Dibadika 5:7 - MUKANDA WA MYIDI MUKULU

⁷ Udi ne bua kutonda bubi buende, kupingaja tshintu atshi kudi muenatshi, kusakidila kabidi tshia bitanu tshimue tshia mushinga wa tshintu atshi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ nunku yeye neatonde bubi buakenzeye, neahingishe bintu bionso biakangateye, neasangishe tshintu tshia tshitanu ha mutu habi, neabihingishe kudi nfumu wabi wakenzeye bubi.

Dibadika 5:7 교차 참조

Misambu 32:5

Kadi mpindiewu ndi mukutondele bubi buanyi, tshiena mukusokoke bilema bianyi. Mvua muambe ne: “Ndi muena tshibawu, ndi ne bua kutondela Maweja-Nangila bimvua muenze.” Ke wewe kumusha tshibawu tshia mibi yanyi.

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Lewitiki 26:40

“Kadi badi bashala ne muoyi abu, nebashishe kujadika muvuabu bangenzele bibi bitambe, ne mudibu, bobu ne bankambua babu, bantombokela.

Lewitiki 26:41

Nebajadike ne: meme ke uvua mubanyoke, mubafile kudi baluishi babu. Nanku nebatonde bubi buabu, nebitabe manyoka onsu andi mubatumine.

Lewitiki 5:15

“Padi muntu kampande muenze bualu bubi mu mpukapuka, mupue muoyi bua kulambula milambu ya tshijila idibu balambula Maweja-Nangila, muntu awu, bua kudikobolola udi ne bua kulambula Maweja-Nangila mukoku wa tshimpanga kauyi ne bulema. Ke mulambu wa dinua tshibalu. Mukoku awu wikale wa mushinga mukumbane wa nkanu ya tshiamu tshitoke, bilondeshile tshipimu tshia nkanu tshidibu natshi muaba wa tshijila, bualu mulambu ewu ngua dinua tshibalu.

Lewitiki 5:16

Muntu awu afile kabidi milambu iwaye kayi mufile. Asakidile kabidi ne tshia bitanu tshimue tshia mushinga wa bintu abi. Apeshe mutuangaji bintu bionsu abi. Mutuangaji alambule nyama wa tshibawu awu, akobolole muena tshibawu bilondeshile mudi mikenji, bua Mvidi Mukulu amufuile luse.

Lewitiki 5:5

“Muntu yonsu udi wenza tshilema tshia ku bitudi batela ebi, mmuena tshibawu, atonde bubi buende budiye muenze.

Lewitiki 7:7

Mikenji ya mulambu wa dinua tshibalu ne ya mulambu wa kukobolola bantu, idi anu mushindu umue. Nanku amu mutuangaji udi ukobolola muntu ke udi wangata munyinyi awu.

Dibadika 5:8

Pikala mukuende, uvuaye ne bua kupingajila tshintu tshiende, mumane kufua, kakuyi muena diku mukuabu udibu mua ku-pesha bintu abi, nebabipingajile Maweja-Nangila. Mmumue ne: nebabipeshe mutuangaji. Muena tshibawu awu neasakidile kabidi pa bintu abi, mukoku wa tshimpanga, bua mutuangaji amukobolole, amulombele luse kudi Maweja-Nangila.

Luke 19:8

Kadi Zakayi kujuka, kuambila Mfumu ne: — Mfumu, ndi nkujadikila ne: nempeshe bapele tshia bibidi tshia bintu bianyi. Pangikala mushime muntu, muangate makuta ende, nemmupingajile bungi abu misangu inayi.

Yoshua 7:19

Yoshuwa kumuambila ne: — Mulunda wanyi, umanye bukole bua Maweja-Nangila Mvidi Mukulu wa bena Izrayele. Ungambile bushiwa. Unjadikile tshiuvua muenze, kushimi to.