Dibadika 31:3 - MUKANDA WA MYIDI MUKULU

³ Moshe kuambila bena Izrayele ne: — Bantu bakuabu ba kunudi bambule bia mvita bua kuluisha bena Madiyane, bua bapete dinyoka didi Maweja-Nangila mubafundile.

Mukanda wa Nzambi Dihungila Dikulukulu ne Dihungila Dihia-dihia 2003

³ Mose wakambila bantu ne, Bena nvita badi munkatshi muenu bangate bintu bia nvita bualu bua kushikisha dikenga didi Yehowa musue kusombuela nʼadi Bena Midiyana.

Dibadika 31:3 교차 참조

2 Bakalenga 10:30

Ke Maweja-Nangila kuambila Yehu ne: — Bushuwa, udi muenze bimpe. Udi mukumbaje bionsu bimvua mumane kuamba bua kunyoka bena nzubu wa Akabe. Nanku, bana bebe nebakupingane mu bukalenga bua bena Izrayele, too ne ku ndelanganyi ya musangu muinayi.

2 Bakalenga 9:7

Wewe neushipe ndelanganyi ya Akabe, mfumuebe wa kale. Ndi ngenza nanku bua kusombuela bua bena mudimu banyi bonsu, bambi ne bantu bakuabu, bavua Yezabele mushipeshe.

Ekesode 17:16

Moshe kuamba ne: — Bu mudi bena Amaleke babunda nkuasa wa butumbi wa Maweja-Nangila, Maweja-Nangila neabaluishe matuku onsu.

Yirmeya 46:10

Edi ke dituku didi Maweja-Nangila, Mvidi Mukulu wa bukole buonsu, utekemena. Ke dituku didiye usombuela bena lukuna bende! Muele wende udi bu nyama wa tshidika, udi ukuata bantu, udia uukuta! Udi unua mashi abu ukuatshika! Maweja-Nangila Mvidi Mukulu wa bukole buonsu udi ubutula bantu badi mu ditunga dia ku mutu, ku muelelu wa musulu wa Perate!

Yirmeya 50:28

Bantu bavua bapanduke mu mvita, bavua banyema mu ditunga dia Babilone, ke badi bafika mu Siyone, bela mbila ne: Maweja-Nangila Mvidi Mukulu wetu mmudisombuele. Mmunyoke bena Babilone bua nzubu wende wa tshijila uvuabu banyange.

Lewitiki 26:25

Nennutumine bena mvita bua baluishe ditunga dienu. Nennunyoke bua ndondu wanyi unudi nunyanga. Nansha nuenu baye kusokoma mu bimenga, nennutumine disama dia kishi. Baluishi benu nebanutshimbakaje.

Dibadika 25:11

— Tshiiji tshianyi tshiajiki. Mutuangaji Pinhase, muana wa Elazare, muikale kabidi muikulu wa Arone, mmumane kunyoka bena Izrayele ne tshiiji, mumvua mua kuenza meme. Tshianana, mvua mua kubabutula, bualu meme nkayanyi ndi Mvidi Mukulu wabu.

Dibadika 25:13

Ndondu awu udi bualu buende ne bua ndelanganyi yende, udi ubenza batuangaji bua kashidi. Pinhase wandeji mudiye mundamate, meme Mvidi Mukulu wende, muende muonsu. Ke pandi mufuile bena Izrayele bonsu luse mu dina diende.

Dibadika 31:4

Nanku nusungule bena mvita tshinunu ku tshisamba tshionsu tshia bena Izrayele.

Balombodi 5:2

Mu Izrayele, muntu yonsu mmusulule nsuki yende. Bena Izrayele mbadifile ku mvita: Nuele Maweja-Nangila tuasakidila!

Balombodi 5:23

Nutshipe tshimenga tshia Meroze, ke mudi mutumibue wa Maweja-Nangila wamba. Nutshipe tshimenga atshi, nutshipe ne benatshi, bualu kabena bambuluisha Maweja-Nangila to, kabena baluangana mvita pamue ne bilobu biende to.