Dibadika 24:5 - MUKANDA WA MYIDI MUKULU

⁵ Nuenu bena Izrayele, ndelanganyi ya Yakobe, ntenta yenu inudi nusomba idi mimpe mitambe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ udi wamba ne, Yakoba, ntenta yebe idi mimpe! Bena Isalele, bitudilu bienu bidi bimpe!

Dibadika 24:5 교차 참조

Nehemya 13:2

Bualu kale bobu kabavua bakidila bena Izrayele, kabavua babapesha biakudia, nansha biakunua to. Kadi bavua bapesha Balaame mabuejila bua kutshipaye bena Izrayele. Anu Mvidi Mukulu wetu kuandamuna mitshipu ayi kuvuayi disanka.

Misambu 84:2

Maweja-Nangila wa bukole buonsu, ndi munange nzubu webe bikole!

Ekesode 38:21

Pashishe Moshe kutumina bena Izrayele diyi, bua babale bintu bionsu bivuabu benza nabi mudimu mu nzubu wa tshijila. Muaba awu, ke uvuabu bateka mushete wa ndondu uvua ne mabue a mikenji. Itamare, muana wa mutuangaji Arone, ke uvua ulombola bena Levi bavua babala bintu ebi.

Musambu wa Solomo 4:7

Munanga wanyi, mubidi webe mujima udi muimpe, kauyi kalema nansha kamue.

Musambu wa Solomo 6:4

Munanga wanyi udi muimpe. Udi mulengele bu tshimenga tshia Tirsa. Udi wengelela bu Yerushalayime. Udi ukemesha bu bimenga bibidi ebi.

Lewitiki 23:42

Nuenu bena Izrayele bonsu, lumingu alu lujima, nuikale anu basomba mu tuzubu tua bisasa,

Malaki 2:12

Maweja-Nangila umushe muntu yonsu udi wenza malu mabi a nanku munkatshi mua ndelanganyi ya Yakobe, nansha yeye ulambula Maweja-Nangila wa bukole buonsu milambu!

Dibadika 2:34

Nanku bena Izrayele kukumbaja bimpe bionsu bivua Maweja-Nangila muambile Moshe. Ke muvuabu base mitanda yabu ku tshisumbu ku tshisumbu, muaba uvua dibendela diabu. Ke muvuabu bumuke kabidi balondangane bimpe ku diku ne ku diku, ku tshisamba ne ku tshisamba.

Dibadika 24:2

Ukenzakana, kumonaye bena Izrayele basomba mu mitanda yabu, ku tshisamba ku tshisamba. Mueyelu wa Mvidi Mukulu kumutulukila.

Dibadika 24:4

Meme ndi ngumvua tshidi Mvidi Mukulu wamba. Ndi mmona bidi Mvidi Mukulu wa bukole buonsu uleja. Yeye udi ummuenekela pandi mmukukuila.

Dibadika 24:6

Nzubu yenu idi itangalaka bu mayi, bu mpangu mimpe ku mielelu ya misulu. Idi mifuanangane ne mitshi ya ndunga ne ya nsanga, ivua Maweja-Nangila mukune ku muelelu wa musulu.

Dielulula 33:29

“Nuenu bena Izrayele, nudi bena diakalenga, bualu Maweja-Nangila mmunupandishe amu nuenu nkayenu! Maweja-Nangila udi ngabu wenu, unulama. Udi muele wa mvita, unuambuluisha bua kutshimuna. Baluishi benu nebanulombe luse, nenudiate ditambisha diabu mu makasa.”

Yoshua 24:10

Kadi meme kubenga kuteleja Balaame. Nanku Balaame kunuela lupemba. Ke meme kunusungidila mu bianza bia Balake.