Dibadika 22:32 - MUKANDA WA MYIDI MUKULU

³² Mutumibue kuebeja Balaame ne: — Uvua mutuute mpunde webe misangu isatu bua tshinyi? Meme ke udi mujike njila, bualu ndi mumanye ne: luendu luebe elu ludi mua kukufikishisha ku kabutu.

Mukanda wa Nzambi Dihungila Dikulukulu ne Dihungila Dihia-dihia 2003

³² Muanjelo wa Yehowa wakamuambila ne, Wakakuma mpunda webe misangu isatu bualu kai? Tangila, meme nakulua bu muhumbishi webe, bualu bua nshila webe kena muakane ku mesu kuanyi,

Dibadika 22:32 교차 참조

Misambu 145:9

Maweja-Nangila udi musue bantu bonsu, udi munange bonsu badiye mufuke.

Misambu 147:9

Udi udisha nyama ne bana ba tshikololu, padibi bikeba tshiakudia.

Misambu 36:6

Maweja-Nangila, bulenga buebe mbutue ne mu diulu. Biudi wamba, udi ubikumbaja ne mu mavuba.

Nsumuinu 14:2

Muntu udi wenda mu njila wa buakane, udi utshina Maweja-Nangila. Kadi udi wenda mu njila mikonyangale udi umupepeja.

Nsumuinu 16:2

Muntu yonsu udi wela meji ne: bionsu bindi ngenza mbilenga. Kadi Maweja-Nangila ke udi mumanye mudi muoyi wa muntu yonsu.

Nsumuinu 28:18

Muntu udi ulonda njila mululame neasombe talalaa. Kadi muena mpala ibidi, udi dikasa mu mayi dikuabu ku mukuna, neadishinde panshi.

Nsumuinu 28:6

Mupele udi ulonda njila wa buakane, mmupite mubanji udi ulonda njila mikonyangale.

Yona 4:11

Nanku, meme tshiena mua kufuila tshimenga tshinene tshia Ninive luse anyi? Mu tshimenga emu mudi bantu bapite pa binunu lukama ne makumi abidi, badi kabayi bamanye mua kudisunguluila bidi bibalengelela, mudi kabidi bimuna bipite bungi.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Dibadika 22:20

Butuku, Mvidi Mukulu kuambila Balaame ne: — Bu mudi bantu aba bakubikila, mbimpe uye nabu. Kadi wenze anu tshindi meme nkuambila.

Dibadika 22:22

Mvidi Mukulu kufikila Balaame munda bua luendu alu. Mutumibue wende kuya kujika Balaame mu njila. Balaame uvua mubande pa nyama wa mpunde. Bena mudimu babidi bavua nende.

Dibadika 22:28

Nanku Maweja-Nangila kuakuisha mpunde, webeja Balaame ne: — Tshimvua muenze bua wewe kuntuuta misangu isatu ntshinyi?

Dibadika 22:33

Mpunde uvua mummone. Kumukaye misangu isatu kundi. Bu yeye kayi muenze nanku, mvua mua kukushipa wewe, kumushiya yeye ne muoyi.

Dibadika 22:35

Mutumibue kubenga, wamba ne: — Kupinganyi to! Uye anu ne bantu aba. Kadi wambe amu bindi nkuleja. Ke Balaame kuya ne bantu bavua Balake mutume.

Bienzedi 13:10

wamba ne: — Wewe udi muntu mubi, muena dishima, muana wa diabolu, mubengi wa malu mimpe onsu. Neulekele kujikila Mvidi Mukulu njila diba kaayi?

Dielulula 23:4

Bena Amone ne bena Mowabe kabena mua kubuela muaba udi bantu ba Maweja-Nangila basangile, nansha ndelanganyi yabu ya musangu wa dikumi.

Dielulula 25:4

Ngombe udi wenza mudimu wa kudiata miepu ya ntete ya kuenza bukula, kanuena mua kumuela nkata ku mbanga to.