Dibadika 16:11 - MUKANDA WA MYIDI MUKULU

¹¹ Nanku, wewe ne bantu bebe, nudi nutombokela Maweja-Nangila. Unudi nujana ki ngArone nansha!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Wewe ne bantu baudi nʼabo nuakudisangisha bua kuelangana ne Yehowa! Alona udi nganyi bua nuenu nudi numutontolola?

Dibadika 16:11 교차 참조

1 Kulondolola 26:19

Ke muvua bisumbu bia balami ba biibi ba mu diku dia Kora, ne dia Merari, bavuabu bangate ku mudimu nanku.

Misambu 106:16

Mu mitanda muvuabu, kutekelabu Moshe ne Arone, muena mudimu wa tshijila wa Maweja-Nangila lubabu.

Ekesode 17:2

Kutandishabu Moshe, bambe ne: — Tupeshayi mayi a kunua! Moshe kubakonka ne: — Nudi nuntandisha bua tshinyi? Nudi nuteta Maweja-Nangila bualu kaayi?

Dibadika 11:1

Dituku dikuabu bena Izrayele bavua bajana Maweja-Nangila bikole. Maweja-Nangila umvua nanku, kufikaye munda. Kapia ka Maweja-Nangila kutema munkatshi muabu, kuosha tshitupa tshia mitanda.

Dibadika 16:12

Pashishe, Moshe kubikidisha Datane ne Abirame, bana ba Eliyabe. Kadi bobu kumuandamuna ne: — Tuabengi!

Dibadika 16:3

Bantu aba bonsu, kutombokela Moshe ne Arone, kubambila ne: — Nudi nukolesha malu! Tuetu bena Izrayele bonsu tudi bantu ba tshijila. Maweja-Nangila udi munkathi muetu bonsu. Munudi nuditemba, nuditeka kumpala kua bantu bakuabu ba Maweja-Nangila mbishi?

Luke 10:16

Ke Yezu kuambila kabidi balongi bende ne: — Muntu udi unuteleja, udi unteleja meme. Muntu udi unubenga, udi umbenga meme. Kadi muntu udi umbenga, udi ubenga ne Tatu uvua muntume.

Yowanane 13:20

Ndi nnujadikila ne: muntu wakidila muntu undi ntuma, udi ungakidila meme. Muntu udi ungakidila udi wakidila uvua muntume.

Bienzedi 5:4

Bangabanga budimi ebu buvua buebe. Wewe mumane kubupana, lupetu luabu luvua amu luebe. Kadi udi mushindike bua kuenza bualu ebu bubi bua tshinyi? Kuena mudinge bantu to, udi mudinge Mvidi Mukulu.

Rome 13:2

Nenku, muntu udi ubenga diyi dia mfumu, udi ubenga kabidi bulongolodi bua Mvidi Mukulu. Badi babenga diyi dia mfumu, nebadikebele tshilumbu nkayabu.

1 Korente 10:10

Kanuena ne bua kujana Mvidi Mukulu, muvua bamue ba kudibu benze. Mutumibue, uvuabu batume ne lufu, kubashipa.

1 Korente 3:5

Kadi Apolose mene nnganyi? Polu kabidi nnganyi? Tudi amu bena mudimu ba Mvidi Mukulu, bayua banufikisha ku ditaba. Yonsu wa kutudi udi ukumbaja mudimu udi Mfumu mumufundile.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.

1 Samuele 8:7

Maweja-Nangila kumuandamuna ne: — Uteleje bena Izrayele, ubenzele bionsu bidibu balomba. Bualu udibu babenga ki ngwewe to, mmeme! Kabatshiena basue bua meme kuikala mukalenga wabu to.