Dibadika 3:31 - MUKANDA WA MYIDI MUKULU

³¹ Bena tshisamba etshi bavua ne mudimu wa kulama bimpe mushete wa ndondu, mesa a tshijila, tshitekelu tshia miendu, bilambuilu, malongu adibu benza nawu mudimu muaba wa tshijila, kabidi ne tshilamba tshidibu balembeleja munda mua nzubu wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bobo nebalame mushete wa Nzambi ne mesa ne minda ne bioshelu ne malonga adibo benza nʼau mudimu mu nsubu wa tshitendelelu, ne tshilulu tshidibo bateka ku mpala kua muaba wa tshijila.

Dibadika 3:31 교차 참조

Ekesode 37:1

Beshalele kuenza mushete wa ndondu wa mitshi ya ndunga. Mushete awu uvua ne bule bua metre umue ne santimetre makumi abidi ne itanu, butshiama bua santimetre makumi muanda mutekete ne itanu, butumbuke bua santimetre makumi muanda mutekete ne itanu kabidi.

Ekesode 40:30

Moshe kuteka dilongu dinene, ne mayi tente, pankatshi pa ntenta wa kusambakena ne tshilambuilu.

Dibadika 3:30

Mfumu wa tshisamba etshi uvua Elishafane, muana wa Uziyele.

Dibadika 3:32

Elazare, muana wa balume wa mutuangaji Arone, ke uvua mfumu mukulu wa bena Levi bonsu. Uvua utangila bantu bavua benza mudimu muaba wa tshijila.

Matayi 5:15

Kabena batemesha muendu bua kuubuikila mu kapanza. Kadi badi bauteka pa tshitekelu tshiawu, bua ukenkele bantu bonsu badi mu nzubu.

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.