Dibadika 20:5 - MUKANDA WA MYIDI MUKULU

⁵ Nuvua batumushe mu Ejipitu bua tshinyi? Amu bua kutufikisha muaba ewu wa dikenga! Muaba ewu katuena mua kudima, kawena mitshi ya mfiku, nansha ya mvinyo, nansha ya grenade. Tuapangi ne mayi mene a kunua!

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu kai nuakatuhatula mu Ejipitu bua kulua nʼetu mu muaba eu mubi? Kimoko kakuena bintu bia kukuna nansha mamuma a nfigi nansha tumuma tukese nansha mamuma a grenade, kakuena mai a kunua.

Dibadika 20:5 교차 참조

Nehemya 9:21

Wewe kubalama bimpe mu tshipela, bidimu makumi anayi, kabayi babula tshintu. Bilamba biabu kabivua bisunsuke, makasa abu kaavua muwule ne luendu to.

Yirmeya 2:2

— Yirmeya, uye kumanyisha muntu yonsu udi mu Yerushalayime ne: Maweja-Nangila udi wamba ne: Ndi muvuluke mushindu uuvua kale. Ndi muvuluke muuvua mundamate, pautshivua nsongakaji! Uvua munnange bikole, patutshivua babangilangane! Uvua undonda mu tshipela, muaba udi kauyi utoloka tshintu.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yezekiyele 20:36

Nennunyoke bu mumvua munyoke bankambua benu mu tshipela tshidi pabuipi ne Ejipitu. Meme Maweja-Nangila Mvidi Mukulu, ndi ngamba nanku awu.

Dibadika 16:14

Bushuwa, kuena mutufikishe mu ditunga didi ne biakudia bia bungi to. Katuena bapiane madimi a mvinyo, nansha madimi makuabu to. Udi wela meji ne: tudi bampofu anyi? Katuena basue kufika to!

Dibadika 20:24

— Arone kakufika mu ditunga dingapesha bena Izrayele nansha. Neafuile muaba ewu, bualu nuvua bantombokele ku mayi a Meriba.

Dibadika 27:14

Bualu nuenu nuvua babenge diyi dianyi mu tshipela tshia Tsine, pavua bena Izrayele bantombokela. Mvua mukutume bua kupatula mayi mu lubuebue, pavuabu baalomba, bua bonsu bamone mundi wa tshijila. Kadi nuenu kubenga. Mayi aa ke mayi a Meriba, mmumue ne mayi a matandu, a mu Kadeshe, mu tshipela tshia Tsine.

Dielulula 8:15

Kunupitshishaye mu tshipela tshinene tshidi tshikuata bowa, tshiena ne nyoka ya lulengu, ne tuminyiminyi, kamuyi mayi. Kunupatuilaye mayi mu lubuebue luvua lupite bukole.