi mudisange ne Mfumu bu nuenu. Ke padibu bankengesha kabidi bu nuenu. Ke pandi nnanukila nenu ne lutuulu luonsu mu Bukalenga bua Mvidi Mukulu. Bavua bantume mu tshidila tshia Patmose, bualu mvua mulongeshe muaku wa Mvidi Mukulu, mujadike malu malelela avua Yezu mutumanyishe.

Didimanyisha 17:1

Ke umue wa ku batumibue muanda mutekete bavua ne makopu muanda mutekete kufika, ungambila ne: — Luaku. Nenkuleje mudibu ne bua kunyoka muena buendenda munene, tshimenga tshinene tshivuabu bibake ku mielelu ya misulu mivule.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Didimanyisha 19:9

Mutumibue kungambila ne: — Funda ne: Badibu babikila ku didia dia dibaka dia Muana wa mukoku, mbena diakalenga. Kuambaye kabidi ne: — Miaku ya Mvidi Mukulu eyi kayena ya dishima.

Didimanyisha 21:2

Ke meme kumona tshimenga tshia tshijila, Yerushalayime mupiamupia, utuluka mu diulu, ufuma kudi Mvidi Mukulu. Uvua muvuale bilenga biende bia tshibilu, muindile bayende bua kubuela mu dibaka.

Didimanyisha 21:9

Umue wa ku batumibue muanda mutekete bavua ne makopu muanda mutekete muwule ne bipupu muanda mutekete bia ndekelu, kufikaye kundi, ungambila ne: — Luaku! Nenkuleje mukaji udi ubuela mu dibaka ne Muana wa mukoku.

Didimanyisha 22:1

Mutumibue wa Mvidi Mukulu kundeja musulu udi ne mayi a muoyi, ubalakana bu lusoka lua kristale. Musulu awu udi upatuka ku nkuasa wa butumbi wa Mvidi Mukulu, ne wa Muana wa mukoku,

Didimanyisha 22:16

“Meme Yezu, mvua mutume mutumibue wanyi bua kunujadikila bionsu ebi mu Bisumbu bienu bia bena ditaba. Ndi wa ku ndelanganyi ya Davide. Ndi mutotu wa nkesha.”

Didimanyisha 22:6

Pashishe mutumibue kungambila ne: — Miaku eyi mmilelela, nudi mua kuyitaba. Kabidi Maweja-Nangila Mvidi Mukulu, udi upa bambi Mueyelu wende, uvua mutume mutumibue wende, bua aleje bantu bende bidi ne bua kuenzeka amu mpindiewu.

Didimanyisha 22:8

Meme Yowanane, mvua mumvue bionsu ebi, mubimone kabidi. Meme mumane kubiu-mvua, mubimone bionsu, ke meme kudiela panshi ku makasa a mutumibue uvua mubideje, bua kumukukuila.

Didimanyisha 22:9

Kadi yeye kungambila ne: — Kuenji nanku to! Ndi muntu wa Mvidi Mukulu bu wewe, bu bana benu bambi, bu bonsu badi bitaba miaku ya mu mukanda ewu. Kukuila Mvidi Mukulu nkayende!

Didimanyisha 4:1

Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.

Didimanyisha 5:7

Muana wa mukoku kusemena, kuangata mukanda mu tshianza tshia balume tshia uvua musombe mu nkuasa.