Dibadika 20:11 - MUKANDA WA MYIDI MUKULU

¹¹ Moshe kutuuta dikombu pa lubuebue misangu ibidi. Mayi kupatuka mapite bungi. Bena Izrayele kunua, ne bimuma biabu kabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mose wakabandisha tshianza tshiandi, wakakuma dibue ne mulangala wandi misangu ibidi, mai a bungi akabuluka, ne bantu bonso bakanua, ne bimuna biabo.

Dibadika 20:11 교차 참조

1 Kulondolola 15:13

Musangu wa kumpala kanuvuapu. Ke pavua Maweja-Nangila Mvidi Mukulu wetu mutunyoke ne dinyoka dia lufu. Bualu katuvua balonde bulongolodi budiye musue.

1 Kulondolola 15:2

Nenku kuambaye ne: — Amu bena Levi nkayabu ke badi mua kuambula mushete wa tshijila. Mvidi Mukulu uvua mubasungule amu bobu bua bikale bambudi ne bakubi ba mushete awu kashidi.

Misambu 105:41

Kunzululaye dibue, mayi kupatuka, kupuekawu mu tshipela bu musulu.

Misambu 114:8

Bualu yeye udi wandamuna lubuebue luenza dijiba dia mayi, ukudimuna dibue dishala mpokolu wa mayi.

Misambu 74:15

Uvua mupatule mayi mu mpokolu ne mu tusulu, mumishe misulu minene ivua kayiyi mua kukama.

Misambu 78:15

Kupandaye mabue mu tshipela, bua kubapesha mayi a muinshi mua buloba.

Misambu 78:16

Kupatulaye mayi mu dibue, kupuekeshaye mayi bu misulu.

Misambu 78:20

Bulelela, uvua mupande lubuebue, mupatule mayi, ne misulu ya mayi ipueka. Kadi udi mua kutupesha biakudia anyi kupesha bantu bonsu munyinyi anyi?”

Ekesode 17:6

Meme nengimane kumpala kuenu pa lubuebue ludi pa mukuna wa Sinayi. Utuute dikombu pa lubuebue, mayi apatuke bua bena Izrayele banue. Moshe kutuuta dikombu pa lubuebue, bakulu ba bena Izrayele bonsu batangile.

Yeshaya 43:19

Bualu nengenze bualu bupiabupia. Bualu ebu bukadi bumueneka. Kanuena nubumone anyi? Eyowa, nempande njila mu tshipela. Mu buloba buatuke abu, nempatulemu misulu.

Yeshaya 48:21

Udi mufile bena diende mu tshipela. Nyota kayena ibasuma. Bua kubanuisha, udi upatula mayi mu lubuebue. Udi upanda lubuebue, mayi kupatuka.

Osheya 13:5

Meme ke uvua munulame, panuvua mu tshipela, mu ditunga divua ne munanga.

Lewitiki 10:1

Nadabe ne Abiku bavua bana ba balume ba Arone. Yonsu wa kudibu kuangata tshiamu tshiende tshia musenga wa kamonya, kuelamu makala a kapia, kabidi ne manananshi bua kulambula Maweja-Nangila. Kadi kapia kakavua ka tshijila, kakavua mushindu uvua Maweja-Nangila mubambile to.

Dibadika 20:8

— Angata dikombu diebe. Pashishe, wewe ne Arone, nubikile bena Izrayele bonsu. Nutumine lubuebue alu diyi, bena Izrayele bonsu batangile. Nanku nelupatule mayi. Ke muudi mua kupatula mayi mu lubuebue, bua kunuisha bantu bonsu ne bimuna biabu.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

1 Korente 10:4

Bavua banua bonsu biakunua bia momumue bidi kabiyi bimueneka. Bualu bayua banua mayi a ku lubuebue kaluyi lumueneka, luvua luenda nabu. Lubuebue alu ke Kristu.

Dielulula 8:15

Kunupitshishaye mu tshipela tshinene tshidi tshikuata bowa, tshiena ne nyoka ya lulengu, ne tuminyiminyi, kamuyi mayi. Kunupatuilaye mayi mu lubuebue luvua lupite bukole.

Yakobe 1:20

Bualu muntu ne tshiji, kena wenza malu adi Mvidi Mukulu musue.

Balombodi 15:19

Maweja-Nangila kuenza tshina mu lubuebue londoke luvua ku Leki, mayi kupatuka. Shimeshone kunua mayi awu, kupeta bukole kabidi. Bivua binyika mpokolu awu ne: “Mpokolu wa Kora.” Mmumue ne: mpokolu wa udi ubikila. Mpokolu awu utshidiku too ne ku mpindiewu.

1 Samuele 15:19

Kuena mutumikile diyi dia Maweja-Nangila bua tshinyi? Udi muangate bintu bia bena Amaleke bua kufikisha Maweja-Nangila munda bua tshinyi?

1 Samuele 15:24

Shawule kuandamuna ne: — Ndi muenze bibi. Tshiena mutumikile diyi dia Maweja-Nangila, tshiena muteleje mibelu yebe wewe. Kadi mvua ne bowa, ntshina bena mvita. Ke pandi muenze bionsu bivua bena mvita bajinga.