Dibadika 12:8 - MUKANDA WA MYIDI MUKULU

⁸ Ndi ngakula nende mudi bantu bayukidilangana, mmuambile malu onsu patoke, ndileja kudiye. Yeye udi umona tshimfuanyi tshianyi. Kadi nuvua nukimina kujana muntu wanyi Moshe bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ meme nensombe nʼandi mukana ha mukana, ne mei adiye mumanye, tshiena nsomba nʼandi ne nsumuinu, neatangile mundidimbi wa Yehowa nunku kanuakutshina bua kusonguela mundi wanyi Mose munyi?

Dibadika 12:8 교차 참조

Genese 32:30

Yakobe kumuebeja ne: — Kadi wewe mene, dina diebe nnganyi? Kampande awu kumuandamuna ne: — Udi musue kumanya dina dianyi bua tshinyi? Pashishe kuelaye Yakobe lupemba.

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Misambu 49:4

Ndi nnulongesha miaku ya meji, nnumanyishe malu a lungenyi.

Ekesode 19:19

Miadi ya mpungi kuumvuika bikole ku mukuna. Moshe uvua uyukila ne Mvidi Mukulu, Mvidi Mukulu umuandamuna ne diyi bu dia dikubakuba dia mvula.

Ekesode 20:4

“Kusongi mpingu ya mvidie. Kuenji tshimfuanyi tshia tshintu nansha tshimue, nansha tshidi mulu mu mavuba, nansha tshidi panshi pa buloba, nansha tshidi mu mayi adi muinshi mua buloba.

Ekesode 33:11

Maweja-Nangila uvua wakula ne Moshe bitangilangane bu muntu wakula ne mulunda wende. Kadi pavua Moshe upingana muaba uvua bantu bonsu basombe, Yoshuwa muana wa Nune, uvua umuambuluisha, uvua mushale anu mu ntenta.

Ekesode 33:19

Maweja-Nangila kuandamuna Moshe ne: — Nenkuleje buakane buanyi, nenkuambile kabidi dina dianyi dia “Maweja-Nangila”. Muntu undi musue kunanga, ndi mmunanga, kabidi muntu undi musue kufuila luse, ndi mmufuila luse.

Ekesode 33:23

Pangumusha tshianza tshianyi, neumone nyima wanyi, bualu muntu kena mua kumona mpala wanyi to.

Ekesode 34:30

Diba divua Arone ne bena Izrayele bamone muvua mpala wa Moshe ukenka bikole, kutshinabu bua kufika muaba uvuaye.

Nsumuinu 1:6

Nebajingulule mianu ne malu masokome bia bantu badi balongesha mudi meji.

Yeshaya 40:18

Nudi basue kuteka Mvidi Mukulu mulongu umue ne nganyi? Nenumufuanyikije ne tshinyi?

Yeshaya 46:5

Nenumfuanyikije ne nganyi? Nenungidikije ne nganyi? Nenumfuanyikije ne nganyi, bua tuetu kufuanangana nende?

Yezekiyele 17:2

— Muntu, wikala welele bena Izrayele mianu pa kubalondela bualu.

Osheya 12:13

Yakobe kunyema, kuyaye ku Mezopotamiya. Kutuadijaye kuenzela muntu mukuabu mudimu, anu bua kupeta mukaji. Eyowa, Yakobe kudienza mulami wa bimuna, anu bua kupeta mukaji.

Dibadika 14:14

Bena Ejipitu mbamane kulondela bena Kenaane malu aa. Nanku bena Kenaane mbamane kumvua muudi wewe Maweja-Nangila wenda ne tshisamba tshiebe tshia bena Izrayele, umonangana nabu mpala ne mpala. Badi bamanye muudi ubalama, bualu mu munya udi wenda kumpala kuabu mu divuba, butuku mu tshimunyi tshia kapia.

Dibadika 7:89

Pavua Moshe ubuela mu ntenta wa kusambakena bua kuyukila ne Maweja-Nangila, uvua umvua diyi dia Maweja-Nangila, difumina pankatshi pa Bakerubine babidi, bavua pa tshibuikidiji tshia mushete wa ndondu. Diba adi Maweja-Nangila uvua uyukila ne Moshe.

Matayi 13:35

Uvua wenza nanku bua kukumbaja miaku ivua Mvidi Mukulu mumanyishe muambi ne: “Nembambile malu mu nsumuinu. Nembamanyishe malu avuabu basokoke bantu, biangatshile ku tshibangidilu tshia buloba.”

Luke 10:16

Ke Yezu kuambila kabidi balongi bende ne: — Muntu udi unuteleja, udi unteleja meme. Muntu udi unubenga, udi umbenga meme. Kadi muntu udi umbenga, udi ubenga ne Tatu uvua muntume.

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Yowanane 15:24

Bu meme tshiyi muenzele munkatshi muabu midimu idi katshia muntu nansha umue kayi muanji kuenza, kabatua mua kupila nansha. Kadi mpindiewu mbamone midimu yanyi, kabidi badi batukina, Tatu wanyi ne meme.

1 Korente 13:12

Mpindiewu bitudi tumona bidi bifuanangane ne tshimfuanyi tshibuitshidile tshidi tshimueneka mu lumuenu. Kadi diba adi netumonangane ne Mvidi Mukulu mpala ne mpala. Lelu ndi mumanye amu nankunanku. Kadi diba adi nemmanye Mvidi Mukulu muonsu mudiye, mudiye mummanye kabidi muonsu mundi.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

Dielulula 18:15

Maweja-Nangila neanutumine muambi mukuabu, bu meme Moshe. Neamusungule amu munkatshi mua bana benu. Nenuteleje bidiye wamba.

Dielulula 34:10

Mu bena Izrayele, katshia kamuvua muambi mukuabu bu Moshe to. Bualu Maweja-Nangila uvua wakula nende mpala ne mpala batangilangane.

Dielulula 4:15

Kadi, nutambe kuvuluka bualu ebu: Dituku divua Maweja-Nangila wakula nenu ku mukuna wa Sinayi, munkatshi mua kapia, kanuvua bamumone to.

Dielulula 5:8

“Kanusongi lupingu, kanuzodi tshimfuanyi tshidi tshileja tshintu tshidi mu diulu, pa buloba, nansha mu mayi adi muinshi mua buloba.

Kolose 1:15

Kristu udi tshimfuanyi tshidi tshimueneka tshia Mvidi Mukulu udi kayi umueneka. Yeye udi Muanabute, udi mupite bionsu bidi Mvidi Mukulu mufuke.

1 Tesalonike 4:8

Muntu udi ubenga mikenji eyi, kena ubenga muntu, kadi udi ubenga Mvidi Mukulu, udi unupa Mueyelu wende wa Tshijila.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

Ebrewu 1:1

Ku kale, Mvidi Mukulu uvua muambile bankambua hetu malu misangu ne misangu, kabidi mishindu ne mishindu kudi bambi.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

2 Petro 2:10

Neanyoke nangananga badi balonda majinga mabi a buntu buabu panu, babenga bumfumu bua Mvidi Mukulu. Balongeshi ba dishima bamvua mubambile aba, badi bantu ba dikamakama, badiambi. Kabena banemeka bifukibue bia lumu bidi mu diulu, kadi badi babipetula.

Yuda 1:8

Bantu badi balotakana abu, badi benza malu a momumue: badi banyanga mubidi wabu, bapepeja bumfumu bua Mvidi Mukulu, bapenda makole a mutu.