Dibadika 13:31 - MUKANDA WA MYIDI MUKULU

³¹ Kadi batentekedi bavua baye ne Kalebe mu luendu alu kubenga, bamba ne: — Katuena mua kuluangana ne bantu aba to. Mbatupite bukole!

Mukanda wa Nzambi Dihungila Dikulukulu ne Dihungila Dihia-dihia 2003

³¹ Kadi bantu bakaya nʼandi bakamba ne, Katuena bamanye mua baluangana ne bantu aba, bualu bua badi batutamba bukole.

Dibadika 13:31 교차 참조

Dibadika 13:30

Batentekedi bakuabu kudiwula Moshe. Kadi Kalebe kubapuwisha, wamba ne: — Tuyayi mu ditunga adi! Netutshimune bantu bonsu abu. Netubanyenge ditunga.

Dibadika 32:7

Nudi basue kupumbisha bena Izrayele bua kufikabu mu ditunga didi Maweja-Nangila mubapeshe anyi?

Dibadika 32:9

Pafikibu mu tshibandabanda tshia Eshekole, kutentekelabu ditunga. Kadi mu dipingana diabu, kupumbishabu bena Izrayele mua kufika mu ditunga divua Maweja-Nangila mumane kubapa.

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Ebrewu 3:19

Nenku tudi tumona ne: kabena babuela mu muaba ewu wa dikisha, bualu kabavua bitabe.

Yoshua 14:8

Kadi bantu batuvua baye nabu, bavua batekesha bena Izrayele mu maboku. Amu meme mvua muleje patoke mundi muitabe Maweja-Nangila Mvidi Mukulu wanyi muanyi muonsu.

1 Samuele 17:33

Shawule kuandamuna ne: — Nansha, kuena mua kuluangana nende to. Utshidi muana mukese. Ngoliyate mmuluanangane mvita kutuadija ku buana buende.