Dibadika 8:7 - MUKANDA WA MYIDI MUKULU

⁷ Newenze nunku: ubamiamine mayi bua kubakobolola nawu. Pashishe bakungule boya bonsu mubidi mujima, basukule bilamba biabu. Nanku kabakuikala kabidi ne mikiya to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wewe newenze nunku bua kubalengesha ubamiamine mai a kubalengesha nʼau ku bubi, babeye mubidi wabo wonso ne dihaya, buvuwe bilulu biabo ne badilengeshe.

Dibadika 8:7 교차 참조

Genese 35:2

Yakobe kuambila bena diku diende ne bantu bende ne: — Dilongololayi. Umushayi mvidie ya bisamba bikuabu idi munkatshi muenu. Dikobololayi, nuvuale bilamba bikuabu.

Misambu 51:2

Musambu ewu mmusake tshikondu tshivua muambi Natane mumonangane ne Davide, yeye mumane kubuelela Batsheba mu nzubu.

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Ekesode 19:10

Maweja-Nangila kuambila Moshe ne: — Pingana kudi bantu, ubambile ne: “Lelu ne malaba numushe mikiya, nusukule kabidi bilamba bienu.”

Yeshaya 52:15

Kadi mpindiewu, bantu ba bungi ba mu matunga a bende, nebakeme bualu buende. Bakalenga nebakatshile, kabayi bamanye tshia kuamba. Bualu nebamone malu adi kaayi umvuangana ne avuabu babalondele. Nebumvue malu avuabu kabayi banji kumvua.”

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Lewitiki 15:27

Muntu udi ulenga bulalu abu, nansha muaba uvuaye usomba, udi ne bua kusukula bilamba biende, kuowa mayi. Kadi mmupie mikiya too ne ku dilolu.

Lewitiki 15:6

Muntu yonsu udi usomba pa tshintu tshivua muena disama musombe, neasukule bilamba biende, wowe mayi. Kadi neikale mupie mikiya too ne ku dilolu.

Lewitiki 16:28

Muntu uvua muye kuosha bintu abi, neasukule bilamba biende, wowe mayi pambidi bua kupingana mu mitanda.

Lewitiki 8:6

Moshe kubikila Arone ne bana bende ba balume, kubowesha mayi bu muvua Maweja-Nangila mumuambile.

Dibadika 19:13

Muntu yonsu udi ulenga tshitalu kayi musue kudikobolola, udi unyanga nzubu wa Maweja-Nangila. Nebamuipate munkatshi mua bena Izrayele. Bu muvuabu kabayi bamumiamine mayi a tshijila, udi amu ne mikiya.

Dibadika 31:20

Numushe kabidi mikiya idi pa bilamba bienu, ne pa bintu bionsu binudi nabi, bidi bienza ne biseba, ne boya bua mbuji, nansha ne mabaya a mitshi.

Dibadika 8:21

Bena Levi kudilongolola, kumusha mikiya yabu, kusukula bilamba biabu. Pashishe, Arone kubajidila bua bikale bantu ba Maweja-Nangila. Kubakobololaye bua kumusha mikiya.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

Ebrewu 9:13

Mashi a mbuji ya mpumbu, ne a ngombe milume ne butu bua ngombe mukaji moshe, bidibu bamiamina pambidi pa bantu badi ne mikiya, bidi bibumusha mikiya ayi pambidi.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

1 Petro 3:21

Mayi aa adi tshimfuanyi tshia mayi mudibu banutua mpindiewu bua kunusungidila. Kabena batua muntu mu mayi aa, amu bua kumusha manyanu a pambidi. Kadi badi balomba Mvidi Mukulu bua umushe mibi yonsu idi kondu kenu ka munda kanupisha. Padibu banutua mu mayi, Mvidi Mukulu udi unusungidila, bualu Yezu Kristu mmubike ku bafue,

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.