Dibadika 3:15 - MUKANDA WA MYIDI MUKULU

¹⁵ — Ubadike bantu balume bonsu ba bena Levi. Ufunde mena abu, bituadije ku bana batekete ba ngondu umue ne pa mutu too ne ku bantu bakulumpe, bilondeshile meku abu ne bisamba biabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Ubale bana ba Lewi ku nsubu ya batatuʼabo ne ku meku abo ubale bana ba balume bonso ba mu ngondo umue tô ne ha mutu.

Dibadika 3:15 교차 참조

2 Kulondolola 31:17

Bavua babadike batuangaji bilondeshile ku meku abu. Kadi, bena Levi bavua bababadike biangatshile ku bidimu makumi abidi, bilondeshile bisumbu biabu ne midimu ivuabu benza.

Nsumuinu 8:17

Ndi munange badi bannanga. Badi bankebelamu nebampete.

Yirmeya 2:2

— Yirmeya, uye kumanyisha muntu yonsu udi mu Yerushalayime ne: Maweja-Nangila udi wamba ne: Ndi muvuluke mushindu uuvua kale. Ndi muvuluke muuvua mundamate, pautshivua nsongakaji! Uvua munnange bikole, patutshivua babangilangane! Uvua undonda mu tshipela, muaba udi kauyi utoloka tshintu.

Yirmeya 31:3

Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Dibadika 1:3

Nubadike, nufunde mena a bantu balume bonsu badi ne bidimu makumi abidi ne pa mutu, bikale ne bukole bua kuenza mudimu mu bisumbu bishilangane bia tshiluilu tshia bena Izrayele.

Dibadika 1:47

Kadi kabavua babadike tshisamba tshia bena Levi pamue ne bisamba bikuabu bia bena Izrayele to.

Dibadika 26:57

Bisamba bia bena Levi bivuabu babadike, bivua ne meku aa: diku dia bena Ngershone, ndelanganyi ya Ngershone; dia bena Kekate, ndelanganyi ya Kekate; dia bena Merari, ndelanganyi ya Merari.

Dibadika 26:62

Bantu balume bonsu, too ne bana ba ngondu umue ne pa mutu, bavua 23.000. Bena Levi aba, kabavua bababadike pamue ne bena Izrayele bakuabu bonsu to, bualu kabavua ne bua kupeta muaba wabu wa kuasa mu ditunga to.

Dibadika 3:16

Moshe kubabadika muvua Maweja-Nangila mumuambile.

Dibadika 3:22

Bantu balume bonsu ba tshisamba etshi, bituadije ku bana batekete ba ngondu umue too ne ku bantu bakulumpe, bavua 7.500.

Dibadika 3:28

Bantu balume ba tshisamba etshi, bituadije ku bana batekete ba ngondu umue too ne ku bantu bakulumpe, bavua 8.600. Bavua ne mudimu wa kulama bintu bia tshijila bivua munda mua ntenta.

Dibadika 3:34

Bantu balume bonsu ba tshisamba etshi, bituadije ku bana batekete ba ngondu umue too ne ku bantu bakulumpe, bavua 6.200.

Dibadika 3:43

Bonsu pamue bituadije ku bana batekete ba ngondu umue too ne ku bantu bakulumpe, bavua 22.273.

Marke 10:14

Padi Yezu umona nanku, kusodiaye, kuambila balongi bende ne: — Lekelayi kukandika bana! Balekelayi balue kundi, bualu Bukalenga bua Mvidi Mukulu mbua badi bu bana.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.