Dibadika 4:24 - MUKANDA WA MYIDI MUKULU

²⁴ Nanku bena Ngershone nebenze midimu eyi:

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Eu mmudimu wa meku a Bena Gêshona udibo benza ne majitu adibo batuala

Dibadika 4:24 교차 참조

Dibadika 10:17

Kutulabu ntenta wa kusambakena, kumuambulabu kudi bena diku dia Ngershone ne dia Merari. Kubangabu luendu.

Dibadika 3:25

Bena Ngershone ke bavua ne mudimu wa kulama bintu bia ntenta wa kusambakena ebi: ntenta wa munda, ntenta muibidi, ne ntenta wa kubuikila ku ntenta ibidi ayi, kabidi ne tshilamba tshivua tshilembeleja ku mushiku wa ntenta.

Dibadika 3:26

Bavua balama kabidi bilamba bia ku lupangu, ne tshilamba tshia ku tshibuelelu tshia lupangu luvua lunyungulula nzubu wa tshijila ne tshilambuilu. Bavua balama kabidi mionji yonsu ya kuasa nayi ntenta.

Dibadika 4:15

Diba dia luendu, anu Arone ne bana bende ba balume bamane kubuikila bintu bia tshijila, ke bena Kekate kushisha kuambula bintu bia tshijila abi bua kuya nabi. Nanku, bena Kekate kabena ne bua kulenga bintu bia tshijila abi ne bianza to, bualu badi mua kufua. Nanku mudimu wa bena Kekate mu ntenta wa kusambakena ngwa kuambula bintu bia tshijila.

Dibadika 4:19

Nanku, wewe Arone ne bana bebe ba balume, nufile muntu yonsu wa bena Kekate muaba udiye ne bua kuenza mudimu. Numuleje tshidiye ne bua kuenza, kabidi ne tshintu tshidiye mua kuambula. Bualu bobu balenga tshintu tshia tshijila menemene, nebafue.

Dibadika 4:23

Ufunde mena a bantu balume bonsu badi ne bidimu bituadije ku makumi asatu too ne ku makumi atanu. Nebenze mudimu mu ntenta wa kusambakena.

Dibadika 4:25

kuambula tshilamba tshia kubuikila nzubu wa tshijila, biseba bia mikoku ya bimpanga ne bia nyama wa nkonga bia kubuikila pa mutu pa bionsu, tshilamba tshia mu mushiku wa ntenta.

Dibadika 4:27

Nanku Arone ne bana bende balombole bena Ngershone ku midimu eyi. Nebabaleje midimu idibu mua kuenza ne bintu bidibu mua kuambula.

Dibadika 4:49

Dibadika dia bantu edi, divua dienzeka bu muvua Maweja-Nangila muambile Moshe. Nanku, kulejabu muena Levi yonsu mudimu uvuaye ne bua kuenza ne tshintu tshivuaye mua kuambula, amu bu muvua Maweja-Nangila muambe.

Dibadika 7:7

Kupeshaye bena Ngershone matempu abidi ne ngombe inayi, bua bibambuluishe mu mudimu udibu nawu.